Tar kə̂ Maji kə̂ Jan dda makəturu tə̂ 15:15 - Dɔnɔn kə̂ Siki: Tar kə̂ aw arə təbbə

¹⁵ M-bbarse to njê-kulaje ang ngaa, mba nje-kula gərə nɛ̂n kə̂ əbbeeje aw dda ang. Maw bbarse to dəwje kə̂ m-ndikide, mba nɛ̂n tɔyn kə̂ Bɔmje pa arəm, m-pa marə ə-gərəje tɔ.

Tar kə̂ Maji kə̂ Jan dda makəturu tə̂ 15:15 ပူးပေါင်းရင်းမြစ်များ

Matiye 13:11

Jeju ilade tə̂ nan: «Sese, darə ə-gərəje tar kɔn-mbay kə̂ darâ kə̂ to tar kə̂ iya rɔɛ̂. A dede, darə n̂-gərəje ang.

Luku 10:23

N̂-turu rɔɛ̂ kə rɔ njê-njaje goe tə̂ ngaâ n̂-pa narəde kə karəde baa nan: «Maji arəse, sese kə̂ aw ooje nɛ̂n kə̂ aw ooje nəənn!

Tar kə̂ Maji kə̂ Jan dda makəturu tə̂ 12:26

Bbo dəw ndiki ta dda kula ləm a, maji karə nunn gom. Baann bba lo kə̂ mee tə̂ a, nje-kula ləm a kee tə̂ tɔ. Bbo dəw aw dda kula ləm a, Bɔmje a walɛ̂.»

Tar kə̂ Maji kə̂ Jan dda makəturu tə̂ 13:16

Tɔkɔrɔ m-pa marəse, dəw kə̂ to bbərə ngəng uta əbbeeje ang ddəm nje-kaw-kula ngəng uta dəw kə̂ ulɛ̂ ang ddəm.

Tar kə̂ Maji kə̂ Jan dda makəturu tə̂ 15:20

Oleje məse dɔ tar tə̂ kə̂ m-pa marəse: Nje-kula uta əbbeeje ang. Dəwje a kulaje kəmse ndoo tə̂ ddəw kâra baa tokə dula kəmʼm ndoo tə̂. Dəwje a ddaje nɛ̂n kə turu ndum ang, dâ ddaje nɛ̂n kə turu nduse ang tɔ.

Tar kə̂ Maji kə̂ Jan dda makəturu tə̂ 16:12

«Tar to nya ta pa karəse bbay, a kə̂ bbasinɛn nəənn, â kasəje ta gərə kandɛ̂ tɔyn ang.

Tar kə̂ Maji kə̂ Jan dda makəturu tə̂ 17:26

M-dda marə n̂-gərije ngaâ mâ dda karə n̂-təl n̂-gərije bbay bba karə ndiki kə̂ ə-ndikim to məde tə̂ ngaâ əman kara mee məde tə̂ tɔ.»

Tar kə̂ Maji kə̂ Jan dda makəturu tə̂ 20:17

Jeju pa arɛ̂ nan: «Ɔrum kə jii ang, mba m-nayn maw rɔ Bɔy tə̂ ang bbay. A aw pa arə ngakɔnʼmje ə-pa nan maw maw kə rɔ Bɔy tə̂ kə rɔ Bɔmje tə̂ kə̂ to Bɔsese ddəm rɔ Lubba tə̂ ləm kə̂ to Lubba ləse ddəm.»

Tar kə̂ Maji kə̂ Jan dda makəturu tə̂ 4:19

Yeenn ngaâ dɛnɛ̂n le pa arɛ̂ nan: «Əbbə-dəwje, moo a, ə-to nje-kila mbər tar lə Lubba.

Tar kə̂ Maji kə̂ Jan dda makəturu tə̂ 8:26

Tarje nya to ta karə m-pa dɔse tə̂ ddəm sariya to nya ta karə m-gangə dɔse tə̂ ddəm. A ne kə̂ nulam, n̂-to tɔkɔrɔ. Nɛ̂n kə̂ moo tɛɛ̂ tə̂ â maw pa marə dəwje kə̂ dɔ nangə tə̂.»

Kulaje 20:27

Mba miyase marə nɛ̂n ang, m-tɔjuse nɛ̂n tɔyn kə̂ Lubba gɔl ta dda.

Rɔmɛnje 7:15

M-gərə dɔm nɛ̂n tə̂ kə̂ maw dda ang. Nɛ̂n kə̂ m-ndiki ta dda a, m-dda ang. A nɛ̂n kə̂ m-ndiki ta dda ang njaa â maw dda.

1 Kɔrɛntinyɛje 2:16

Mba Makəturu lə Lubba pa nan: «Nân â gərə kəjə lə Əbbə-dəwje wa? Nân â asə ndəjə Əbbə-dəwje wa?» A jeje, jeeje kə kəjə lə Kristə.

Galatəje 4:6

Lubba ula Ndil lə Ngonnɛ̂ məje tə̂ ta tɔju to n-to ngannɛ̂ njaa. Ndil le aw uru əkii nan: «Aba», kandə tar le nan «Bɔy!»

Epɛjinyɛje 1:9

Narə n-gərə nɛ̂n kə̂ nayn lo-kiyɛ̂ tə̂ kə̂ n̂-gɔl ta dda kə mə-maji laa njaa baa le ddəw tə̂ lə Kristə.

Epɛjinyɛje 3:5

Ləw, Lubba tɔju nɛ̂nje kə̂ naynje lo-kiyɛ̂ tə̂ le arə dəwje ang. A bbasinɛn, ddəw tə̂ lə Ndil-mə-nda, n̂-tee nɛ̂n kə ddaka narə njê-kaw-kulaje laa kə njê-kilaje mbər tar laa kə̂ nundade dang.

Kolosinyɛje 1:26

Nɛ̂n nəənn le Lubba ngəm lo-kiyɛ̂ tə̂ bbal kə bbal ləw baa arə dəwje tɔyn gərəje ang. A bbasinɛn n̂-tee nɛ̂n kə ddaka narə dəwje laa.

Pilemɔn 1:16

Mba bbasinɛn nəənn, n̂-to bbərə baa ang ngaa. Nuta bbərə ngaa, n̂-to ngokɔnje kə̂ n-ndike nya. Əman m-ndike nya. A əi, maji karə ə-ndiki utam bbay, ə-ndike to dəw njaa ddəm to dəw kə unn məɛ̂ arə Əbbə-dəwje ddəm.

Jakə 1:1

Əman, Jakə kə̂ m-to bbərə-kula lə Lubba ddəm Əbbə-dəwje Jeju-Kristə ddəm m-dda lapiya dəwje kə̂ toje to Jiipije kə̂ gəl-kujude dɔku gire joo kə̂ sarɛnje naan mə bbeje tə̂ dang dang.

Jakə 2:23

Baann â tar kə̂ Lubba pa makəturu tə̂ le ddee to nɛ̂n kə̂ tɔkɔrɔ. Makəturu lə Lubba le pa nan: «Abaraham unn məɛ̂ arə Lubba, yeenn bba Lubba ooe to dəw kə̂ gatə gatə ngaâ Lubba bbarɛ̂ to namɛ̂.»

1 Piyɛr 1:11

Ndil lə Kristə kə̂ to məde tə̂ pa tar ndoo kə̂ Kristə a koo kə tar piti kə̂ a ddee goe tə̂ arəde tokə kete. Mba yeenn bba, dunnje rɔde tɔyn ta gərə se kar kə̂ baânn wase ddi â a to bba nɛ̂nje kə̂ Ndil lə Kristə pa le a ddeeje wa?

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.

Judə 1:1

Əman Judə ngokɔn Jakə kə̂ m-to bbərə-kula lə Jeju-Kristə, m-dda makəturu nəənn marə dəwje kə̂ Lubba bbarde kə ddaka, dəwje kə̂ Lubba kə̂ Bɔ ndikide nya ngaâ ngəmde mba Jeju-Kristə.

Apokalisi 1:1

Makəturu nəənn pa tar dɔ nɛ̂nje tə̂ kə̂ Lubba arə Jeju-Kristə tɔju Jan, karə n̂-tɔju njê-kulaje laa karə n̂-gərəje nɛ̂n kə̂ nayn ngɔsi baa ta ddee. Kristə ula anjə laa arə nje-kula laa Jan karə tɔjɛ̂ nɛ̂njeenn le karə n̂-gərə.