Tar kə̂ Maji kə̂ Jan dda makəturu tə̂ 18:37 - Dɔnɔn kə̂ Siki: Tar kə̂ aw arə təbbə

³⁷ Pilatə duje nan: «Yeenn a, ə-to tɔkə mbay wa?» Jeju ilɛ̂ tə̂ nan: «Əi njaa ə-pa. M-to tɔkə mbay. Nɛ̂n kə̂ dujum mbɛɛ̂ ngaâ nɛ̂n kə̂ m-ddee duninya tə̂ mbɛɛ̂ â nəənn: M-ddee ta kɔru naji lə tar kə̂ tɔkɔrɔ. Dəw kə̂ to ənga tar kə̂ tɔkɔrɔ aw oo tar kə̂ maw pa.»

Tar kə̂ Maji kə̂ Jan dda makəturu tə̂ 18:37 ပူးပေါင်းရင်းမြစ်များ

Matiye 26:64

Jeju ilɛ̂ tə̂ nan: «Əi njaa ə-pa mban. A m-pa marəse, bbasinɛn nəənn njaa â kooje Ngonn lə dəw kə̂ isi dɔ ji-kɔl Lubba tə̂ kə̂ nje-singa-mɔngu. A kooeje kar tə̂ kə̂ nâ kin darâ ta ddee mə mum tə̂ tɔ.»

Matiye 27:11

Daw kə Jeju nɔn ngonn mbay Pilatə tə̂. Ngonn mbay le duje nan: «Ə-to tɔkə mbay lə Jiipije wa?» Jeju ilɛ̂ tə̂ nan: «Əi njaa ə-pa mban.»

Marke 14:62

Jeju ilɛ̂ tə̂ nan: «Ye njaann, m-to Ngonnɛ̂. Â kooje Ngonn lə dəw kə̂ isi dɔ ji-kɔl Lubba tə̂ kə̂ Nje-singa-mɔngu. Nâ kin darâ mə mum tə̂ ta ddee.»

Marke 15:2

Pilatə duju Jeju nan: «Ə-to mbay lə Jiipije wa?» Jeju le ilɛ̂ tə̂ nan: «Əi njaa ə-pa mban.»

Luku 22:70

Dede tɔyn n̂-paje nan: «Yeenn a, ə-to Ngonn lə Lubba wa?» Nilade tə̂ nan: «Sese njaa ə-paje mban, m-to ne le.»

Luku 23:3

Pilatə duju tar Jeju nan: «Ə-to tɔkə mbay lə Jiipije wa?» Jeju ilɛ̂ tə̂ nan: «Əi njaa ə-pa.»

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 1:17

Lubba arəje Ndu ləw ddəw tə̂ lə Mɔyijə, a mə-maji kə tar kə̂ tɔkɔrɔ ddeeje ddəw tə̂ lə Jeju-Kristə.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 3:32

Naw pa tar-naji nɛ̂nje kə̂ noo kə mbia ddəm kə kəmɛ̂ ddəm. A dəw kâra ndiki tə̂ kə tar-naji laa le ang.

Tar kə̂ Maji kə̂ Jan dda makəturu tə̂ 7:17

Dəw kə̂ ndiki ta dda nɛ̂n kə̂ mə Lubba ndiki a, a gərə se nɛ̂n-tɔju ləm in rɔ Lubba tə̂ wase tarje kə̂ məm tə̂ njaa maw pa wa.

Tar kə̂ Maji kə̂ Jan dda makəturu tə̂ 8:14

Jeju ilade tə̂ nan: «Tɔkɔrɔ, əman njaa maw pa tar-naji ləm. A tar-naji ləm le to tar kə̂ tɔkɔrɔ. Mba m-gərə lo kə̂ min tə̂ bba m-ddee. Ngaâ m-gərə lo kə̂ maw maw kə tə̂. A sese, ə-gərəje lo kə̂ min tə̂ ang ddəm lo kə̂ maw maw kə tə̂ ang ddəm.

Tar kə̂ Maji kə̂ Jan dda makəturu tə̂ 8:45

A əman, aw ndikije tə̂ kə tar ləm ang, mba maw pa tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 8:46

Horose tə̂ nəənn, nan â, a kasə ta tɔjum to m-dda majang wa? Maw pa tar kə̂ tɔkɔrɔ a, ə-ndikije tə̂ kə tar ləm ang mba ddi wa?

Tar kə̂ Maji kə̂ Jan dda makəturu tə̂ 8:47

Dəw kə̂ to lə Lubba a, oo tarje lə Lubba. A sese, ooje tar lə Lubba ang, mba ə-toje to laa ang.»

1 Timɔte 6:13

Munn ndu nəənn mari nɔn gɔl Lubba tə̂ kə̂ arə təbbə nɛ̂nje tɔyn ddəm nɔn gɔl Jeju-Kristə tə̂ kə̂ pa tar-naji kə̂ tɔkɔrɔ nɔn gɔl Pɔnsə Pilatə tə̂ ddəm.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Jan 2:21

Ə-gərəje tar kə̂ tɔkɔrɔ mban ngaâ ə-gərəje to ngəm in mə tar kə̂ tɔkɔrɔ tə̂ ang. Mba yeenn bba, m-dda makəturu nəənn marəse.

1 Jan 3:14

Jeje n-ndikije ngakɔnje, mba yeenn â n-gərəje to n-teeje ta yo tə̂ ngaâ jingaje təbbə mban. Dəw kə̂ ndiki ngokɔɛ̂n ang nayn mə yo tə̂ bbay.

1 Jan 3:19

Ddəw tə̂ kə̂ baânn bba ja gərəje to n-toje to ənga tar kə̂ tɔkɔrɔ ngaâ kəjə ləje a to ddekeke nɔn Lubba tə̂.

1 Jan 4:6

A Jeje, n-toje to ənga Lubba. Dəw kə̂ gərə Lubba aw oo tar ləje. Dəw kə̂ to ənga Lubba ang a koo tar ləje ang. Ddəw nɛ̂n tə̂ kə̂ baann bba ja gərəje nɛ̂n Ndil tar kə̂ tɔkɔrɔ kə ndil tar kə̂ tɔkɔrɔ ang.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

Apokalisi 1:4

Əman Jan, mula kə makəturu nəənn marə dəwje kə̂ Egilisije tə̂ siri kə̂ nangə tə̂ kə̂ Aji. Maji karə Lubba kə̂ to bbokənɛn nəənn, kə̂ to ləw, kə̂ aw ddee dda kə se mə-maji ngaâ narə məse wul lɔm. Maji karə ndilje kə̂ siri kə̂ arje nɔn ngende-mbay tə̂ laa ddaje kə se tokə baann.

Apokalisi 3:14

«Ə-dda makəturu ula nɛ̂n arə anjə kə̂ ee Egilisi tə̂ kə̂ Lawodise ə-pa nan: «Tar kə̂ Dəw kə̂ ria nan Amɛnn, ne kə̂ n̂-to nje-tar-naji kə̂ gatə gatə ddəm kə̂ tɔkɔrɔ ddəm ne kə̂ nee kunn-kutu nɛ̂nje tə̂ kə̂ Lubba dda n̂-pa â nəənn: