Tar kə̂ Maji kə̂ Jan dda makəturu tə̂ 14:19 - Dɔnɔn kə̂ Siki: Tar kə̂ aw arə təbbə

¹⁹ Kar nayn ngaji baa karə dəwje kə̂ duninya tə̂ nəənn oomje ang ngaa. A sese â koomje, mba misi kəm baa ngaâ sese kara â naynje kəm baa tɔ.

Tar kə̂ Maji kə̂ Jan dda makəturu tə̂ 14:19 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 11:25

Jeju pa arɛ̂ nan: «M-to ndol lə dəwje kə̂ oyje ddəm m-to təbbə ddəm. Dəw kə̂ unn məɛ̂ arəm a, le noy kara nâ kisi kəm baa.

Tar kə̂ Maji kə̂ Jan dda makəturu tə̂ 12:35

Jeju ilade tə̂ nan: «Lo-karɛ nayn horose tə̂ mba gɔju kar bbay. Maji karə ə-njaje kar tə̂ kə̂ lo-karɛ le nayn horose tə̂ bbay, yeenn bba lo ndul a tee dɔse tə̂ busu ang. Mba dəw kə̂ aw nja lo ndul tə̂ gərə lo kə̂ aw aw kə tə̂ ang.

Tar kə̂ Maji kə̂ Jan dda makəturu tə̂ 13:33

Njê-buwa-njaje ləm kə̂ m-ndikise nya, m-nayn kə se bbay mba gɔju kar baa ngaa. Â sangəmje, a tokə m-pa marə Jiipije le, sese kara m-pa marəse bbasinɛn tɔ: Lo kə̂ maw maw tə̂ le, â kasəje ta kaw tə̂ ang.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 16:16

«Ngaji a, â koomje ang ngaa. Ngaâ, goe tə̂ ngaji bbay a, â təl koomje bbay.»

Tar kə̂ Maji kə̂ Jan dda makəturu tə̂ 16:22

Sese kara, bbasinɛn rɔse nəəlse ang. A mâ təl koose. Rɔ-nəəl ləse a kuta dɔɛ̂ ngaâ dəw kâra a kasə kɔru rɔ-nəəl ləse le kə ddang ang.

Tar kə̂ Maji kə̂ Jan dda makəturu tə̂ 6:40

Nɛ̂n kə̂ mə Bɔmje ndiki â nəənn: Karə dəwje tɔyn kə̂ ooje Ngonn le ngaâ ooje məde tə̂ saa, ingaje təbbə kə̂ to kə ndɔ kə ndɔ. Ngaâ əman, ddutu ndɔ tə̂ a, mâ ndolde.»

Tar kə̂ Maji kə̂ Jan dda makəturu tə̂ 7:33

Jeju pa nan: «M-nayn kə se mba gɔju kar baa ngaa. Goe tə̂ a, mâ təl kə rɔ dəw tə̂ kə̂ ulam le.

Tar kə̂ Maji kə̂ Jan dda makəturu tə̂ 8:21

Jeju pa arəde bbay nan: «Mâ kaw ngaâ â sangəmje, a â koyje mə majang tə̂ ləse. Asəje ta kaw lo tə̂ kə̂ maw maw kə tə̂ le ang.»

Kulaje 10:41

N̂-tɔju rɔɛ̂ dəwje tɔyn ang. Njê-tar-najije kə̂ Lubba mbərəde kete kə jeje kə̂ jusa saa nɛ̂n ngaâ jay saa nɛ̂n â go ndol tə̂ laa le n̂-tɔju rɔɛ̂ narəje.

Rɔmɛnje 5:10

Kar tə̂ kə̂ n-toje nɛ̂n to njê-baanje lə Lubba le, Lubba təl unguje naan tə̂ saa ddəw koy tə̂ lə Ngonnɛ̂. Yeenn a, bbasinɛn kə̂ nunguje naan tə̂ saa mban le, ddi bba a kɔkɛ̂ ddəw karə najije ddəw təbbə tə̂ lə Ngonnɛ̂ le wa?

Rɔmɛnje 8:34

Nân bba a gangə sariya dɔde tə̂ wa? Dəw kâra ang, mba Jeju-Kristə njaa oy. Uta tɔyn, n̂-təl n̂-ndol, nisi dɔ ji-kɔl Lubba tə̂ ngaâ naw duju Lubba mba tar ləje.

1 Kɔrɛntinyɛje 15:20

A tɔkɔrɔ njaa, Kristə le ndol. Horo dəwje tə̂ kə̂ oyje, n̂-to dɔngɔr dəw kə̂ ndol ta tɔju to dəwje kə̂ oyje a ndolje tɔ.

1 Kɔrɛntinyɛje 15:45

Yeenn bba, Makəturu lə Lubba pa nan: «Adam kə̂ to dəw kə̂ dɔngɔr le ddee to dəw kə̂ ee kə təbbə. A Adam kə̂ dɔ guku a to ndil kə̂ aw arə təbbə dəwje.»

Ebərəje 7:25

Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.

Apokalisi 20:4

Goe tə̂ a, moo ngende-mbayje. Darə singa dəwje kə̂ isije dɔɛ̂ tə̂ karə n̂-gangəje sariya. Moo ndil dəwje kə̂ n̂-tɔlde mba tar-naji lə Jeju kə̂ n̂-paje ddəm mba tar lə Lubba ddəm. Moo ndil dede kə̂ n̂-mbətəje ta kɔsu məkəjə-gɔlde nɔn da tə̂ le ddəm nɔn ətaar tə̂ kə̂ ndaji da tə̂ le ddəm dɔsu əndaji əngo-nɔnde tə̂ ang ddəm mə jide tə̂ ang ddəm le tɔ. N̂-ndolje ngaâ dɔnje mbay kə Kristə asə bbal doro kâra (1 000).