Tar kə̂ Maji kə̂ Jan dda makəturu tə̂ 17:17 - Dɔnɔn kə̂ Siki: Tar kə̂ aw arə təbbə

¹⁷ Maji karə ə-dda arə n̂-ddeeje maji tɔyn ddəw tar tə̂ kə̂ tɔkɔrɔ: Tar ləi to tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 17:17 ပူးပေါင်းရင်းမြစ်များ

Luku 8:11

Gusu-tar nəənn le, gəle tokə be: «Kandə-ko le to tar lə Lubba.

Luku 8:15

Kandə-ko kə̂ gayn dɔ nangə tə̂ kə̂ maji le tɔju njê kə̂ ooje tar lə Lubba kə mə kə̂ maji kə mə kə̂ gatə gatə, a n̂-ngəmje tar le, duwaje darə ngəng ngaâ n̂-naynje daw dandəje kandə.»

Tar kə̂ Maji kə̂ Jan dda makəturu tə̂ 15:3

Nɛ̂nje kə̂ m-tɔjuse ddaje arə ə-ddeeje maji tɔyn mban.

Tar kə̂ Maji kə̂ Jan dda makəturu tə̂ 17:19

Ngaâ, m-ngəm rɔm dang mbade, bba karə dede kara n̂-ngəmje rɔde dang ddəw tar tə̂ kə̂ tɔkɔrɔ.

Tar kə̂ Maji kə̂ Jan dda makəturu tə̂ 8:32

 gərəje tar kə̂ tɔkɔrɔ ngaâ tar kə̂ tɔkɔrɔ le a kɔruse bbərə tə̂.»

Tar kə̂ Maji kə̂ Jan dda makəturu tə̂ 8:40

A bbasinɛn, Əman kə̂ m-to dəw kə̂ m-pa tar kə̂ tɔkɔrɔ kə̂ moo ta Lubba tə̂ marəse â aw sangəje ddəw ta tɔləm. Abaraham dda yeenn ang.

Kulaje 15:9

Nɔru kəmde dang kə jeje ang. Lubba toko məde mba mə-kunn ləde.

2 Kɔrɛntinyɛje 3:18

Jeje tɔyn kə̂ marə nɛ̂n ɔnn kəmje ang, ndoko lə Əbbə-dəwje aw təəl rɔje tə̂ tokə lə nɛ̂n-koo-rɔ. N̂-turuje narə n-to tokə laa, jaw ndoko kə kete kete tokə lə Əbbə-dəwje kə̂ to Ndil.

Epɛjinyɛje 4:21

Bbo n̂-pa tar laa darəse ngaâ n̂-tɔjuse tar laa kə̂ to tar kə̂ tɔkɔrɔ kə̂ ddee ddəw tə̂ lə Jeju a,

Epɛjinyɛje 5:26

N̂-dda baann karə Egilisi ddee to nɛ̂n kə̂ dunda dang mba Lubba. Mba n̂-toko Egilisi le kə maann ddəm kə Tar ddəm.

2 Tesalonisinyɛje 2:13

See ngakɔnje kə̂ Əbbə-dəwje ndikise nya, to tar ləje ta karə wooyo Lubba mbase kə ndɔ tɔyn, mba Lubba mbərəse kunn-kutu duninya tə̂ nu karə ingaje kaji ddəw Ndil tə̂ kə̂ aw dda arə ə-ddeeje maji tɔyn kə ddəw məse tə̂ kə̂ unnje arəje tar kə̂ tɔkɔrɔ.

Jakə 1:21

Mba yeenn bba, maji karə inyaje nɛ̂n-yərəw tɔyn kə mə-majangje tɔyn, ə-taaje tar kə̂ Lubba dubbu məse tə̂ kə mə ngonn-kasə. Tar le a kasə ta kajise.