To Ndil tar kə̂ tɔkɔrɔ. Dəwje kə̂ duninya tə̂ nəənn asəje ta tɛɛ̂je məde tə̂ ang, mba dooeje ang ddəm n̂-gəreje ang ddəm. A sese, ə-gəreje, mba nee mbɔrse tə̂ ngaâ nâ to məse tə̂ kə ndɔ tɔyn.
Jiipije paje arəje Jeju nan: «Bbasinɛn n-gərə ngaa, ndil kə̂ maji ang to məi tə̂. Abaraham oy, njê-kilaje mbər tar lə Lubba oyje tɔ, a əi ə-pa nan: ‹Bbo dəw ngəm tar ləm a, nâ koy ndɔ kâra ang wa?›
A sese, maji karə tar kə̂ ooje kunn-kute tə̂ njaa nayn məse tə̂. Bbo tar kə̂ ooje kunn-kute tə̂ le nayn məse tə̂ a, yeenn pa nan ə-naynje ddəw mə-kâra tə̂ kə Ngonn ddəm kə Bɔ ddəm.
See ngannje kə̂ ngaji kə̂ ə-toje to ənga Lubba, aalje dɔ njê-kilaje mbər tar kə̂ toje to njê-ngəmjeenn le mban, mba Ndil kə̂ to məse tə̂ ubba singa nya uta ndil kə̂ duninya tə̂ nəənn.
A moo kəy-polo Lubba mə tɔkə bbe tə̂ le ang. Mba Əbbə-dəwje Lubba kə̂ Nje-singa-mɔngu njaa, de kə Ngonn batə â n̂-toje to kəy-polo Lubba kə̂ mə tɔkə bbe tə̂ le.
Marə nɛ̂n kə̂ ndu-ndɔɔl lə Lubba a to dɔɛ̂ tə̂ a to ang ngaa. Ngende-mbay lə Lubba kə lə Ngonn batə a toje mə bbe tə̂ le. Njê-kulaje lə Lubba a poleje.