Tar kə̂ Maji kə̂ Jan dda makəturu tə̂ 17:25 - Dɔnɔn kə̂ Siki: Tar kə̂ aw arə təbbə

²⁵ Bɔ kə̂ gatə gatə, dəwje kə̂ duninya tə̂ gərije ang. A əman m-gəri ngaâ njê-njaje gom tə̂ nəənn gərəje to əi â ulam.

Tar kə̂ Maji kə̂ Jan dda makəturu tə̂ 17:25 ပူးပေါင်းရင်းမြစ်များ

Matiye 11:27

«Bɔy inya nɛ̂nje tɔyn jim tə̂. Dəw kâra gərə Ngonn le ang. Bɔ kâra baa â gəre. Dəw gərə Bɔ le ang. Ngonn le kâra baa â gəre, a dəw kə̂ Ngonn le ndiki ta tɔjɛ̂ Bɔ le bba a gərə Bɔ le tɔ.»

Matiye 16:16

Simɔn Piyɛr ilɛ̂ tə̂ nan: «Ə-to Mesi, Ngonn lə Lubba kə̂ nje-kisi kəm baa.»

Luku 10:22

Bɔy inya nɛ̂nje tɔyn mə jim tə̂. Dəw kâra gərə Ngonn le ang. Bɔ kâra baa â gəre. Dəw gərə Bɔ le ang. Ngonn le kâra baa â gəre, a dəw kə̂ Ngonn le ndiki ta tɔjɛ̂ Bɔ le bba a gərə Bɔ le tɔ.»

Tar kə̂ Maji kə̂ Jan dda makəturu tə̂ 1:18

Dəw kâra oo Lubba ang. A Ngonn-kâra kə̂ to Lubba kə̂ isi mbɔr Bɔɛ̂je tə̂ le dda arə dəwje gəreje.

Tar kə̂ Maji kə̂ Jan dda makəturu tə̂ 10:15

tokə Bɔ gərəm ngaâ m-gərə Bɔ tɔ le. Munn təbbə ləm marə mba batəje ləm.

Tar kə̂ Maji kə̂ Jan dda makəturu tə̂ 15:21

«Dâ ddaje nɛ̂njeenn tɔyn kə se mba rim, mba n̂-gərəje dəw kə̂ ulam ang.

Tar kə̂ Maji kə̂ Jan dda makəturu tə̂ 16:27

mba Bɔy le njaa ndikise. N̂-ndikise mba ə-ndikimje ngaâ ooje məse tə̂ mban to min rɔ Lubba tə̂ bba m-ddee.

Tar kə̂ Maji kə̂ Jan dda makəturu tə̂ 16:3

Dâ ddaje nɛ̂njeenn mba n̂-gərəje Bɔ ang ddəm n̂-gərəmje ang ddəm.

Tar kə̂ Maji kə̂ Jan dda makəturu tə̂ 16:30

Bbasinɛn n-gərə to ə-gərə nɛ̂n tɔyn bbo asə karə dəw duji tar ang. Mba yeenn bba, joo məje tə̂ to in rɔ Lubba tə̂ bba ə-ddee.»

Tar kə̂ Maji kə̂ Jan dda makəturu tə̂ 17:11

Mee duninya tə̂ ang ngaa, a dede deeje duninya tə̂ nəənn. Əman maw kə rɔi tə̂. Bɔ kə̂ maji tɔyn, maji karə ə-ngəmde ddəw singa tə̂ ləi, singa kə̂ arəm le karə n̂-toje kâra baa tokə əman je səi n-to kâra baa.

Tar kə̂ Maji kə̂ Jan dda makəturu tə̂ 17:18

Dede le, mulade duninya tə̂ tɔ tokə əi ulam duninya tə̂ le.

Tar kə̂ Maji kə̂ Jan dda makəturu tə̂ 17:21

M-duji karə dede tɔyn n̂-ddeeje to dəwje kə̂ kâra baa. Bɔy, maji karə n̂-ddaje mə-kâra kə je, ddəw kâra baa tokə əi ə-dda mə-kâra səm ngaâ əman m-dda mə-kâra səi le. Maji karə n̂-ddeeje to dəwje kə̂ kâra baa ddəw mə-kâra tə̂ kə̂ n̂-ddaje kə je, bba karə dəwje kə̂ duninya tə̂ gərəje to əi â ulam.

Tar kə̂ Maji kə̂ Jan dda makəturu tə̂ 17:23

M-dda mə-kâra kə de ngaâ əi ə-dda mə-kâra səm. Baann bba dâ ddeeje kâra baa tokə tɔkɔrɔ, bba karə dəwje kə̂ duninya tə̂ gərəje to əi â ulam. Ngaâ, ə-ndikide tokə ə-ndikim.

Tar kə̂ Maji kə̂ Jan dda makəturu tə̂ 17:3

Təbbə kə̂ to kə ndɔ kə ndɔ le, to karə n̂-gərije, əi kâra baa kə̂ ə-to Lubba kə̂ tɔkɔrɔ ddəm Jeju-Kristə kə̂ ulɛ̂ ddəm.

Tar kə̂ Maji kə̂ Jan dda makəturu tə̂ 17:8

mba m-ndaji tar kə̂ ə-pa arəm marəde ngaâ n̂-taaje. N̂-gərəje to min rɔi tə̂ bba m-ddee tokə tɔkɔrɔ ngaâ dooje məde tə̂ to əi â ulam.

Tar kə̂ Maji kə̂ Jan dda makəturu tə̂ 3:17

Tɔkɔrɔ, Lubba ula Ngonnɛ̂ dɔ nangə tə̂ ta kaji dəwje ddəw tə̂ laa, bbo ta gangə sariya dɔde tə̂ ang.

Tar kə̂ Maji kə̂ Jan dda makəturu tə̂ 6:19

Njê-njaje go Jeju tə̂ le yəlje tɔkə to le asə kilometere min wase misan a, dooje Jeju aw nja dɔ maann tə̂ aw ddee nɛ̂n kə tɔkə to tə̂ ləde le a, n̂-bbəəlje.

Tar kə̂ Maji kə̂ Jan dda makəturu tə̂ 7:29

Əman, m-gəre mba min rɔɛ̂ tə̂ bba m-ddee ngaâ ne â nulam.»

Tar kə̂ Maji kə̂ Jan dda makəturu tə̂ 8:19

Parijinyɛje dujeje nan: «Bɔije le ee dda wa?» Jeju ilade tə̂ nan: «Ə-gərəmje ang ddəm ə-gərəje Bɔmje ang ddəm. Mba bbo ə-gərəmje a, â gərəje Bɔmje tɔ.»

Tar kə̂ Maji kə̂ Jan dda makəturu tə̂ 8:55

A ə-gərəje Lubba le ang, əman m-gəre. Bbo m-pa nan m-gəre ang a, mâ to nje-ngəm tokə sese. A m-gəre arə maw ngəm tarje laa.

Kulaje 17:23

Mba m-nja mə bbe tə̂ le a, moo kɔrje kə̂ aw polojede. A m-tee dɔ marə baann tə̂ kə̂ n̂-dda makəturu tə̂ nan: ‹Bann lə marə lubba kə̂ dəw gəre ang.› Maji, nɛ̂n kə̂ aw poloje, a ə-gərəje ang le â m-ddee maw mila mbəre marəse nəənn.

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Rɔmɛnje 1:28

Mba n̂-mbətəje ta gərə Lubba le ngaâ n̂-tusude ninyade narə n̂-naynje kə kəjəje ləde kə̂ maji ang karə ta n̂-ddaje nɛ̂n kə̂ dəw asə dda ang.

Rɔmɛnje 3:11

Dəw kâra kə̂ gərə nɛ̂n goto, Dəw kâra kə̂ sangə ddəw lə Lubba goto.

1 Kɔrɛntinyɛje 1:21

Lubba dda ddəw kəm-karɛ tə̂ laa arə dəwje kə̂ duninya tə̂ nəənn asəje ta gəre ddəw kəm-karɛ tə̂ ləde njaa ang. Yeenn bba Lubba oo maji ta kaji dəwje kə̂ unnje məde ddəw tar tə̂ kə̂ jaw jila nɛ̂n mbər kə̂ to tokə tar mbəjeenn le.

1 Kɔrɛntinyɛje 15:34

Maji karə ə-təlje uwaje dɔse kə majɛ̂, inyaje nɛ̂n-ddaje kə̂ maji ang. Mba marə dəwje horose tə̂ gərəje Lubba ang. M-pa baann karə rɔ-kul ddase.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

2 Tesalonisinyɛje 1:8

Nâ ddee dann ndɔn-puru tə̂ kə̂ aw ɔn ta kila barə dɔ dəwje tə̂ kə̂ gərəje Lubba ang ngaâ mbətəje ta dda nɛ̂n kə turu ndu Tar kə̂ Maji lə Əbbə-dəwje Jeju.

Ebərəje 8:11

Dəw kâra a tɔju nɛ̂n nje-bbe marɛ̂ ang ngaa ddəm ngokɔɛ̂n ang ngaa ddəm, ta pa nan: ‹Maji karə ə-gərə Əbbə-dəwje!› Dəw a pa baann ang ngaa. Mba dəwje tɔyn a gərəmje, unn kute dɔ njê kə̂ ngaji tə̂ ndərəng dɔ njê kə̂ tɔkə tə̂.

1 Jan 1:9

Bbo n-paje tar majang ləje kə ddaka a, Lubba le a kɔru tar majang ləje dɔje tə̂ ngaâ nâ toko kula-ddaje kə̂ maji ang tɔyn, mba naw turu ndue ang ddəm n̂-to gatə gatə ddəm.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.

Apokalisi 16:5

Moo ndu anjə kə̂ ɔn dɔ maannje pa nan: «Əi kə̂ ə-to bbokənɛn ddəm ə-to ləw ddəm ə-maji tɔyn ddəm ə-to gatə gatə ɔju dɔ sariyaje kə̂ ə-gangə nəənn.