Tar kə̂ Maji kə̂ Jan dda makəturu tə̂ 17:23 - Dɔnɔn kə̂ Siki: Tar kə̂ aw arə təbbə

²³ M-dda mə-kâra kə de ngaâ əi ə-dda mə-kâra səm. Baann bba dâ ddeeje kâra baa tokə tɔkɔrɔ, bba karə dəwje kə̂ duninya tə̂ gərəje to əi â ulam. Ngaâ, ə-ndikide tokə ə-ndikim.

Tar kə̂ Maji kə̂ Jan dda makəturu tə̂ 17:23 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 10:38

A bbo maw dda kulaje le, a bbo ə-ndikije tə̂ kə tar ləm ang kara, maji karə kulaje le ə-ndikije tə̂. Yeenn bba a gərəje kə majɛ̂ to, əman kə Bɔ, n-to dəwje kə̂ kâra baa.»

Tar kə̂ Maji kə̂ Jan dda makəturu tə̂ 13:35

Bbo ə-ndikije naan a, dəwje tɔyn a gərəje to ə-toje to njê-njaje gom tə̂.

Tar kə̂ Maji kə̂ Jan dda makəturu tə̂ 14:10

Oo məi tə̂ kə tar nəənn ang wa? Mee mə Bɔ tə̂ ngaâ Bɔ ee məm tə̂. Tarje kə̂ maw pa in rɔm tə̂ njaa ang. Bɔ kə̂ ee məm tə̂ â aw dda kulajeenn.

Tar kə̂ Maji kə̂ Jan dda makəturu tə̂ 14:23

Jeju ilɛ̂ tə̂ nan: «Bbo dəw ndikim a, nâ dda nɛ̂n kə turu ndum. Bɔmje a ndike ngaâ əman je kə Bɔy ja kaw rɔɛ̂ tə̂, ja dda bbe rɔɛ̂ tə̂.

Tar kə̂ Maji kə̂ Jan dda makəturu tə̂ 15:9

M-ndikise tokə Bɔmje ndikim. Yeenn a, maji karə ə-naynje rɔm tə̂, a mâ nayn kaw ndikise.

Tar kə̂ Maji kə̂ Jan dda makəturu tə̂ 16:27

mba Bɔy le njaa ndikise. N̂-ndikise mba ə-ndikimje ngaâ ooje məse tə̂ mban to min rɔ Lubba tə̂ bba m-ddee.

Tar kə̂ Maji kə̂ Jan dda makəturu tə̂ 17:11

Mee duninya tə̂ ang ngaa, a dede deeje duninya tə̂ nəənn. Əman maw kə rɔi tə̂. Bɔ kə̂ maji tɔyn, maji karə ə-ngəmde ddəw singa tə̂ ləi, singa kə̂ arəm le karə n̂-toje kâra baa tokə əman je səi n-to kâra baa.

Tar kə̂ Maji kə̂ Jan dda makəturu tə̂ 17:21

M-duji karə dede tɔyn n̂-ddeeje to dəwje kə̂ kâra baa. Bɔy, maji karə n̂-ddaje mə-kâra kə je, ddəw kâra baa tokə əi ə-dda mə-kâra səm ngaâ əman m-dda mə-kâra səi le. Maji karə n̂-ddeeje to dəwje kə̂ kâra baa ddəw mə-kâra tə̂ kə̂ n̂-ddaje kə je, bba karə dəwje kə̂ duninya tə̂ gərəje to əi â ulam.

Tar kə̂ Maji kə̂ Jan dda makəturu tə̂ 17:24

Bɔy, əi â arəm dəwje le, yeenn bba m-ndiki karə deeje səm lo tə̂ kə̂ mee tə̂. Baann bba karə dooje piti kə̂ ə-pitim, mba ə-ndikim kete bba ə-dda duninya.

Tar kə̂ Maji kə̂ Jan dda makəturu tə̂ 17:26

M-dda marə n̂-gərije ngaâ mâ dda karə n̂-təl n̂-gərije bbay bba karə ndiki kə̂ ə-ndikim to məde tə̂ ngaâ əman kara mee məde tə̂ tɔ.»

Tar kə̂ Maji kə̂ Jan dda makəturu tə̂ 17:3

Təbbə kə̂ to kə ndɔ kə ndɔ le, to karə n̂-gərije, əi kâra baa kə̂ ə-to Lubba kə̂ tɔkɔrɔ ddəm Jeju-Kristə kə̂ ulɛ̂ ddəm.

Tar kə̂ Maji kə̂ Jan dda makəturu tə̂ 17:8

mba m-ndaji tar kə̂ ə-pa arəm marəde ngaâ n̂-taaje. N̂-gərəje to min rɔi tə̂ bba m-ddee tokə tɔkɔrɔ ngaâ dooje məde tə̂ to əi â ulam.

Tar kə̂ Maji kə̂ Jan dda makəturu tə̂ 3:17

Tɔkɔrɔ, Lubba ula Ngonnɛ̂ dɔ nangə tə̂ ta kaji dəwje ddəw tə̂ laa, bbo ta gangə sariya dɔde tə̂ ang.

Tar kə̂ Maji kə̂ Jan dda makəturu tə̂ 6:56

Dəw kə̂ usa taal-rɔm ngaâ ay məsəm a, əman je saa ja ddee to dəwje kə̂ kâra baa.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

Galatəje 3:28

Jiipi wase Gɛrɛkə goto ngaa, bbərə wase dəw kə̂ to bbərə ang goto ngaa, dingaw wase dɛnɛ̂n goto ngaa. Mba sese tɔyn ə-ddeeje to dəwje kə̂ kâra baa ddəw mə-kâra tə̂ kə̂ ə-ddaje kə Jeju-Kristə.

Pilipinyɛje 3:15

Jeje kə̂ n-tɔkəje ddəw Ndil tə̂ lə Lubba mban, maji karə kəjə ləse to tokə baann. A bbo kəjə ləm to dang dɔ marə nɛ̂n tə̂ a, Lubba a kilaje ddəw-boô.

Kolosinyɛje 1:28

Kristə le â jaw jila mbər laa. Jaw jarə ndəjə dəwje tɔyn ngaâ jaw tɔjude nɛ̂n dəwje tɔyn ddəw kəm-karɛ tə̂ dang dang, karə dəwje tɔyn sangəje ddəw tə̂ lə Kristə.

Kolosinyɛje 2:2

M-ndiki ta karə dingaje singa məde tə̂ ngaâ n̂-ddeeje kâra baa ddəw ndiki naan tə̂, karə nɛ̂n-gərə kə̂ maji dda arə məde oso pɔn. Ngaâ n̂-gərəje nɛ̂n kə̂ Lubba ngəm lo-kiyɛ̂ tə̂. Nɛ̂n le to Kristə.

Kolosinyɛje 3:14

A uta tɔyn, maji karə ndiki to rɔse tə̂ tokə lə kubbu. To nɛ̂n kə̂ a tɔse naan tə̂ kuta nɛ̂n tɔyn.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.

1 Jan 1:3

Nɛ̂n kə̂ joo kə kəmje ddəm kə mbije ddəm le, jaw pa jarəse tɔ, karə sese kara ə-ddaje mə-kâra kə je. Mə-kâra ləje to mə-kâra kə̂ to horoje tə̂ kə Bɔ ddəm to horoje tə̂ kə Ngonnɛ̂ Jeju-Kristə ddəm.

1 Jan 3:1

Ooje, Bɔy ndikije nya. Ddəw ndiki tə̂ le bba daw bbar nɛ̂n je to ngannje lə Lubba. N-to ngannje lə Lubba le njaa. Yeenn bba, dəwje kə̂ duninya tə̂ nəənn gərəjeje ang, mba dəwje le gərəje Lubba ang.

1 Jan 4:19

Jeje, ndiki to məje tə̂, mba Lubba ndikije dɔngɔr.

Apokalisi 3:9

Dəwje kə̂ eeje kəy mbɔn-naan tə̂ lə Satan aw ddaje rɔde to Jiipije, a n̂-toje to Jiipije ang. N̂-toje to njê-ngəmje. Mâ kungude mə jii tə̂ ngaâ mâ dda karə n̂-ddee dɔsuje məkəjə-gɔlde nɔin tə̂. Baann bba dâ gərəje to m-ndikii.