Tar kə̂ Maji kə̂ Jan dda makəturu tə̂ 21:17 - Dɔnɔn kə̂ Siki: Tar kə̂ aw arə təbbə

¹⁷ Goe tə̂ a, n̂-duje kə̂ gɔl mota laa nan: «Simɔn ngonn lə Jan, ə-ndikim wa?» Yeenn ngaâ rɔ Piyɛr le nəəle ang mba tar kə̂ n̂-duje to gɔl mota laa nan: «Ə-ndikim wa?» le. Ngaâ nilɛ̂ tə̂ nan: «Əbbə-dəwje, ə-gərə nɛ̂n tɔyn. Ə-gərə to m-ndikii.» Jeju pa arɛ̂ nan: «Ə-ngəm batəje ləm.

Tar kə̂ Maji kə̂ Jan dda makəturu tə̂ 21:17 ပူးပေါင်းရင်းမြစ်များ

Matiye 25:40

Yeenn ngaâ tɔkə mbay le a kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ə-ddaje nɛ̂njeenn le kə marə ngakɔm kə̂ toje to dəwje kə̂ tɛn baa nəənn, nayn to əman â ə-ddaje səm.›

Marke 14:72

Kar tə̂ənn njaa, kuran nɔn kə̂ gɔl joo laa. Yeenn ngaâ mə Piyɛr ole dɔ tar tə̂ kə̂ Jeju pa arɛ̂ nan: «Kete bba karə kuran nɔn kə̂ gɔl joo laa a, â mayn tar ləm gɔl mota pa nan ə-gərəm ang.» Ngaâ Piyɛr tee ddaka nɔn nya.

Tar kə̂ Maji kə̂ Jan dda makəturu tə̂ 12:8

Njê-ndooje a naynje kə se kə ndɔ tɔyn. A əman, mâ nayn kə se kə ndɔ tɔyn ang.»

Tar kə̂ Maji kə̂ Jan dda makəturu tə̂ 13:38

Jeju ilɛ̂ tə̂ nan: «Ə-to ngɔsi ta kila rɔi kɔrɔ̂ mbam wa? Tɔkɔrɔ njaa m-pa mari, kete bba karə kuran nɔn, â mayn gɔl mota pa nan ə-gərəm ang.»

Tar kə̂ Maji kə̂ Jan dda makəturu tə̂ 14:15

«Bbo ə-ndikimje a, â ddaje nɛ̂n kə turu nduje ləm.

Tar kə̂ Maji kə̂ Jan dda makəturu tə̂ 15:10

Bbo ə-ngəmje nduje ləm a, mâ nayn kaw ndikise. Ddəw kâra baa tokə m-ngəm nduje lə Bɔmje ngaâ nayn aw ndikim.

Tar kə̂ Maji kə̂ Jan dda makəturu tə̂ 16:30

Bbasinɛn n-gərə to ə-gərə nɛ̂n tɔyn bbo asə karə dəw duji tar ang. Mba yeenn bba, joo məje tə̂ to in rɔ Lubba tə̂ bba ə-ddee.»

Tar kə̂ Maji kə̂ Jan dda makəturu tə̂ 18:27

Piyɛr le təl mayn bbay. A karɛ̂ tə̂ənn njaa kuran nɔn.

Tar kə̂ Maji kə̂ Jan dda makəturu tə̂ 18:4

Jeju gərə nɛ̂nje tɔyn kə̂ a ta kingɛ̂ le. Yeenn ngaâ n̂-nja kə rɔde tə̂, n̂-dujude nan: «Nân bba aw sangɛ̂je wa?»

Tar kə̂ Maji kə̂ Jan dda makəturu tə̂ 21:18

Tɔkɔrɔ njaa m-pa mari, kar kə̂ ə-nayn ngonn le, əi njaa uwa kubbu ləi kə əndaar ngaâ aw aw lo tə̂ kə̂ məi ndiki. A kar kə̂ ə-bbuka a, â kula jii ngaâ dəw kə̂ dang â, a kuwa kubbu ləi kə əndaar ngaâ lo kə̂ məi ndiki ang â, nâ kaw səi kə tə̂.»

Tar kə̂ Maji kə̂ Jan dda makəturu tə̂ 4:16

Jeju pa arɛ̂ nan: «Aw ə-bbar ngawije ta ə-təl ə-ddee nəənn.»

Kulaje 1:24

Goe tə̂ a n̂-dujuje Lubba nan: «Əi Əbbəjeje kə̂ ə-gərə nɛ̂n kə̂ to mə dəwje tə̂ tɔyn, horo dəwje tə̂ kə̂ joo nəənn ɔru dəw kə̂ məi ndiki

Kulaje 11:10

Nɛ̂ɛnn le to tokə baann gɔl mota ngaâ dunn nɛ̂n le tɔyn n̂-təl nɛ̂n darâ.

Kulaje 15:8

Lubba kə̂ gərə mə dəwje tɔju to n̂-taa dəwje kə̂ toje to Jiipije ang kə rɔɛ̂ tə̂. Yeenn bba narəde Ndil-mə-nda tokə narəje le tɔ.

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

Epɛjinyɛje 4:30

Maji karə ulaje wungu mə Ndil-mə-nda tə̂ kə̂ Lubba arəse le ang. Ndil-mə-nda to tokə əndaji kə̂ Lubba unda rɔse tə̂ ta tɔju to marə ndɔ a, nâ kɔruse mə majang tə̂ tɔyn njaa kə ddang.

1 Piyɛr 1:6

Mba yeenn bba, le to tar ləse ta karə ooje gar ndooje dang dang bbasinɛn nəənn mba marə gɔju kar njaa kara aw isije kə rɔ-nəəl.

2 Piyɛr 3:1

Ngakɔnʼmje kə̂ m-ndikise nya, ooje, makəturu kə̂ to joo laa ngaa â mula nɛ̂n marəse nəənn. Mə makəturuje tə̂ le joo kəm, m-ndiki ta kole məse dɔ marə nɛ̂nje tə̂, mba ndol nɛ̂n dɔse karə kəjə ləse to kə majɛ̂.

Apokalisi 2:23

Mâ tɔl ngannɛ̂. Yeenn bba Egilisije tɔyn a gərəje to m-to dəw kə̂ aw gərə kəjəje lə dəwje ddəm bbo nɛ̂nje kə̂ to mə dəwje tə̂ ddəm. Mâ dda nɛ̂n kə se kâra kâra tɔyn asə kəm kula-ddase.

Apokalisi 3:19

Dəwje tɔyn kə̂ m-ndikide, maw təl kə de ddəw tə̂ kə̂ maji ddəm maw tundade ddəm. Yeenn bba, maji karə ə-dda kula le kə mə-kâra ta ə-turu məi.