Tar kə̂ Maji kə̂ Jan dda makəturu tə̂ 17:24 - Dɔnɔn kə̂ Siki: Tar kə̂ aw arə təbbə

²⁴ Bɔy, əi â arəm dəwje le, yeenn bba m-ndiki karə deeje səm lo tə̂ kə̂ mee tə̂. Baann bba karə dooje piti kə̂ ə-pitim, mba ə-ndikim kete bba ə-dda duninya.

Tar kə̂ Maji kə̂ Jan dda makəturu tə̂ 17:24 ပူးပေါင်းရင်းမြစ်များ

Matiye 25:21

Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.›

Matiye 25:23

Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.›

Matiye 25:34

Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le.

Matiye 26:29

M-pa marəse, unn kute kar tə̂ nəənn, mâ kay maann-binyə nəənn ang ngaa, ndərəng ndɔ kə̂ mâ kay nɛ̂n maann-binyə kə̂ siki kə se mə Bbe-kɔn tə̂ lə Bɔmje.»

Luku 12:37

Maji arəde, dede kə̂ njê-kulaje kə̂ əbbədede a tee kingade dɔ bbi tə̂ ang. Tɔkɔrɔ m-pa marəse, əbbədede le a kula kubbu kula laa, nâ karə disije ta tabələ tə̂ ngaâ nâ ddee karəde nɛ̂n-kusa.

Luku 23:43

Jeju pa arɛ̂ nan: «Tɔkɔrɔ, m-pa mari, bbokənɛn a kisi səm paradis tə̂.»

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 12:26

Bbo dəw ndiki ta dda kula ləm a, maji karə nunn gom. Baann bba lo kə̂ mee tə̂ a, nje-kula ləm a kee tə̂ tɔ. Bbo dəw aw dda kula ləm a, Bɔmje a walɛ̂.»

Tar kə̂ Maji kə̂ Jan dda makəturu tə̂ 14:3

Bbo maw dda lo marəse a, mâ təl ddee kotose karə lo kə̂ mee tə̂ a, sese kara eeje tə̂ tɔ.

Tar kə̂ Maji kə̂ Jan dda makəturu tə̂ 15:9

M-ndikise tokə Bɔmje ndikim. Yeenn a, maji karə ə-naynje rɔm tə̂, a mâ nayn kaw ndikise.

Tar kə̂ Maji kə̂ Jan dda makəturu tə̂ 17:2

Mba arə Ngonni singa dɔ dəwje tə̂ tɔyn, karə dəwje kə̂ ungude mə jia tə̂ le, narəde təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 17:22

«Ngaâ əman, marə dingaje piti kə̂ arə minga le tɔ bba karə n̂-ddeeje to dəwje kə̂ kâra baa, tokə əman je səi n-to kâra baa le.

Tar kə̂ Maji kə̂ Jan dda makəturu tə̂ 17:5

Bbasinɛn nəənn, Bɔy, ə-pitim lo tə̂ kə̂ ee tə̂ kə piti kə̂ aw pitim nɛ̂n mbɔri tə̂ kete bba duninya to le.

Tar kə̂ Maji kə̂ Jan dda makəturu tə̂ 6:37

Dəwje tɔyn kə̂ Bɔmje arəm a ddeeje rɔm tə̂. Ngaâ dəw kə̂ ddee rɔm tə̂ a, mâ kilɛ̂ ddaka ang.

Tar kə̂ Maji kə̂ Jan dda makəturu tə̂ 6:39

Nɛ̂n kə̂ mə dəw kə̂ ulam ndiki â nəənn: Maji karə horo dəwje tə̂ tɔyn kə̂ narəm, dəw kâra nayn kə kɔrɔ̂ ang. Maji karə m-ndolde ddutu ndɔ tə̂.

Tar kə̂ Maji kə̂ Jan dda makəturu tə̂ 8:58

Jeju ilade tə̂ nan: «Tɔkɔrɔ m-pa marəse, kete bba karə Abaraham to, Əman, M-to mban.»

1 Kɔrɛntinyɛje 13:12

Bbokənɛn jaw jooje nɛ̂n kəmje tə̂ ndoko ang tokə nɛ̂n kə̂ jaw joo nɛ̂n-koo-rɔ tə̂. A marə ndɔ a, ja kooje kəm kə kəm. Bbokənɛn m-gərə nɛ̂n tɔyn ang bbay. A bbo ndɔɛ̂ asə a, mâ gərə nɛ̂n tokə Lubba gərəm le.

2 Kɔrɛntinyɛje 3:18

Jeje tɔyn kə̂ marə nɛ̂n ɔnn kəmje ang, ndoko lə Əbbə-dəwje aw təəl rɔje tə̂ tokə lə nɛ̂n-koo-rɔ. N̂-turuje narə n-to tokə laa, jaw ndoko kə kete kete tokə lə Əbbə-dəwje kə̂ to Ndil.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

2 Kɔrɛntinyɛje 5:8

Tɔkɔrɔ njaa, rɔje oy njururu ang bbay ngaâ n-ndiki nya ta kinya da-rɔje nəənn le ta kaw kisi mbɔr Əbbə-dəwje tə̂.

Pilipinyɛje 1:23

Kəjə ləm ee joo joo: M-ndiki ta kinya nangə nəənn ta kaw kisi kə Kristə. Yeenn bba a maji nya.

1 Tesalonisinyɛje 4:17

Goe tə̂ a, jeje kə̂ ja n-naynje kəm baa bbay le, dâ kotoje kə de kâra baa mə mum tə̂, ta kaw kinga nɛ̂n Əbbə-dəwje mə dara tə̂. Yeenn ngaâ ja naynje kə Əbbə-dəwje kə ndɔ kə ndɔ.

1 Piyɛr 1:21

Ddəw tə̂ laa â unnje məse arəje Lubba kə̂ noy a, ndole ngaâ arɛ̂ piti, mba karə mə-kunn ləse kə mə-kunda ləse to kə dɔ Lubba tə̂.

1 Jan 3:2

Ngakɔnʼmje kə̂ m-ndikise, kə̂ bbasinɛn nəənn n-toje to ngann lə Lubba ngaa. Ndɔ kə̂ bara a, ja toje tokə baânn wa? Yeenn â n-gərəje ang bbay. A n-gərəje to ndɔ kə̂ Jeju-Kristə ddee a, ja toje tokə ne, mba ja kooeje se n̂-to tokə baânn wa!

Apokalisi 21:22

A moo kəy-polo Lubba mə tɔkə bbe tə̂ le ang. Mba Əbbə-dəwje Lubba kə̂ Nje-singa-mɔngu njaa, de kə Ngonn batə â n̂-toje to kəy-polo Lubba kə̂ mə tɔkə bbe tə̂ le.

Apokalisi 3:21

Dəw kə̂ tətə ddɔ a, mâ karɛ ddəw karə nisi səm dɔ ngende-mbay tə̂ ləm tokə m-tətə ddɔ ngaâ maw misi kə Bɔmje dɔ ngende-mbay tə̂ laa le.