Tar kə̂ Maji kə̂ Jan dda makəturu tə̂ 20:31 - Dɔnɔn kə̂ Siki: Tar kə̂ aw arə təbbə

³¹ A n̂-dda nɛ̂nje nəənn makəturu tə̂ karə ooje nɛ̂n məse tə̂ to Jeju to Kristə, Ngonn lə Lubba. A bbo ooje məse tə̂ a, â kisije kə təbbə ddəw tə̂ laa.

Tar kə̂ Maji kə̂ Jan dda makəturu tə̂ 20:31 ပူးပေါင်းရင်းမြစ်များ

Matiye 16:16

Simɔn Piyɛr ilɛ̂ tə̂ nan: «Ə-to Mesi, Ngonn lə Lubba kə̂ nje-kisi kəm baa.»

Matiye 27:54

Nje-kɔn dɔ mbambaje kə̂ Rɔm kə mbambaje kə̂ daw ngəmje Jeju le dooje nangə kə̂ aw yəkə kə nɛ̂nje kə̂ toje le a, bbəəl uta dɔde nya ngaâ n̂-paje nan: «Dəw nəənn to Ngonn lə Lubba njaa.»

Matiye 4:3

Əsu ddee ngɔsi saa ngaâ pa nan: «Bbo ə-to Ngonn lə Lubba a, unn ndu arə ərje nəənn təlje nɛ̂n-kusa.»

Marke 16:16

Dəw kə̂ unn məɛ̂ ngaâ inga batɛm a, a kinga kaji. Dəw kə̂ unn məɛ̂ ang a, sariya to dɔɛ̂ tə̂.

Luku 1:35

Anjə le ilɛ̂ tə̂ nan: «Ndil-mə-nda a ddee dɔi tə̂ ngaâ ndil singa-mɔngu lə Nje-kisi ddutu dara tə̂ a dəbbə dɔi tə̂. Mba yeenn bba Ngonn kə̂ maji tɔyn kə̂ â kuje le, dâ bbarɛ̂ nan Ngonn lə Lubba.

Luku 1:4

mba karə ə-gərə to nɛ̂nje tɔyn kə̂ n̂-tɔji to nɛ̂nje kə̂ tɔkɔrɔ.

Luku 24:47

Dâ kila mbər tar kə ri Kristə le karə gəl-dəwje tɔyn turuje nɛ̂n məde, mba karə tar majang ləde ɔru dɔde tə̂. Mbər tar le a kunn-kute Jerujalɛm tə̂.›

Tar kə̂ Maji kə̂ Jan dda makəturu tə̂ 1:49

Yeenn ngaâ Natanayɛl le pa arɛ̂ nan: «Nje-nɛ̂n-tɔju, ə-to Ngonn lə Lubba, ə-to tɔkə mbay kə̂ Ijarayɛl.»

Tar kə̂ Maji kə̂ Jan dda makəturu tə̂ 10:10

Nje-bboko ddee mba bboko nɛ̂n, mba tɔl nɛ̂n, mba tuju nɛ̂n njaa a bbayɛ̂. A əman, m-ddee ta karə dəwje ingaje təbbə tokə banya uta dɔɛ̂.

Tar kə̂ Maji kə̂ Jan dda makəturu tə̂ 19:35

Dəw kə̂ oo nɛ̂nje nəənn le kə kəmɛ̂ â aw ɔru gəle nəənn. N̂-gərə to tar kə̂ tɔkɔrɔ â naw pa. N̂-pa baann karə sese kara ooje məse tə̂.

Tar kə̂ Maji kə̂ Jan dda makəturu tə̂ 20:28

Toma le ilɛ̂ tə̂ nan: «Əbbəmje, Lubba ləm!»

Tar kə̂ Maji kə̂ Jan dda makəturu tə̂ 3:18

Dəw kə̂ unn məɛ̂ arə Ngonn le a, sariya to dɔɛ̂ tə̂ ang. A dəw kə̂ unn məɛ̂ arɛ̂ ang, sariya to dɔɛ̂ tə̂ mban, mba noo məɛ̂ tə̂ kə Ngonn-kâra lə Lubba ang.

Tar kə̂ Maji kə̂ Jan dda makəturu tə̂ 3:36

Dəw kə̂ oo məɛ̂ tə̂ kə Ngonn ee kə təbbə kə̂ to kə ndɔ kə ndɔ. A dəw kə̂ mbətə ta koo məɛ̂ tə̂ kə Ngonn a kinga təbbə le ang. Wungu lə Lubba nayn dɔɛ̂ tə̂.»

Tar kə̂ Maji kə̂ Jan dda makəturu tə̂ 5:24

«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.

Tar kə̂ Maji kə̂ Jan dda makəturu tə̂ 6:40

Nɛ̂n kə̂ mə Bɔmje ndiki â nəənn: Karə dəwje tɔyn kə̂ ooje Ngonn le ngaâ ooje məde tə̂ saa, ingaje təbbə kə̂ to kə ndɔ kə ndɔ. Ngaâ əman, ddutu ndɔ tə̂ a, mâ ndolde.»

Kulaje 10:43

Njê-kilaje mbər tar lə Lubba tɔyn paje tar laa nan: ‹Dəw kə̂ unn məɛ̂ arə Jeju a, Lubba ɔru tar majang laa dɔɛ̂ tə̂ kə ri Jeju le.› »

Kulaje 3:16

Dingaw kə̂ ooeje ngaâ ə-gəreje kə̂ ar nəənn, mbal dɔ koo kə̂ joo məje tə̂ kə ri Jeju le â, ri Jeju le arɛ̂ singa. Ddəw mə-kunn tə̂ kə Jeju le â dda arə rɔɛ̂ ddee maji arə sese tɔyn njaa aw ooje nəənn.

Kulaje 8:36

Daw dawje bbay a, n̂-teeje ta marə maann tə̂ ngaâ enuku le pa nan: «Maann â nəənn, a ddi bba ɔku ddəw karə minga batɛm wa?» [

Kulaje 8:37

Pilipi le pa nan: «Bbo oo məi tə̂ kə Jeju a, â kasə kinga batɛm.» Dingaw le ilɛ̂ tə̂ nan: «Moo məm tə̂ to Jeju to Ngonn lə Lubba.»]

Kulaje 9:20

ngaâ njangə baa a, Sɔl aw ila mbər kəy mbɔn-naanje tə̂ lə Jiipije pa nan Jeju to Ngonn lə Lubba.

1 Piyɛr 1:9

Rɔse nəəlse mba ingaje kaji to kuka ləse mba məse kə̂ unnje le.

1 Jan 4:15

Dəw kə̂ pa kə tɛɛ̂ nan Jeju to Ngonn lə Lubba, Lubba nayn ddəw mə-kâra tə̂ saa ddəm ne kâra n̂-nayn ddəw mə-kâra tə̂ kə Lubba ddəm.

1 Jan 5:1

Bbo dəw ndiki tə̂ məɛ̂ tə̂ nan Jeju to Kristə a, dəw le to Ngonn lə Lubba. Dəw kə̂ ndiki Lubba kə̂ Nje-kuju Jeju le ndiki Jeju kə̂ Lubba uje le tɔ.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

2 Jan 1:9

Dəw kə̂ nayn dɔ nɛ̂n-tɔju tə̂ lə Kristə ang, aw ddəw əw, n̂-mbətə Lubba ngaa. Dəw kə̂ nja go nɛ̂n-tɔju tə̂ lə Kristə to dəw kə̂ dda mə-kâra kə Bɔ ddəm Ngonn ddəm.

Apokalisi 2:18

«Ə-dda makəturu ula nɛ̂n arə anjə kə̂ Egilisi tə̂ kə̂ Tiyatir: «Tar kə̂ Ngonn lə Lubba, ne kə̂ kəmɛ̂ aw ndoko tokə lə puru ngaâ gɔlɛ̂ ndɔnrɛn tokə lə andə-narɛ pa â nəənn: