Tar kə̂ Maji kə̂ Jan dda makəturu tə̂ 21:15 - Dɔnɔn kə̂ Siki: Tar kə̂ aw arə təbbə

¹⁵ Go nɛ̂n-kusa tə̂ le a, Jeju duju Piyɛr nan: «Simɔn ngonn lə Jan, ə-ndikim uta dəwje nəənn tɔyn wa?» Piyɛr ilɛ̂ tə̂ nan: «Ye njaa, Əbbə-dəwje, ə-gərə to m-ndikii.» Jeju pa arɛ̂ nan: «Ə-ngəm ngann batəje ləm.»

Tar kə̂ Maji kə̂ Jan dda makəturu tə̂ 21:15 ပူးပေါင်းရင်းမြစ်များ

Matiye 10:37

«Dəw kə̂ ndiki bɔɛ̂je wase kɔɛ̂nje utam, a kasə ta ddee to dəw ləm ang. Dəw kə̂ ndiki ngonnɛ̂ kə̂ dingaw wase kə̂ dɛnɛ̂n utam, a ddee to dəw ləm ang.

Matiye 16:17

Jeju pa arɛ̂ nan: «Simɔn ngonn lə Jonas, maji ari, mba dəw â unda tar nəənn tai tə̂ ang, Bɔy kə̂ isi darâ â tɔji nɛ̂n nəənn.

Matiye 18:10

«Aaje kə majɛ̂! Dang bba ə-yabbəje marə dəw kâra horo dəwje tə̂ kə̂ tɛn nəənn ang. M-pa marəse, anjəje ləde aw arje kə ndɔ tɔyn nɔn Bɔmje tə̂ darâ. [

Matiye 26:33

Piyɛr pa arɛ̂ nan: «Le dəwje tɔyn tusije inyaije kara, əman mâ kinyai ndɔ kâra ang.»

Matiye 26:35

Piyɛr pa arɛ̂ nan: «Le asə ta koy səi kara, karə m-pa nan m-gəri ang, mâ pa baann ndɔ kâra ang.» Njê-njaje goe tə̂ tɔyn paje tokə baann tɔ.

Marke 14:29

Piyɛr pa arɛ̂ nan: «Le dəwje tɔyn tusije inyaije kara, əman, mâ kinyai ang.»

Luku 12:32

Sese kə̂ ə-toje tokə lə nɛ̂n-kuulje kə̂ banya ang le ə-bbəəlje ang, mba Bɔsese oo maji ta karəse Bbe-kɔn le.»

Luku 22:32

A əman, m-duju Lubba mba tar ləi ta karə mə-kunn ləi oso ang ngaâ karə bbo ə-təl rɔm tə̂ a, ə-dda arə ngakɔinje ingaje singa.»

Tar kə̂ Maji kə̂ Jan dda makəturu tə̂ 1:42

Naw kə Simɔn le rɔ Jeju tə̂. Jeju aa Simɔn le ddekeke ngaâ pa arɛ̂ nan: «Ə-to Simɔn, ngonn lə Jan. Dâ bbari nan Sepas ngaa.» Gəl Sepas le nan: «Piyɛr.»

Tar kə̂ Maji kə̂ Jan dda makəturu tə̂ 13:37

Piyɛr duje nan: «Əbbə-dəwje, mâ kasə ta kunn goi bbasinɛn nəənn ang mba ddi wa? M-to ngɔsi ta kila rɔm kɔrɔ̂ mbai.»

Tar kə̂ Maji kə̂ Jan dda makəturu tə̂ 16:27

mba Bɔy le njaa ndikise. N̂-ndikise mba ə-ndikimje ngaâ ooje məse tə̂ mban to min rɔ Lubba tə̂ bba m-ddee.

Tar kə̂ Maji kə̂ Jan dda makəturu tə̂ 21:12

Jeju pa arəde nan: «Ə-ddee usaje nɛ̂n.» A dəw kâra horo njê-njaje goe tə̂ le tay duje se n̂-to nân wa ang, mba n̂-gərəje to n̂-to Əbbə-dəwje.

Tar kə̂ Maji kə̂ Jan dda makəturu tə̂ 21:7

Yeenn ngaâ nje-nja go Jeju tə̂ kə̂ Jeju ndike nya le pa arə Piyɛr nan: «Əbbə-dəwje â nəənn.» Simɔn Piyɛr oo nan «Əbbə-dəwje â nəənn» a, nunn kubbu laa kə̂ ngal nula mba nar rɔɛ̂ baa ngaâ naal nuru maânn.

Tar kə̂ Maji kə̂ Jan dda makəturu tə̂ 8:42

Jeju pa arəde nan: «Bbo Lubba to Bɔsese a, â ndikimje. Mba min rɔ Lubba tə̂ bba m-ddee. Əman njaa m-ddee kə dɔm baa ang, ne â nulam.

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

Kulaje 20:29

M-gərə kə majɛ̂ to gom tə̂ a, dəwje kə̂ toje tokə ənjakəmnjarje kə̂ maji ang a ddeeje kandəje horose tə̂ ta ddase maji ang.

Rɔmɛnje 14:1

Dəw kə̂ mə-kunn laa sangə ang bbay, maji karə uwɛ̂je kə rɔse tə̂ ta kəjəje kə̂ məɛ̂ tə̂ ooje to kəjəje kə̂ maji ang ang.

Rɔmɛnje 15:1

Jeje kə̂ jubbaje singa, maji karə n-gərəje tar yɔɔ lə dəwje kə̂ ubbaje singa ang bba ta nɛ̂n kə̂ nəəlje jeje dɔrɔ â n-sangəje ang.

1 Kɔrɛntinyɛje 8:11

Yeenn a, dəw kə̂ sangə ang bbay, ne kə̂ n̂-to ngokɔnje kə̂ Kristə oy mba tar laa le, nâ kunn ddəw kə̂ maji ang ɔju dɔ nɛ̂n-gərə ləi le.

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

Epɛjinyɛje 4:14

Baann bba ja toje tokə lə ngannje ang ngaâ ləl nɛ̂n-tɔjuje tɔyn njaa a yəkəje ang ddəm a kuwaje kaw nɛ̂n kə yo kə nəənn tokə lə to kə̂ ləl aw yəkə dɔ maann tə̂ ang ddəm. Dəwje a ddaje gusu kərə nɛ̂n je karə n-ndəəm ddəw ang.

Epɛjinyɛje 6:24

Maji karə Lubba dda mə-maji kə dəwje tɔyn kə̂ ndikije Əbbəjeje Jeju-Kristə kə ndiki kə̂ a goto ndɔ kâra ang.

Ebərəje 13:20

Lubba kə̂ to nje-karə mə-wul-lɔm dda arə Əbbəjeje Jeju kə̂ to tɔkə nje-kuul batəje le oy, a ndol. Ddəw məsə Jeju tə̂ kə̂ arə to nɛ̂n-polo le â Lubba ɔsu nɛ̂n kə je dɔnɔn kə̂ a to kə ndɔ kə ndɔ.

Ebərəje 4:13

Nɛ̂n kâra kə̂ iya rɔɛ̂ nɔn Lubba tə̂ goto. Nɛ̂n tɔyn kə̂ Lubba dda to ddaka baa kəmɛ̂ tə̂. A ne Lubba le tɔ â, ja kɔru gəl nɛ̂nje tɔyn kə̂ n-ddaje karɛ̂je.

1 Piyɛr 1:8

Ooje Jeju ang njaa, a ə-ndikeje. Bbasinɛn nəənn ooeje ang bbay njaa, a unnje məse arɛ̂je ngaâ aw ddaje rɔ-nəəl arə uta dɔɛ̂, rɔ-nəəl kə̂ asə pa ang.

1 Piyɛr 2:2

Maji karə ə-ddaje bbo tar lə Lubba tokə ngann əngutayje aw ddaje bbo kay mba kə̂ n̂-pole məɛ̂ ang. Yeenn bba â sangəje ddəwe tə̂ mba kinga nɛ̂n kaji,

1 Piyɛr 2:25

Mba ləw ə-toje tokə lə batəje kə̂ aw njaje kə nangə̂ baa. A bbasinɛn, ə-turuje rɔse kə rɔ nje-ngəm nɛ̂n-kuulje tə̂, ne kə̂ n̂-to nje-ngəm kəwn ləse le.

1 Jan 4:19

Jeje, ndiki to məje tə̂, mba Lubba ndikije dɔngɔr.

1 Jan 5:1

Bbo dəw ndiki tə̂ məɛ̂ tə̂ nan Jeju to Kristə a, dəw le to Ngonn lə Lubba. Dəw kə̂ ndiki Lubba kə̂ Nje-kuju Jeju le ndiki Jeju kə̂ Lubba uje le tɔ.

Apokalisi 2:23

Mâ tɔl ngannɛ̂. Yeenn bba Egilisije tɔyn a gərəje to m-to dəw kə̂ aw gərə kəjəje lə dəwje ddəm bbo nɛ̂nje kə̂ to mə dəwje tə̂ ddəm. Mâ dda nɛ̂n kə se kâra kâra tɔyn asə kəm kula-ddase.