Tar kə̂ Maji kə̂ Jan dda makəturu tə̂ 19:17 - Dɔnɔn kə̂ Siki: Tar kə̂ aw arə təbbə

¹⁷ Jeju njaa oto kakə-dəsə laa in nɛ̂n mə tɔkə bbe tə̂ le aw nɛ̂n lo tə̂ kə̂ daw bbar nan: «Lo ka-dɔ-dəw», kə̂ daw bbar nan: «Gɔlogota» kə tar ebərə tɔ.

Tar kə̂ Maji kə̂ Jan dda makəturu tə̂ 19:17 ပူးပေါင်းရင်းမြစ်များ

Matiye 10:38

Dəw kə̂ oto kakə-dəsə laa ang ddəm uwa gom ang ddəm a kasə ta ddee to dəw ləm ang.

Matiye 16:24

Yeenn bba, Jeju pa arə njê-njaje goe tə̂ nan: «Bbo dəw ndiki ta kuwa gom a, maji karə nəjə rɔɛ̂ ang, maji karə noto kakə-dəsə laa bba ta nuwa gom.

Matiye 27:37

N̂-dda marə makəturu n̂-bbərə ər dɔɛ̂ tə̂ ta tɔju nɛ̂n gəl nɛ̂n kə̂ n̂-gangə nɛ̂n sariya dɔɛ̂ tə̂ le nan: «Dəw nəənn to Jeju, tɔkə mbay lə Jiipije.»

Marke 10:21

Jeju ɛɛ̂ a, ndike ngaâ pa arɛ̂ nan: «Nɛ̂n kâra ngaa â dui: Aw labbə nɛ̂nje tɔyn kə̂ inga ta ə-kayn narɛ̂ dangətəje a, â kinga marə dam narɛ darâ. Goe tə̂ a, ə-ddee unn gom.»

Marke 15:26

N̂-dda marə makəturu n̂-bbərə ər dɔɛ̂ tə̂ ta tɔju nɛ̂n gəl nɛ̂n kə̂ n̂-gangə nɛ̂n sariya dɔɛ̂ tə̂ le nan: «Dəw nəənn to mbay lə Jiipije.»

Marke 15:32

Maji karə ne kə̂ n̂-to Kristə, tɔkə mbay kə̂ Ijarayɛl le n̂-ddisi dɔ kakə-dəsə tə̂ nuru nangə̂. Yeenn bba joo a, ja kunn məje karɛ̂.» Dəwje kə̂ n̂-bbərəde dɔ kakə-dəsə tə̂ mbɔrɛ̂ tə̂ le kara aw tajɛ̂je tɔ.

Marke 8:34

Goe tə̂ a, n̂-bbar dəwje kə̂ banya kə njê-njaje goe tə̂ ngaâ n̂-pa narəde tɔyn nan: «Bbo dəw ndiki ta kuwa gom a, maji karə nəjə rɔɛ̂ ang, noto kakə-dəsə laa ta nuwa gom.

Luku 14:27

Dəw kə̂ oto kakə-dəsə laa ang ddəm uwa gom ang ddəm a kasə ta to nje-nja gom tə̂ ang.

Luku 23:26

Mbambaje aw awje kə Jeju a, dingaje Simɔn kə̂ bbe tə̂ kə̂ Sirɛnn, nin ndɔɔ̂ naw təl kə bbeê. Duwɛ̂je dundaje kakə-dəsə le dɔɛ̂ tə̂ darə noto n̂-nja nɛ̂n go Jeju tə̂.

Luku 23:33

N̂-teeje lo tə̂ kə̂ daw bbar nan «Ka-dɔ-dəw» a, n̂-bbərəje Jeju kakə-dəsə tə̂ ngaâ n̂-bbərəje njê-nɛ̂n-ddaje kə̂ maji ang kə̂ joo le kakə-dəsəje tə̂ tɔ. Kâra dɔ ji-kɔl Jeju tə̂, a kâra dɔ ji-gəle tə̂.

Luku 23:38

N̂-bbərə makəturu dɔ kakə-dəsə tə̂ le taar nan: «Tɔkə mbay lə Jiipije â nəənn.»

Luku 9:23

N̂-pa narəde tɔyn nan: «Bbo dəw ndiki ta kuwa gom a, maji karə nəjə rɔɛ̂ ang. Maji karə noto kakə-dəsə laa kə ndɔ ndɔ bba ta nuwa gom.

Tar kə̂ Maji kə̂ Jan dda makəturu tə̂ 19:13

Pilatə oo tarje le a, narə n̂-tee kə Jeju. Ngaâ, nisi ngende-gangə sariya tə̂, lo tə̂ kə̂ daw bbar nan: «Lo kə̂ dɔsu kə ər» ngaâ daw bbar nan: «Gabata» kə tar lə ebərəje.

Tar kə̂ Maji kə̂ Jan dda makəturu tə̂ 5:2

Jerujalɛm tə̂ənn, marə maann to ngɔsi baa kə ta-kəy kə̂ daw dandə nɛ̂n kə batəje. Ri maann le kə tar ebərə nan Beteseda. Dɔsu baranda min mbɔrɛ̂ tə̂.

Kulaje 7:58

N̂-ndɔrɛ̂je n̂-teeje saa mə bbe tə̂ kə ddang ngaâ dunnje kutu tilɛ̂ kə ər ta tɔlɛ̂. Njê-tar-najije kə̂ undaje tar dɔɛ̂ tə̂ le unguje kubbuje ləde dɔ naan tə̂ nɔn marə basan tə̂ kə̂ ria nan Sɔl karə n̂-ngəm.