Tar kə̂ Maji kə̂ Jan dda makəturu tə̂ 14:20 - Dɔnɔn kə̂ Siki: Tar kə̂ aw arə təbbə

²⁰ Ndɔɛ̂ tə̂ənn le â gərəje to mee mə Bɔ tə̂, sese kara eeje məm tə̂ ngaâ əman mee məse tə̂.

Tar kə̂ Maji kə̂ Jan dda makəturu tə̂ 14:20 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 10:38

A bbo maw dda kulaje le, a bbo ə-ndikije tə̂ kə tar ləm ang kara, maji karə kulaje le ə-ndikije tə̂. Yeenn bba a gərəje kə majɛ̂ to, əman kə Bɔ, n-to dəwje kə̂ kâra baa.»

Tar kə̂ Maji kə̂ Jan dda makəturu tə̂ 14:10

Oo məi tə̂ kə tar nəənn ang wa? Mee mə Bɔ tə̂ ngaâ Bɔ ee məm tə̂. Tarje kə̂ maw pa in rɔm tə̂ njaa ang. Bɔ kə̂ ee məm tə̂ â aw dda kulajeenn.

Tar kə̂ Maji kə̂ Jan dda makəturu tə̂ 14:11

Bbo m-pa nan, mee mə Bɔ tə̂ ngaâ Bɔ ee məm tə̂ a, maji karə ooje məse tə̂ kə tar ləm. Bbo ooje məse tə̂ səm ang kara ooje məse tə̂ mba nɛ̂nje kə̂ maw dda.

Tar kə̂ Maji kə̂ Jan dda makəturu tə̂ 16:23

«Dɔ ndɔɛ̂ tə̂ənn le, â dujumje tar dɔ marə nɛ̂n tə̂ kâra ang ngaa. Tɔkɔrɔ m-pa marəse, nɛ̂n tɔyn kə̂ ə-dujuje Bɔ kə rim a, nâ karəse.

Tar kə̂ Maji kə̂ Jan dda makəturu tə̂ 16:26

Dɔ ndɔɛ̂ tə̂ənn, â dujuje nɛ̂n Bɔy kə rim. A m-pa marəse: Mâ duju Bɔy mba tar ləse ang,

Tar kə̂ Maji kə̂ Jan dda makəturu tə̂ 17:11

Mee duninya tə̂ ang ngaa, a dede deeje duninya tə̂ nəənn. Əman maw kə rɔi tə̂. Bɔ kə̂ maji tɔyn, maji karə ə-ngəmde ddəw singa tə̂ ləi, singa kə̂ arəm le karə n̂-toje kâra baa tokə əman je səi n-to kâra baa.

Tar kə̂ Maji kə̂ Jan dda makəturu tə̂ 17:26

M-dda marə n̂-gərije ngaâ mâ dda karə n̂-təl n̂-gərije bbay bba karə ndiki kə̂ ə-ndikim to məde tə̂ ngaâ əman kara mee məde tə̂ tɔ.»

Tar kə̂ Maji kə̂ Jan dda makəturu tə̂ 17:7

Bbasinɛn n̂-gərəje to nɛ̂nje tɔyn kə̂ arəm inje jii tə̂,

Tar kə̂ Maji kə̂ Jan dda makəturu tə̂ 6:56

Dəw kə̂ usa taal-rɔm ngaâ ay məsəm a, əman je saa ja ddee to dəwje kə̂ kâra baa.

Rɔmɛnje 16:7

Ə-ddaje lapiya Andronikus de kə Juniyas. N̂-toje to nujuje ləm ddəm njê-buwa to kəy-kula tə̂ marəmje ddəm. N̂-toje to marə njê-kaw-kulaje kə̂ dəwje gərəjede nya. Dunnje məde darə Kristə kete darəm.

Rɔmɛnje 8:1

Bbasinɛn nəənn, dəwje kə̂ ddaje mə-kâra kə Jeju-Kristə, sariya to dɔde tə̂ ang ngaa.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

2 Kɔrɛntinyɛje 12:2

Dda bbal dɔku gire sɔ ngaa, m-gərə marə dəw kə̂ unn məɛ̂ arə Kristə kə̂ Lubba unnɛ̂ aw saa ndərəng ddutu dara tə̂. Se ndile â naw nɛ̂n wase nunnɛ̂ kə da-rɔɛ̂ tɔyn njaa wa kara m-gərə ang. Lubba â gərə.

2 Kɔrɛntinyɛje 13:5

Maji karə sese njaa ə-tənnje rɔse ooje se ə-naynje ddəw mə-kunn tə̂ ləse wa? Ə-gərəje kə majɛ̂ to Jeju-Kristə to məse tə̂ ang wa? Baann ang a, yeenn tɔju to rɔse kə̂ ə-tənnje le tɔjuse to ə-naynje ddəw mə-kunn tə̂ ləse ang.

2 Kɔrɛntinyɛje 5:17

Mba yeenn bba, bbo dəw dda mə-kâra kə Kristə a, dəw le ddee to dəw kə̂ n̂-ddɛɛ̂ tokə siki ngaa. Nɛ̂nje kə̂ ləw ndayje mban, a ooje: Nɛ̂n kə̂ siki ddee ngaa.

2 Kɔrɛntinyɛje 5:19

Mba Lubba â təl ungu dəwje kə̂ duninya tə̂ naan tə̂ saa ddəw tə̂ lə Kristə. Naa lo kə majang tə̂ ləde ang. Nula tar kungu dəwje naan tə̂ saa məje tə̂.

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Epɛjinyɛje 2:10

Mba n-to dəw-kundaje lə Lubba. N̂-ddaje ddəw tə̂ lə Jeju-Kristə karə n-dda kulaje kə̂ maji kə̂ n̂-gɔl kete karə n-ddaje.

Kolosinyɛje 1:19

Mba Lubba oo maji ta kisi tɔyn njaa mə ngonnɛ̂ tə̂ ta dduse tɔyn.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

Kolosinyɛje 2:9

Mba ne Kristə kə̂ nunn da-rɔ dəw le, nɛ̂nje kə̂ to rɔ Lubba tə̂ tɔyn njaa to rɔɛ̂ tə̂.

1 Jan 4:12

Dəw oo Lubba ndɔ kâra ang. Bbo n-ndikije naan horoje tə̂ a, Lubba dda kə je mə-kâra ngaâ ndiki laa to məje tə̂ kə majɛ̂.