Tar kə̂ Maji kə̂ Jan dda makəturu tə̂ 16:33 - Dɔnɔn kə̂ Siki: Tar kə̂ aw arə təbbə

³³ M-pa nɛ̂njeenn tɔyn marəse karə məse wul lɔm ddəw tə̂ ləm. A kooje ndoo duninya tə̂. A maji karə uwaje arəje ngəng, mba əman m-tətə duninya nəənn kə ddɔ mban.»

Tar kə̂ Maji kə̂ Jan dda makəturu tə̂ 16:33 ပူးပေါင်းရင်းမြစ်များ

Matiye 9:2

Dəwje ddeeje kə marə dingaw kə̂ dəbbə rɔɛ̂ oy kə̂ to tuwa tə̂ rɔɛ̂ tə̂. Jeju oo mə-kunn ləde le a, pa arə dəw kə̂ rɔɛ̂ oy le nan: «Ngonnəm, uwa arə ngəng, tar majangje ləi ɔru dɔi tə̂ ngaa.»

Luku 19:38

N̂-paje nan: «Lubba bbar tar kə̂ maji dɔ tɔkə mbay tə̂ kə̂ ddee kə ri Əbbə-dəwje! Mə-wul-lɔm to mə dara tə̂, piti to loje tə̂ kə̂ ddutu dara tə̂ nu!»

Luku 2:14

«Piti to lə Lubba darâ nu. Ngaâ mə-wul-lɔm to dɔ nangə tə̂, horo dəwje tə̂ kə̂ n̂-ndikide!»

Tar kə̂ Maji kə̂ Jan dda makəturu tə̂ 12:31

Kar gangə sariya dɔ nangə tə̂ nəənn asə ngaa. Bbasinɛn, dâ tubba nje-kɔn dɔ duninya nəənn kə ddang.

Tar kə̂ Maji kə̂ Jan dda makəturu tə̂ 14:1

Jeju pa arə njê-njaje goe tə̂ nan: «Əjəje tar ang. Ooje məse tə̂ kə Lubba, ooje məse tə̂ səm tɔ.

Tar kə̂ Maji kə̂ Jan dda makəturu tə̂ 14:27

«Marəse mə-wul-lɔm. Mə-wul-lɔm ləm njaa marəse. Marə mə-wul-lɔm le nayn kəse tokə mə-wul-lɔm lə dəwje kə duninya tə̂ ang. Əjəje tar ang ddəm arəje bbəəl ddase ang ddəm.

Tar kə̂ Maji kə̂ Jan dda makəturu tə̂ 16:11

Nâ tɔjude karə n̂-gərəje nɛ̂n kə̂ ria nan sariya lə Lubba, mba Lubba gangə sariya dɔ nje-kɔn dɔ duninya tə̂ nəənn mban.

Kulaje 14:22

Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»

Kulaje 23:11

Lo ndul a, Əbbə-dəwje tee inga Pɔl ngaâ pa arɛ̂ nan: «Uwa arə ngəng, ə-pa tar-naji ləm Jerujalɛm mban, a maji karə ə-dda tokə baann Rɔm tɔ.»

Kulaje 27:22

A kə bbasinɛn nəənn, m-pa marəse: Ə-bbəəlje ang, mba dəw kâra horose tə̂ a koy ang. Tɔkə to le kâra baa njaa a tuju.

Kulaje 27:25

Yeenn a, uwaje arə ngəng, njê-buwa-kuraje ləm! Munda məm dɔ Lubba tə̂. Nâ dda nɛ̂n tokə n̂-pa narəm.

Kulaje 9:31

Dɔ ndɔje tə̂ənn, ddekeke to mə Egilisije tə̂ tɔyn kə̂ toje nangə tə̂ kə̂ Jude, Galile kə Samari. Egilisi aw ubba singa kə kete kete, naw bbəəl Əbbə-dəwje ngaâ kɔr njê-mə-kunnje aw kə kete kete ddəw singa tə̂ lə Ndil-mə-nda.

2 Kɔrɛntinyɛje 1:3

Jɔsuje gaji Lubba kə̂ to Bɔ Əbbəjeje Jeju-Kristə. N̂-to Bɔ kə̂ aw oo kəm-to-ndoo lə dəwje ddəm n̂-to Lubba kə̂ aw wul mə dəwje mə nɛ̂nje tə̂ tɔyn ddəm.

2 Kɔrɛntinyɛje 13:11

Ta kutu nɛ̂n dɔɛ̂ a, ngakɔnʼmje, maji karə isije kə rɔ-nəəl. Ə-sangəje ddəw ta ddee maji tɔyn. Ə-ndəjəje naan bba karə rɔse oy njururu ang, ooje ta naan, isije kə mə-wul-lɔm. A Lubba kə̂ nje-ndiki dəwje ddəm nje-karə mə-wul-lɔm ddəm a nayn kə se.

2 Kɔrɛntinyɛje 2:14

Jarəje wooyo Lubba, kə̂ dda arə ddəw tə̂ lə Kristə jee horo dəwje tə̂ kə̂ aw ɔsuje nja kə go kulɛ̂ go Kristə tə̂ kə̂ tətə ddɔ le. Ddəw tə̂ ləje, narə dəwje gərəje Kristə loje tə̂ tɔyn, tokə yambo kə̂ banyɛ̂ taa lo tɔyn.

2 Kɔrɛntinyɛje 4:7

A nɛ̂n-kinga kə̂ ngəng nəənn le to rɔje tə̂ tokə jo anji, bba karə dəwje gərəje to singa-mɔngu kə̂ garɛ̂ goto nəənn le in rɔ Lubba tə̂ bbo in rɔje tə̂ ang.

2 Kɔrɛntinyɛje 6:4

A mə nɛ̂nje tə̂ tɔyn, n-tɔju to n-to njê-kulaje lə Lubba njaa. Juwa jarə ngəng mə nɛ̂n kəm-to-ndooje tə̂, mə nɛ̂n-singaje tə̂ kə mə nɛ̂n-bbəəlje tə̂.

2 Kɔrɛntinyɛje 7:4

Munda məm tɔyn kə dɔse tə̂. Maw munda gum mbase nya. Wurum oso pɔn ddəm maw minga rɔ-nəəl nya ddəm mə nɛ̂n kəm-to-ndooje tə̂ ləje.

Galatəje 1:4

Jeju njaa unn rɔɛ̂ arə yo mba majangje ləje, mba tee nɛ̂n kə je mə karje tə̂ kə̂ maji ang nəənn kə ddang, tokə ye kə̂ mə Lubba kə̂ to Bɔjeje ndiki.

Galatəje 6:14

A əman, bbayɛ̂ njaa koy lə Əbbəjeje Jeju-Kristə kakə-dəsə tə̂ njaa mâ kunda nɛ̂n gum. Ddəw koy tə̂ laa le moo nɛ̂nje kə̂ duninya tə̂ nəənn tokə nɛ̂nje kə̂ oy ngaâ nɛ̂nje kə̂ duninya tə̂ oomje tokə dəw kə̂ oy tɔ.

Pilipinyɛje 4:7

Baann a, mə-wul-lɔm lə Lubba kə̂ uta nɛ̂n-gərə lə dəwje tɔyn a ngəm məse ddəm kəjə ləse ddəm mba ə-ddaje mə-kâra kə Jeju-Kristə.

Kolosinyɛje 1:20

Ddəw tə̂ lə Ngonnɛ̂ le n̂-ndiki ta təl kula nuju naan tə̂ kə nɛ̂nje tɔyn kə̂ dɔ nangə tə̂ ddəm nɛ̂nje tɔyn kə̂ darâ ddəm. Ddəw məsə Ngonnɛ̂ tə̂ kə̂ kayn kakə-dəsə tə̂ le, n̂-dda narə mə-wul-lɔm to dɔ nangə tə̂ ddəm darâ ddəm.

1 Tesalonisinyɛje 3:4

Kar kə̂ n-nayn rɔse tə̂ le, n-pa jarəse to ja kooje ndoo nya njaa. A nɛ̂n kə̂ n-pa le njaa tee arə sese kara ə-gərəje kə majɛ̂.

1 Tesalonisinyɛje 3:7

Yeenn bba ngakɔnjeje, mə nɛ̂n-singaje tə̂ tɔyn kə mə nɛ̂n kəm-to-ndooje tə̂ tɔyn kə̂ aw ingajeje, jaw jubba singa mba mə-kunn ləse.

2 Tesalonisinyɛje 3:16

Maji karə Əbbə-dəwje kə̂ to nje-mə-wul-lɔm arə məse wul lɔm kə ndɔ tɔyn, mə nɛ̂nje tə̂ tɔyn. Maji karə Əbbə-dəwje nayn kə se tɔyn!

2 Timɔte 3:12

Dəwje kə̂ ddaje mə-kâra kə Jeju-Kristə ngaâ ndikije ta kula gəl rɔde naan tə̂ ang, dəwje a kulaje kəmde ndoo tə̂.

Ebərəje 11:25

N̂-ndiki ta koo ndoo kə dəwje lə Lubba, uta ye kə̂ ta dda rɔ-nəəl mba gɔju kar ddəw majang tə̂.

Ebərəje 7:2

Ne â Abaraham jin dɔ nɛ̂nje kâra kâra tɔyn kə̂ in nɛ̂n ta ddɔ tə̂ arɛ̂ to dim. Gəl ri kə̂ to Mɛlkisedɛk le nan: «Tɔkə mbay kə̂ ndiki nɛ̂n-dda kə̂ gatə gatə.» Ngaâ n̂-to tɔkə mbay kə̂ Salɛm tɔ. Yeenn pa nan «tɔkə mbay kə̂ ndiki mə-wul-lɔm.»

1 Piyɛr 5:9

Maji karə ə-ddaje saa singa, ddəw kuwa kə̂ ta kuwa mə-kunn ləse karə ngəng tə̂. A maji karə ə-gərəje to gar ndooje kə̂ aw ooje nəənn le, ngakɔnse kə̂ duninya tə̂ tɔyn aw ooje tɔ.

1 Jan 2:13

Bɔydede, m-dda makəturu nəənn marəse, mba ə-gərəje ne kə̂ n̂-to kunn-kutu nɛ̂n tə̂ njaa le. Basanje, m-dda makəturu nəənn marəse mba utaje Nje-mə-majang kə singa.

1 Jan 4:4

See ngannje kə̂ ngaji kə̂ ə-toje to ənga Lubba, aalje dɔ njê-kilaje mbər tar kə̂ toje to njê-ngəmjeenn le mban, mba Ndil kə̂ to məse tə̂ ubba singa nya uta ndil kə̂ duninya tə̂ nəənn.

1 Jan 5:4

Mba dəw kə̂ Lubba uje tətə duninya nəənn kə ddɔ. A mə-kunn ləje â to nɛ̂n kə̂ ja tətə nɛ̂n duninya nəənn kə ddɔ.

Apokalisi 12:11

A ngakɔnje le təteje kə ddɔ ddəw məsə Ngonn Batə tə̂ kə ddəw tar tə̂ lə Lubba kə̂ n̂-paje tar-najɛ̂. Kisi ləde kəm baa nəəlde ang ngaa arə yo â n̂-ndingaje.

Apokalisi 3:21

Dəw kə̂ tətə ddɔ a, mâ karɛ ddəw karə nisi səm dɔ ngende-mbay tə̂ ləm tokə m-tətə ddɔ ngaâ maw misi kə Bɔmje dɔ ngende-mbay tə̂ laa le.

Apokalisi 7:14

Milɛ̂ tə̂ m-pa nan: «Əbbəmje, əi â ə-gərə.» Yeenn ngaâ n̂-pa narəm nan: «To dəwje kə̂ ndayje mə tɔkə nɛ̂n-singaje tə̂. N̂-tokoje kubbuje ləde kə məsə ngonn batə darə nda.