Tar kə̂ Maji kə̂ Jan dda makəturu tə̂ 19:4 - Dɔnɔn kə̂ Siki: Tar kə̂ aw arə təbbə

⁴ Pilatə le təl tee ddaka bbay ngaâ pa arə Jiipije le nan: «Ya! Maw tee saa kə ddaka ta karəse, karə ə-gərəje to minga marə nɛ̂n kâra ta gangə nɛ̂n sariya dɔɛ̂ tə̂ ang.»

Tar kə̂ Maji kə̂ Jan dda makəturu tə̂ 19:4 ပူးပေါင်းရင်းမြစ်များ

Matiye 27:19

Kar tə̂ kə̂ Pilatə isi ngende-gangə sariya tə̂ le bbay a, dɛnɛ̂n laa ula pa arɛ̂ nan: «Ula tai tar tə̂ lə dəw kə̂ gatə gatə nəənn ang. Mba til tə̂ nəənn, moo ndoo nya mə nin tə̂ mbɛɛ̂.»

Matiye 27:24

Pilatə oo to nâ kasə dda marə nɛ̂n dang ang ngaâ dəwje le aw yəkəje lo kə kete kete a, nunn maann n̂-toko nɛ̂n jia kəm dəwje tə̂ kə̂ banya le n̂-pa nan: «Tar yo lə dingaw nəənn a kuwa dɔm ang. Oose.»

Matiye 27:4

N̂-pa narəde nan: «M-dda nɛ̂n kə̂ maji ang, mba mila dəw kə̂ dda nɛ̂n kə̂ maji ang kâra ang ji dəwje tə̂ karə n̂-tɔlɛ̂.» Dilɛ̂je tə̂ nan: «Osoje tə̂ ang. Yeenn ooi.»

Matiye 27:54

Nje-kɔn dɔ mbambaje kə̂ Rɔm kə mbambaje kə̂ daw ngəmje Jeju le dooje nangə kə̂ aw yəkə kə nɛ̂nje kə̂ toje le a, bbəəl uta dɔde nya ngaâ n̂-paje nan: «Dəw nəənn to Ngonn lə Lubba njaa.»

Luku 23:4

Pilatə pa arə mbayje lə njê-poloje Lubba kə dəwje kə̂ banya le nan: «Minga marə nɛ̂n kə̂ asə karə munda nɛ̂n tar dɔ dingaw tə̂ nəənn kâra ang.»

Luku 23:41

Sariya ləje to kə dɔgɔlɛ̂, mba to kuka nɛ̂nje kə̂ maji ang kə̂ n-dda â jinga. A ne, n̂-dda nɛ̂n kə̂ maji ang kâra ang.»

Luku 23:47

Nje-kɔn dɔ mbambaje oo nɛ̂njeenn le a, ɔsu gaji Lubba pa nan: «Tɔkɔrɔ njaa dəw nəənn to gatə gatə.»

Tar kə̂ Maji kə̂ Jan dda makəturu tə̂ 18:33

Yeenn ngaâ Pilatə andə kəy-mbay tə̂. N̂-bbar Jeju ngaâ n̂-duje nan: «Ə-to tɔkə mbay lə Jiipije wa?»

Tar kə̂ Maji kə̂ Jan dda makəturu tə̂ 18:38

Pilatə duje nan: «Tar kə̂ tɔkɔrɔ â to ddi wa?» Go tarje tə̂ənn a, Pilatə təl aw inga Jiipije ddaka ngaâ pa arəde nan: «Moo marə nɛ̂n kâra ta gangə nɛ̂n sariya dɔ dingaw tə̂ nəənn ang.

Tar kə̂ Maji kə̂ Jan dda makəturu tə̂ 19:6

A kakə mbayje lə njê-poloje Lubba kə njê-ngəmje ta-kəy-polo Lubba ooeje a, duruje əkii nan: «Ə-tɔlɛ̂ dɔ kakə-dəsə tə̂! Ə-tɔlɛ̂ kakə-dəsə tə̂.» Pilatə pa arəde nan: «Sese njaa uwɛ̂je, ə-tɔlɛ̂je dɔ kakə-dəsə tə̂. Mba minga marə nɛ̂n kâra ta gangə nɛ̂n sariya dɔɛ̂ tə̂ ang.»

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

Ebərəje 7:26

Yeenn a, Jeju â to tɔkə nje-polo Lubba kə̂ maji karə jingaje. N̂-maji tɔyn, nɛ̂n-yərəw kâra ɔrɛ̂ ang, n̂-dda majang ang. Lubba undɛ̂ dang kə njê-nɛ̂n-ddaje kə̂ maji ang ngaâ aw undɛ̂ ddutu dara tə̂ nu.

1 Piyɛr 1:19

Məsə Kristə kə̂ ngəng nya â uka nɛ̂n dɔse. Kristə le to tokə ngonn batə kə̂ marə nɛ̂n tuju rɔɛ̂ tə̂ ang ddəm nɛ̂n-yərəw ɔrɛ̂ ang ddəm.

1 Piyɛr 2:22

Kristə dda majang ang, nərə ngəm ndɔ kâra ang.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

1 Jan 3:5

A ə-gərəje to Jeju-Kristə ddee mba kɔru majangje lə dəwje, majang kâra to rɔɛ̂ tə̂ ang.