M-bbarse to njê-kulaje ang ngaa, mba nje-kula gərə nɛ̂n kə̂ əbbeeje aw dda ang. Maw bbarse to dəwje kə̂ m-ndikide, mba nɛ̂n tɔyn kə̂ Bɔmje pa arəm, m-pa marə ə-gərəje tɔ.
Maji karə ə-naynje rɔm tə̂ tokə əman m-nayn rɔse tə̂ le. Bbo barkəm binyə nayn dɔ kakɛ̂ tə̂ ang a, nâ kandə kə dɔ rɔɛ̂ njaa ang. Ddəw kâra baa, bbo ə-naynje rɔm tə̂ ang a, â kasəje ta kandə ang tɔ.
Bbo Kristə to məse tə̂ a, tɔkɔrɔ da-rɔse a koy mba majang. A Lubba arə ə-ddeeje to dəwje kə̂ gatə gatə kəmɛ̂ tə̂. Mba yeenn bba, Ndil-mə-nda arəse təbbə.
N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.