9 M-ndikise tokə Bɔmje ndikim. Yeenn a, maji karə ə-naynje rɔm tə̂, a mâ nayn kaw ndikise.
«M-pa tar nəənn marəse karə rɔ-nəəl kə̂ minga le ingaje tɔ ngaâ ta karə rɔ-nəəl ləse asə loe.
Bbo dəw unn təbbə laa arə mba dəwje kə̂ n̂-ndikide a, ndiki kə̂ uta yeenn goto.
M-dda marə n̂-gərije ngaâ mâ dda karə n̂-təl n̂-gərije bbay bba karə ndiki kə̂ ə-ndikim to məde tə̂ ngaâ əman kara mee məde tə̂ tɔ.»
«Bɔ ndiki Ngonn arə ninya nɛ̂n tɔyn jia tə̂.
Baann bba sese kə kəsə njê-mə-kunnje tɔyn â kasəje ta gərə ndiki lə Kristə kə̂ uta dɔɛ̂, kə̂ kɔnyɛ̂ goto le.
Baann a, ngannje kə̂ ngaji, maji karə ə-naynje ddəw mə-kâra tə̂ kə Kristə, mba karə ndɔ kə̂ n̂-ddee a, bbəəl ddaje ang ddəm karə ndɔ təl laa a, rɔ-kul uta dɔje ngaâ jarje ddəw əw saa ang ddəm.
A see ngakɔnʼmje kə̂ m-ndikise nya, maji karə arje dɔ tar mə-kunn tə̂ ləse kə̂ maji tɔyn le kə majɛ̂. Ə-dujuje Lubba ddəw Ndil-mə-nda tə̂.
Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.