Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tar kə̂ Maji kə̂ Jan dda makəturu tə̂ 17:22 - Dɔnɔn kə̂ Siki: Tar kə̂ aw arə təbbə

22 «Ngaâ əman, marə dingaje piti kə̂ arə minga le tɔ bba karə n̂-ddeeje to dəwje kə̂ kâra baa, tokə əman je səi n-to kâra baa le.

အခန်းကိုကြည့်ပါ။ ကော်ပီ




Tar kə̂ Maji kə̂ Jan dda makəturu tə̂ 17:22
23 ပူးပေါင်းရင်းမြစ်များ  

Jeju bbar njê-kaw-kulaje laa kə̂ dɔku gire joo le. Nulade joo joo. Narəde singa tubba nɛ̂n ndilje kə̂ maji ang.


mba karə usaje nɛ̂n ddəm ayje nɛ̂n ddəm dɔ tabələ tə̂ ləm mə Bbe-kɔn tə̂ ləm ngaâ karə isije ngende-mbayje tə̂, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo.»


Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.


Nɛ̂nje kə̂ maji dduse arə jeje tɔyn njaa n̂-bbar tar kə̂ maji dɔje tə̂ kə dɔ naan tə̂, dɔ naan tə̂.


Ndɔɛ̂ tə̂ənn le â gərəje to mee mə Bɔ tə̂, sese kara eeje məm tə̂ ngaâ əman mee məse tə̂.


Bɔy, əi â arəm dəwje le, yeenn bba m-ndiki karə deeje səm lo tə̂ kə̂ mee tə̂. Baann bba karə dooje piti kə̂ ə-pitim, mba ə-ndikim kete bba ə-dda duninya.


Njê-kaw-kulaje le inje lo gangə sariya tə̂ lə Jiipije le teeje ddaka kə rɔ-nəəl, mba Lubba oode to dəwje kə̂ asə karə dula kəmde ndoo tə̂ mba ri Jeju.


Njê kə̂ Lubba undade dang tokə kete le n̂-bbarde tɔ. Njê kə̂ n̂-bbarde le narə n̂-ddeeje gatə gatə kəmɛ̂ tə̂. Njê kə̂ narə ddeeje gatə gatə kəmɛ̂ tə̂ le narə dingaje piti laa tɔ.


Jeje tɔyn kə̂ marə nɛ̂n ɔnn kəmje ang, ndoko lə Əbbə-dəwje aw təəl rɔje tə̂ tokə lə nɛ̂n-koo-rɔ. N̂-turuje narə n-to tokə laa, jaw ndoko kə kete kete tokə lə Əbbə-dəwje kə̂ to Ndil.


Jeje, Kristə â ulaje karə n-paje tar kə ria. Yeenn nayn to Lubba njaa aw bbarse ddəw tə̂ ləje. Jaw walse nya kə ri Kristə, maji karə unguje naan tə̂ kə Lubba.


Jaw dda kula kə Lubba le. Mba yeenn bba n-walse nya karə mə-maji kə̂ Lubba dda kə se le to baa ang.


Ə-toje tokə lə dəbbə ərje kə̂ dɔsu nɛ̂n kəy, kə̂ gɔl kəy le to njê-kaw-kulaje kə njê-kilaje mbər tar lə Lubba ngaâ Jeju-Kristə njaa to singa gɔl kəy kə̂ dungu nangə̂ le.


Mba Lubba dda kə se mə-maji karə ooje məse tə̂ kə Kristə njaa a bbayɛ̂ ang, n̂-dda kə se mə-maji karə ooje ndoo mbɛɛ̂ tɔ.


Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.


Nɛ̂n kə̂ joo kə kəmje ddəm kə mbije ddəm le, jaw pa jarəse tɔ, karə sese kara ə-ddaje mə-kâra kə je. Mə-kâra ləje to mə-kâra kə̂ to horoje tə̂ kə Bɔ ddəm to horoje tə̂ kə Ngonnɛ̂ Jeju-Kristə ddəm.


Dəw kə̂ ngəm ndu lə Lubba nayn ddəw mə-kâra tə̂ kə Lubba ngaâ Lubba nayn ddəw mə-kâra tə̂ saa. Nɛ̂n kə̂ tɔju to Lubba dda mə-kâra kə je to Ndil-mə-nda kə̂ narəje.


Ddəw nɛ̂n tə̂ kə̂ be â ja gərəje to ndiki laa to məje tə̂ kə majɛ̂. Baann bba məje a koso pɔn ndɔ gangə sariya tə̂, mba kisi ləje dɔ nangə tə̂ to ddəw kâra baa kə ənga Jeju.


Dɔsu ndoko le dɔ ərje tə̂ dɔku gire joo kə̂ dungu nɛ̂n gɔlɛ̂ ngaâ n̂-dda ri njê-kaw-kulaje kə̂ dɔku gire joo kə̂ toje to lə Ngonn batə le kar ərje tə̂ kə̂ dɔku gire joo le kâra kâra.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ