Tar kə̂ Maji kə̂ Jan dda makəturu tə̂ 18:32 - Dɔnɔn kə̂ Siki: Tar kə̂ aw arə təbbə

³² Baann bba karə tar kə̂ Jeju pa mba tɔju nɛ̂n gar yo kə̂ nâ koy le ddee to nɛ̂n kə̂ tɔkɔrɔ.

Tar kə̂ Maji kə̂ Jan dda makəturu tə̂ 18:32 ပူးပေါင်းရင်းမြစ်များ

Matiye 20:19

ngaâ dâ kilɛ̂ ji dəwje tə̂ kə̂ gərəje Lubba ang karə dɔjɛ̂je n̂-kokoje nɛ̂n. Dâ tundɛ̂ kə ndəy ngaâ dâ tɔlɛ̂ kakə-dəsə tə̂. Ndɔ mota laa a, nâ ndol.»

Matiye 26:2

«Ə-gərəje tɔyn to Pakə nayn ndɔ joo baa ngaa. Dâ kila Ngonn lə dəw ji dəwje tə̂ karə n̂-tɔlɛ̂ kakə-dəsə tə̂.»

Marke 10:33

«Ooje, jaw jawje kə Jerujalɛm. Dəwje a kilaje Ngonn lə dəw ji mbayje tə̂ lə njê-poloje Lubba kə ji njê-gərəje-Ndu tə̂. Dâ gangə sariya-yo dɔɛ̂ tə̂ ngaâ dâ kilɛ̂ ji dəwje tə̂ kə̂ gərəje Lubba ang.

Tar kə̂ Maji kə̂ Jan dda makəturu tə̂ 10:31

Jiipije təlje otoje ər ta tila nɛ̂n Jeju tɔlɛ̂.

Tar kə̂ Maji kə̂ Jan dda makəturu tə̂ 10:33

Jiipije le ilɛ̂je tə̂ nan: «Nɛ̂n kə̂ maji â n-ndiki ta tilai kə ər tɔli mbɛɛ̂ ang. Taji kə̂ ə-taji Lubba â n-ndiki ta tilai mbɛɛ̂. Ə-to dəw, a ə-dda rɔi to Lubba.»

Tar kə̂ Maji kə̂ Jan dda makəturu tə̂ 13:18

«Maw pa nɛ̂ɛnn ɔju dɔse tɔyn ang. M-gərə dəwje kə̂ m-mbərəde. A maji karə tar kə̂ Makəturu tə̂ lə Lubba nəənn ddee to nɛ̂n kə̂ tɔkɔrɔ. Tar le nan: ‹Dəw kə̂ aw usa səm nɛ̂n təl to nje-baan ləm.›

Tar kə̂ Maji kə̂ Jan dda makəturu tə̂ 18:31

Yeenn ngaâ Pilatə le pa arəde nan: «Uwɛ̂je ta sese njaa ə-gangəje sariya dɔɛ̂ tə̂ tokə ndu ləse pa.» Jiipije le ilɛ̂je tə̂ nan: «Ndu arəje ddəw karə n-gangə sariya-yo dɔ dəw tə̂ ang.»

Tar kə̂ Maji kə̂ Jan dda makəturu tə̂ 21:19

Jeju pa tar nəənn le ta tɔju nɛ̂n gar yo kə̂ Piyɛr a koy kə̂ a karə piti Lubba. Goe tə̂ a, Jeju le pa arɛ̂ nan: «Unn gom.»

Tar kə̂ Maji kə̂ Jan dda makəturu tə̂ 3:14

Ddəw kâra baa tokə Mɔyijə bbərə li kə̂ n̂-dda kə andə taar mə kɔr tə̂ kəm dəwje tə̂ tɔyn le, maji karə n̂-bbərə Ngonn lə dəw taar kəm dəwje tə̂ tɔyn tɔ.

Tar kə̂ Maji kə̂ Jan dda makəturu tə̂ 8:28

Yeenn ngaâ Jeju pa arəde nan: «Bbo ə-tɔje Ngonn lə dəw kakə tə̂ ə-lɛ̂je kə taar a, â gərəje to ‹Əman, M-to›. Â gərəje to m-dda nɛ̂n kâra kə dɔm baa ang, nɛ̂n kə̂ Bɔ tɔjum njaa â maw pa.

Kulaje 7:59

Kar tə̂ kə̂ daw tilaje Etiyɛnn kə ər le a, Etiyɛnn le duju Lubba nan: «Əbbəmje Jeju, ə-taa kəwn ləm.»

Galatəje 3:13

A Kristə ɔruje kɔ ndu-ndɔɔl tə̂ kə̂ Ndu ddee nɛ̂n dɔje tə̂ mban, n̂-ddee to dəw kə̂ ndu-ndɔɔl to dɔɛ̂ tə̂ ɔju dɔje. Mba Makəturu lə Lubba pa nan: «Dəw kə̂ n̂-tɔɛ̂ kakə tə̂ n̂-tɔlɛ̂ to dəw kə̂ ndu-ndɔɔl to dɔɛ̂ tə̂.»