26 «Lubba a karə mula kə Nje-kumanse marəse. N̂-to Ndil tar kə̂ tɔkɔrɔ kə̂ in rɔ Bɔ tə̂ bba ddee. Nâ kɔru naji ləm.
Əman, mâ kula nɛ̂n kə̂ Bɔy unn ndue ta karəse le dɔse tə̂. Sese, maji karə ə-naynje Jerujalɛm nəənn ndərəng ndɔ kə̂ â kingaje nɛ̂n singa-mɔngu kə̂ in darâ.»
A Nje-kumanse kə̂ to Ndil-mə-nda kə̂ Bɔ a kulɛ̂ kə rim le, ne â nâ tɔjuse nɛ̂n tɔyn ngaâ nâ kole məse dɔ nɛ̂nje tə̂ tɔyn kə̂ m-pa marəse.
To tar kə̂ tɔkɔrɔ njaa â m-pa marəse. Maw a, a ddase maji nya. Mba bbo maw ang a, Nje-kumanse le a ddee rɔse tə̂ ang. A bbo maw a, mâ kulɛ̂ karəse.
Jeju pa arəde nan: «Bbo Lubba to Bɔsese a, â ndikimje. Mba min rɔ Lubba tə̂ bba m-ddee. Əman njaa m-ddee kə dɔm baa ang, ne â nulam.
Marə ndɔ nisi ta nɛ̂n-kusa tə̂ kə de a, nunn ndu narəde nan: «Ɔtuje mə bbe tə̂ kə̂ Jerujalɛm ang, ta ə-ngəbbəje nɛ̂n kə̂ Bɔ unn ndue ta karəse, nɛ̂n kə̂ m-pa tarɛ̂ marəse kete mban le.
Lubba kə̂ gərə mə dəwje tɔju to n̂-taa dəwje kə̂ toje to Jiipije ang kə rɔɛ̂ tə̂. Yeenn bba narəde Ndil-mə-nda tokə narəje le tɔ.
Jeje kə Ndil-mə-nda kə̂ Lubba arə dəwje kə̂ ooje tɛɛ̂ n-to njê-tar-naji nɛ̂nje kə̂ toje le.»
Tar lə Kristə kə̂ n̂-pa darəse le ungu ngirɛ̂ nangə̂ horose tə̂ kə majɛ̂.
Lubba njaa kara tɔju to tarje ləde le to tarje kə̂ tɔkɔrɔ, ddəw nɛ̂n-mɔrije tə̂ dang dang ddəm ddəw gusuje tə̂ lə Ndil-mə-nda kə̂ aw kayn dəwje tokə məɛ̂ ndiki ddəm.
Goe tə̂ a, anjə le tɔjum ba kə̂ maannɛ̂ aw arə təbbə dəw, kəmɛ̂ arɛ yərərə. Maann le ubba ngende-mbay tə̂ lə Lubba de kə Ngonn batə le aw tee