Tar kə̂ Maji kə̂ Jan dda makəturu tə̂ 19:30 - Dɔnɔn kə̂ Siki: Tar kə̂ aw arə təbbə

³⁰ Jeju ay maann-binyə kə̂ masə le ngaâ pa nan: «Nɛ̂n tɔyn tunga ngaa.» Yeenn ngaâ nula dɔɛ̂ kə̂ nangə̂ a, noy.

Tar kə̂ Maji kə̂ Jan dda makəturu tə̂ 19:30 ပူးပေါင်းရင်းမြစ်များ

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Matiye 27:50

Jeju təl uru əkii kə singa bbay ngaâ kəwn laa tee.

Matiye 3:15

A Jeju ilɛ̂ tə̂ nan: «Kə̂ bbasinɛn nəənn, arə n-dda tokə baann. Mba to maji karə n-dda nɛ̂n tɔyn kə̂ to gatə gatə tokə baann.» Yeenn ngaâ Jan le ndiki tə̂ saa.

Marke 15:37

A Jeju uru əkii kə singa ngaâ oy.

Luku 22:37

Mba m-pa marəse: Maji karə tar nɛ̂nje kə̂ n̂-pa dɔm tə̂ mə Makəturu tə̂ lə Lubba nəənn ingam njaa. Tar le nan: ‹Dəwje ooeje to marə dəw kə̂ maji ang.› Tar kə̂ dɔm tə̂ nəənn le ddee ngɔsi ta kɔsu kɔnyɛ̂ baann tɔkɔrɔ ngaa.»

Luku 23:46

Jeju uru əkii pa nan: «Bɔy, minya ndilim mə jii tə̂.» Goe tə̂ a, noy.

Tar kə̂ Maji kə̂ Jan dda makəturu tə̂ 10:11

«Əman, m-to nje-ngəm nɛ̂n-kuulje kə̂ maji. Nje-ngəm nɛ̂n-kuulje kə̂ maji ila rɔɛ̂ kɔrɔ̂ mba batəje laa.

Tar kə̂ Maji kə̂ Jan dda makəturu tə̂ 10:18

Dəw kâra ɔru təbbə ləm jim tə̂ kə singa ang, əman njaa marə kə̂ mə-ndiki ləm. Masə ta karə təbbə ləm ngaâ masə ta təl kinga. Yeenn to ndu kə̂ Bɔ unn arəm.»

Tar kə̂ Maji kə̂ Jan dda makəturu tə̂ 17:4

M-pitii dɔ nangə tə̂. M-dda kula kə̂ arəm karə m-dda le m-tunga.

Tar kə̂ Maji kə̂ Jan dda makəturu tə̂ 19:28

Goe tə̂ a, Jeju gərə to nɛ̂n tɔyn tunga mban. A karə tar kə̂ Makəturu pa le ddee to tar kə̂ tɔkɔrɔ a, n̂-pa nan: «Kunda ɔnʼm.»

Tar kə̂ Maji kə̂ Jan dda makəturu tə̂ 4:34

Jeju pa arəde nan: «Nɛ̂n-kusa ləm to ənga dda nɛ̂n kə̂ mə Lubba kə̂ ulam ndiki, ta dda kula kə̂ narəm le tunga.

Rɔmɛnje 10:4

Mba Kristə dda arə Ndu lə Mɔyijə ɔsu kɔyn mban. Baann bba karə dəw kə̂ unn məɛ̂ a, ddee gatə gatə kəm Lubba tə̂.

Rɔmɛnje 3:25

Lubba unn Kristə le to nɛ̂n-polo. Yeenn bba ddəw koy tə̂ laa, narɛ̂ ddəw karə tar majang ɔru dɔ dəwje tə̂ kə̂ ooje məde tə̂ saa. Baann â Lubba tɔju nɛ̂n to n̂-nayn naw to gatə gatə kə ndɔ tɔyn. Ləw, n̂-to tokə baann, n̂-gangə sariya dɔde tə̂ mba majang ləde ang. N̂-tɔ wure. Bbokənɛn kara n̂-nayn naw to gatə gatə, mba n̂-ndiki ta nayn gatə gatə ddəm ta dda karə dəwje kə̂ ooje məde tə̂ kə Jeju ddeeje gatə gatə ddəm.

1 Kɔrɛntinyɛje 5:7

Maji karə arəje wum kə̂ ləw kə̂ to horose tə̂ goto kə ddang ta ə-ddeeje maji. Yeenn bba a ddeeje tokə lə nduju kə̂ n̂-bɔkɔlɔ tokə siki kə wum ang. Tɔkɔrɔ njaa ə-ddeeje to nduju kə̂ n̂-bɔkɔlɔ tokə siki mban, mba Kristə to ngonn batə Pakə ləje kə̂ dunn darə to nɛ̂n-polo mban.

Pilipinyɛje 2:8

N̂-dda rɔɛ̂ ngaji baa. Noo ndu Lubba ndərəng, noy nɛ̂n yo kə̂ dɔ kakə-dəsə tə̂.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Ebərəje 9:22

Ddəw Ndu tə̂ lə Mɔyijə, məsə â aw toko nɛ̂nje nya arə ddee maji. Bbo məsə ungu nangə̂ ang a, tar majang ɔru dɔ dəw tə̂ ang.