35 Dəw kə̂ oo nɛ̂nje nəənn le kə kəmɛ̂ â aw ɔru gəle nəənn. N̂-gərə to tar kə̂ tɔkɔrɔ â naw pa. N̂-pa baann karə sese kara ooje məse tə̂.
A rɔm nəələm nya mbase, mba mee nunn ang. Baann bba â kooje məse tə̂ səm. A jawje rɔ Lajar tə̂ le.»
M-gərə to aw ilam tar tə̂ kə ndɔ tɔyn njaa. A maw pa tar nəənn mba dəwje kə̂ gukumje nəənn. Baann bba karə dooje məde tə̂ to əi â ulam.»
M-pa nɛ̂njeenn marəse bbasinɛn, kete bba karə nɛ̂njeenn le teeje. Karə bbo nɛ̂njeenn le teeje a, ooje məse tə̂.
Ngaâ sese kara, â kɔruje naji ləm, mba eeje səm ləw baa kunn-kute tə̂.»
Jeju oo kɔɛ̂nje kə nje-nja goe tə̂ kə̂ n̂-ndike nya kə̂ ar mbɔr kɔɛ̂nje tə̂ le ngaâ pa arə kɔɛ̂nje le nan: «Dɛnɛ̂n, ngonni â toonn.»
A n̂-dda nɛ̂nje nəənn makəturu tə̂ karə ooje nɛ̂n məse tə̂ to Jeju to Kristə, Ngonn lə Lubba. A bbo ooje məse tə̂ a, â kisije kə təbbə ddəw tə̂ laa.
Nje-nja go Jeju tə̂ nəənn le njaa oo nɛ̂njeenn le kə kəmɛ̂ ngaâ dda tarɛ̂ makəturu tə̂ nəənn. N-gərə to tar-naji laa le to tar kə̂ tɔkɔrɔ.
A jeje n-toje to njê-tar-naji nɛ̂nje tɔyn kə̂ n̂-dda dɔ nangə tə̂ lə Jiipije ddəm bbe tə̂ kə̂ Jerujalɛm ddəm. Ne kə̂ n̂-tɔɛ̂je kakə-dəsə tə̂ n̂-tɔlɛ̂je le.
Tɔkɔrɔ njaa, tarje tɔyn kə̂ n̂-dda ləw Makəturu tə̂ lə Lubba le, n̂-dda mba tɔju nɛ̂n je nɛ̂n bba karə wurje kə̂ jaw tɔje le ddəm singa kə̂ jaw jingaje ddəwe tə̂ le ddəm dda arə jundaje məje dɔ nɛ̂n tə̂ kə̂ Lubba pa tarɛ̂.
Bbasinɛn, m-ndiki ta ndəjə dəwje kə̂ dɔ Egilisi tə̂ kə̂ toje horose tə̂. Əman kə̂ m-to dəw kə̂ dɔ Egilisi tə̂ marde tɔ le, m-to nje-tar-naji ndooje kə̂ Kristə oo. Mâ kinga piti kə̂ Lubba a tee nɛ̂n kə̂ ddaka le tɔ.
M-dda nɛ̂njeenn makəturu tə̂ marəse karə ə-gərəje to eeje kə təbbə kə̂ to kə ndɔ kə ndɔ, sese kə̂ ooje məse tə̂ kə ri Ngonn lə Lubba le.
Demetrus to dəw kə̂ dəwje tɔyn paje tar laa maji. Tar kə̂ tɔkɔrɔ kə̂ naw nja ddəwe tə̂ kara pa tar-naji laa tɔ. Jeje kara jaw pa tar-naji laa kə majɛ̂. Ə-gərə to tar-naji ləje to tar kə̂ tɔkɔrɔ.