Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tar kə̂ Maji kə̂ Jan dda makəturu tə̂ 16:22 - Dɔnɔn kə̂ Siki: Tar kə̂ aw arə təbbə

22 Sese kara, bbasinɛn rɔse nəəlse ang. A mâ təl koose. Rɔ-nəəl ləse a kuta dɔɛ̂ ngaâ dəw kâra a kasə kɔru rɔ-nəəl ləse le kə ddang ang.

အခန်းကိုကြည့်ပါ။ ကော်ပီ




Tar kə̂ Maji kə̂ Jan dda makəturu tə̂ 16:22
40 ပူးပေါင်းရင်းမြစ်များ  

Dɛnɛ̂nje lə ɔtuje buwa-yo tə̂ le kə ngɔru. Bbəəl uta dɔde ddəm rɔde nəəlde nya ddəm ngaâ daw paje tar le darə njê-njaje go Jeju tə̂.


A nɛ̂n kə̂ uta nɛ̂nje tɔyn kâra baa. Mari â mbərə nɛ̂n kə̂ maji nya le. Dəw a kɔru nɛ̂ɛnn le jia tə̂ ang.»


Abaraham ilɛ̂ tə̂ nan: ‹Ngonnəm, ole məi, ndɔ kə̂ isi kəm baa bbay le ubba maji, a Lajar tuju â ubba. Bbasinɛn Lubba bɔru maann-nɔn kəmɛ̂ tə̂ lo tə̂ nəənn, a əi, aw oo ndoo.


A mbay le ila tə̂ nan: ‹M-pa marəse, dəw kə̂ nɛ̂n laa to a, dâ karɛ̂ marɛ̂ dɔɛ̂ tə̂, a dəw nɛ̂n laa goto, nɛ̂n laa njaa kara dâ taa jia tə̂ kə ddang.


Rɔde nəəlde nya, rɔ-nəəl le dda bba dooje nɛ̂n le to nɛ̂n kə̂ tɔkɔrɔ ang bbay ngaâ dɔde ayn. Yeenn le bba Jeju dujude nan: «Eeje kə marə nɛ̂n-kusa nəənn ang wa?»


Jeju pa arə njê-njaje goe tə̂ nan: «Əjəje tar ang. Ooje məse tə̂ kə Lubba, ooje məse tə̂ səm tɔ.


Kar nayn ngaji baa karə dəwje kə̂ duninya tə̂ nəənn oomje ang ngaa. A sese â koomje, mba misi kəm baa ngaâ sese kara â naynje kəm baa tɔ.


«Marəse mə-wul-lɔm. Mə-wul-lɔm ləm njaa marəse. Marə mə-wul-lɔm le nayn kəse tokə mə-wul-lɔm lə dəwje kə duninya tə̂ ang. Əjəje tar ang ddəm arəje bbəəl ddase ang ddəm.


«Ngaji a, â koomje ang ngaa. Ngaâ, goe tə̂ ngaji bbay a, â təl koomje bbay.»


Tɔkɔrɔ njaa m-pa marəse, â nɔnje ddəm â kəmje rɔse ddəm a rɔ dəwje kə̂ duninya tə̂ a nəəlde. Kəmse a to ndoo, a kəm-to-ndoo ləse le a təl to rɔ-nəəl.


Yeenn ngaâ nje-nja go Jeju tə̂ kə̂ Jeju ndike nya le pa arə Piyɛr nan: «Əbbə-dəwje â nəənn.» Simɔn Piyɛr oo nan «Əbbə-dəwje â nəənn» a, nunn kubbu laa kə̂ ngal nula mba nar rɔɛ̂ baa ngaâ naal nuru maânn.


A dəw kə̂ a kay maann kə̂ mâ karɛ̂, kunda a kɔɛ̂n ndɔ kâra ang ngaa. Maann kə̂ mâ karɛ̂ le a təl to kəy-maann kə̂ aw arə təbbə kə̂ to kə ndɔ kə ndɔ.»


A njê-njaje go Əbbə-dəwje tə̂ kə̂ naynje bbe tə̂ kə̂ Antiyos eeje kə rɔ-nəəl nya ddəm Ndil-mə-nda ddusude ddəm.


Lo mɔngu nyɛnɛnɛ a, Pɔl de kə Silas daw dujuje Lubba ddəm daw dɔsuje pa n̂-walje nɛ̂n Lubba ddəm ngaâ kəsə dəwje kə̂ duwade le aw ooje ndude.


Dooje ta naan ngaâ kə ndɔ kâra kâra tɔyn daw dawje kəy-polo Lubba tə̂ naan tə̂. Daw dusaje nɛ̂n mə kəy tə̂ lə naan. Daw dusaje nɛ̂n ləde kə rɔ-nəəl kə mə ngonn-kasə.


Njê-kaw-kulaje le inje lo gangə sariya tə̂ lə Jiipije le teeje ddaka kə rɔ-nəəl, mba Lubba oode to dəwje kə̂ asə karə dula kəmde ndoo tə̂ mba ri Jeju.


Dəwje aw ddaje arə rɔje nəəlje ang, a jaw jisi kə rɔ-nəəl kə ndɔ tɔyn. Dəwje aw oojeje to njê-ndooje, a jaw dda jarə dəwje nya aw ddeeje to njê-nɛ̂n-kingaje. Dəwje oojeje to marə nɛ̂n ləje goto, a jee kə nɛ̂n tɔyn.


Bɔjeje Lubba ndikije ngaâ ddəw mə-maji tə̂ laa n̂-dda narə jubba singa kə ndɔ tɔyn ngaâ narə junda məje dɔɛ̂ tə̂ kə majɛ̂. Yeenn a, n-dujude, ne de kə Əbbəjeje Jeju-Kristə njaa karə


Ngaâ ooje kəm-to-ndoo lə njê kə̂ dungude kəy-kula tə̂. A bbo duwa nɛ̂nje ləse n̂-taaje a, aw ndikije tə̂ kə rɔ-nəəl. Mba ə-gərəje to eeje kə nɛ̂n-kingaje kə̂ maji uta yejeenn ddəm nɛ̂n-kingaje kə̂ a toje kə ndɔ kə ndɔ ddəm.


Yeenn bba ndu-kunn kə yo-kunda lə Lubba toje to nɛ̂nje kə̂ a turuje ndɔ kâra ang. Ngaâ Lubba kara a kərə ngəm ddəwe tə̂ ang tɔ. Nɛ̂ɛnn arəje singa nya, jeje kə̂ bbay lo kiya-rɔ ləje njaa to karə junda məje dɔ nɛ̂n tə̂ kə̂ Lubba unn ndue ta karəje le.


Ooje Jeju ang njaa, a ə-ndikeje. Bbasinɛn nəənn ooeje ang bbay njaa, a unnje məse arɛ̂je ngaâ aw ddaje rɔ-nəəl arə uta dɔɛ̂, rɔ-nəəl kə̂ asə pa ang.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ