Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tar kə̂ Maji kə̂ Jan dda makəturu tə̂ 16:8 - Dɔnɔn kə̂ Siki: Tar kə̂ aw arə təbbə

8 Bbo n̂-ddee a, nâ tɔju dəwje kə̂ duninya tə̂ nəənn karə n̂-gərəje nɛ̂n kə̂ ria nan majang, nɛ̂n kə̂ gatə gatə ddəm nɛ̂n kə̂ to sariya lə Lubba ddəm.

အခန်းကိုကြည့်ပါ။ ကော်ပီ




Tar kə̂ Maji kə̂ Jan dda makəturu tə̂ 16:8
10 ပူးပေါင်းရင်းမြစ်များ  

To tar kə̂ tɔkɔrɔ njaa â m-pa marəse. Maw a, a ddase maji nya. Mba bbo maw ang a, Nje-kumanse le a ddee rɔse tə̂ ang. A bbo maw a, mâ kulɛ̂ karəse.


Nâ tɔjude karə n̂-gərəje nɛ̂n kə̂ ria nan majang, mba dooje məde tə̂ səm ang.


Horose tə̂ nəənn, nan â, a kasə ta tɔjum to m-dda majang wa? Maw pa tar kə̂ tɔkɔrɔ a, ə-ndikije tə̂ kə tar ləm ang mba ddi wa?


Dəwje le ooje tarje le a, dɔtuje kâra kâra, unn kute dɔ dəwje tə̂ kə̂ tɔkə, ndərəng dɔ ngannje tə̂. A Jeju nayn kə karɛ̂ baa kə dɛnɛ̂n le, lo tə̂ kə̂ dundɛ̂ tə̂ le.


Dəwje le ooje tar le a, gangə singade. N̂-dujuje Piyɛr kə kəsə njê-kaw-kulaje le nan: «Ngakɔnjeje, ddi â maji karə n-dda wa?»


Bbo sese tɔyn aw ilaje mbər tar lə Lubba ngaâ marə dəw kə̂ unn məɛ̂ ang wase marə dəw kə̂ baa andə dɔse tə̂ a, nâ gərə majang laa. Tar kə̂ noo le a gangə sariya dɔɛ̂ tə̂.


mba gangə sariya dɔ dəwje tə̂ tɔyn kə̂ duninya tə̂ ngaâ nâ dda karə dəwje kə̂ ddaje majang gərəje majangje ləde ngaâ karə njê-nɛ̂n-ddaje kə̂ maji ang gərəje go tarje kə̂ maji ang kə̂ paje dɔɛ̂ tə̂.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ