4 Jeju gərə nɛ̂nje tɔyn kə̂ a ta kingɛ̂ le. Yeenn ngaâ n̂-nja kə rɔde tə̂, n̂-dujude nan: «Nân bba aw sangɛ̂je wa?»
Dɔ ndɔɛ̂ tə̂ənn njaa, Jeju unn kutu pa kə ddaka karə njê-njaje goe tə̂ nan to tar laa ta kaw Jerujalɛm, ta koo ndoo ji tɔkəje tə̂ lə Jiipije kə mbayje lə njê-poloje Lubba kə njê-gərəje-Ndu. Dâ karə n̂-tɔlɛ̂ ta ndɔ mota goe tə̂ a, nâ ndol.
«Ə-gərəje tɔyn to Pakə nayn ndɔ joo baa ngaa. Dâ kila Ngonn lə dəw ji dəwje tə̂ karə n̂-tɔlɛ̂ kakə-dəsə tə̂.»
Kar tə̂ kə̂ daw dusaje nɛ̂n a, n̂-pa nan: «Tɔkɔrɔ m-pa marəse, marə dəw kâra horose tə̂ a kilam ji dəwje tə̂.»
Yeenn ngaâ Jeju pa arəde nan: «Til tə̂ nəənn, â tusumje tɔyn kinyamje, mba n̂-dda Makəturu tə̂ lə Lubba nan: ‹Mâ tɔl nje-ngəm batəje, ta kusu batəje le a sanrɛ naan.›
Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»
Nayn ndɔ kâra karə kusu Pakə asə a, Jeju gərə to kar kə̂ nâ kinya duninya nəənn ta kaw rɔ Bɔ tə̂ asə. Jeju ndiki dəwje laa kə̂ duninya tə̂ nəənn le ngaâ ndikide ndərəng tee kɔnyɛ̂ tə̂.
Jeju gərə dəw kə̂ a ta kunn dɔɛ̂ le. Mba yeenn bba, n̂-pa nan: «Sese, nɛ̂n-yərəw ɔruse ang. A to sese tɔyn ang.»
Dilɛ̂je tə̂ nan: «Jeju kə̂ Najarɛtə.» Jeju le pa arəde nan: «Əman â nəənn.» Judas nje-kunn-dɔɛ̂ le ee kə de lo tə̂ənn.
Jeju təl dujude bbay nan: «Nân bba aw sangɛ̂je wa?» Dilɛ̂je tə̂ nan: «Jeju kə̂ Najarɛtə.»
Goe tə̂ a, Jeju gərə to nɛ̂n tɔyn tunga mban. A karə tar kə̂ Makəturu pa le ddee to tar kə̂ tɔkɔrɔ a, n̂-pa nan: «Kunda ɔnʼm.»
A horose tə̂, marə dəwje ooje məde tə̂ ang.» Mba kunn-kute tə̂ njaa, dəwje kə̂ ooje məde tə̂ kə̂ Jeju ang, Jeju gərəde ddəm gərə dəw kə̂ a kunn dɔɛ̂ ddəm.
Ə-tɔjum ddəw kinga təbbə, ar nɔnʼm tə̂, a mâ kinga rɔ-nəəl.›
Kristə oo ndoo da-rɔɛ̂ tə̂. Yeenn a, sese kara maji karə kəjə ləse to tokə baann tɔ. Mba dəw kə̂ oo ndoo da-rɔɛ̂ tə̂, to dəw kə̂ ɔru rɔɛ̂ majang tə̂ kə ddang ngaa.