Tar kə̂ Maji kə̂ Jan dda makəturu tə̂ 19:28 - Dɔnɔn kə̂ Siki: Tar kə̂ aw arə təbbə

²⁸ Goe tə̂ a, Jeju gərə to nɛ̂n tɔyn tunga mban. A karə tar kə̂ Makəturu pa le ddee to tar kə̂ tɔkɔrɔ a, n̂-pa nan: «Kunda ɔnʼm.»

Tar kə̂ Maji kə̂ Jan dda makəturu tə̂ 19:28 ပူးပေါင်းရင်းမြစ်များ

Luku 12:50

Marə batɛm kə̂ dâ ddam to. Məm a kar taar ndərəng ndɔ kə̂ dâ ddam nɛ̂n batɛm le a kasə.

Luku 18:31

Jeju bbar njê-kaw-kulaje laa kə̂ dɔku gire joo kə rɔɛ̂ tə̂ ngaâ pa arəde nan: «Ooje, jaw jawje kə Jerujalɛm, nu le, nɛ̂nje tɔyn kə̂ njê-kilaje mbər tar lə Lubba ddaje Makəturu tə̂ dɔ Ngonn lə dəw tə̂ le a ddee to nɛ̂n kə̂ tɔkɔrɔ.

Luku 22:37

Mba m-pa marəse: Maji karə tar nɛ̂nje kə̂ n̂-pa dɔm tə̂ mə Makəturu tə̂ lə Lubba nəənn ingam njaa. Tar le nan: ‹Dəwje ooeje to marə dəw kə̂ maji ang.› Tar kə̂ dɔm tə̂ nəənn le ddee ngɔsi ta kɔsu kɔnyɛ̂ baann tɔkɔrɔ ngaa.»

Luku 9:31

Piti lə Lubba to dɔde tə̂ ngaâ daw paje tar koy lə Jeju Jerujalɛm kə̂ a ddee to nɛ̂n kə̂ tɔkɔrɔ.

Tar kə̂ Maji kə̂ Jan dda makəturu tə̂ 13:1

Nayn ndɔ kâra karə kusu Pakə asə a, Jeju gərə to kar kə̂ nâ kinya duninya nəənn ta kaw rɔ Bɔ tə̂ asə. Jeju ndiki dəwje laa kə̂ duninya tə̂ nəənn le ngaâ ndikide ndərəng tee kɔnyɛ̂ tə̂.

Tar kə̂ Maji kə̂ Jan dda makəturu tə̂ 17:4

M-pitii dɔ nangə tə̂. M-dda kula kə̂ arəm karə m-dda le m-tunga.

Tar kə̂ Maji kə̂ Jan dda makəturu tə̂ 18:4

Jeju gərə nɛ̂nje tɔyn kə̂ a ta kingɛ̂ le. Yeenn ngaâ n̂-nja kə rɔde tə̂, n̂-dujude nan: «Nân bba aw sangɛ̂je wa?»

Tar kə̂ Maji kə̂ Jan dda makəturu tə̂ 19:24

Mbambaje le paje arə naan nan: «N-tirje kubbu nəənn ang. N-ddɔje mbari jooje se nân bba a bu wa?» Baann bba karə tar kə̂ Makəturu lə Lubba pa nəənn ddee to tar kə̂ tɔkɔrɔ. Tar le nan: «N̂-kaynje naan kubbuje ləm, ngaâ dunnje kubbu ləm kə̂ ngal n̂-ddɔje nɛ̂n mbari.» Nɛ̂ɛnn le njaa mbambaje ddaje.

Tar kə̂ Maji kə̂ Jan dda makəturu tə̂ 19:30

Jeju ay maann-binyə kə̂ masə le ngaâ pa nan: «Nɛ̂n tɔyn tunga ngaa.» Yeenn ngaâ nula dɔɛ̂ kə̂ nangə̂ a, noy.

Tar kə̂ Maji kə̂ Jan dda makəturu tə̂ 19:36

Nɛ̂ɛnn to bba karə tar kə̂ Makəturu lə Lubba pa ddee to tar kə̂ tɔkɔrɔ. Tar le nan: «Dâ guru marə singa rɔɛ̂ kâra ang.»

Tar kə̂ Maji kə̂ Jan dda makəturu tə̂ 4:34

Jeju pa arəde nan: «Nɛ̂n-kusa ləm to ənga dda nɛ̂n kə̂ mə Lubba kə̂ ulam ndiki, ta dda kula kə̂ narəm le tunga.

Kulaje 13:29

N̂-ddaje nɛ̂n tɔyn ddəw kâra baa kə tar kə̂ n̂-pa dɔɛ̂ tə̂ Makəturu tə̂ ngaâ dɔru niinnɛ̂ kakə-dəsə tə̂ dila buwa-yo tə̂.