Tar kə̂ Maji kə̂ Jan dda makəturu tə̂ 14:13 - Dɔnɔn kə̂ Siki: Tar kə̂ aw arə təbbə

¹³ Nɛ̂n tɔyn kə̂ ə-dujuje kə rim a, mâ dda. Baann bba Bɔ a kinga piti ddəw tə̂ lə Ngonn.

Tar kə̂ Maji kə̂ Jan dda makəturu tə̂ 14:13 ပူးပေါင်းရင်းမြစ်များ

Matiye 21:22

Bbo mə-kunn ləse to ngaâ bbo ə-dujuje Lubba a, â kingaje nɛ̂n tɔyn kə̂ ə-dujuje le.»

Matiye 7:7

«Ə-dujuje nɛ̂n a, dâ karəse. Ə-sangəje nɛ̂n a, â kingaje. Undaje ta-kəy a, dâ kɔru karəse.

Marke 11:24

Mba yeenn bba, m-pa marəse: Nɛ̂n tɔyn kə̂ aw dujuje Lubba mbɛɛ̂, maji karə ooje məse tə̂ to ingaje nɛ̂n le mban, a Lubba a karəse.

Luku 11:9

«A əman, m-pa marəse: Ə-dujuje nɛ̂n a, dâ karəse. Ə-sangəje nɛ̂n a, â kingaje. Undaje ta-kəy a, dâ kɔru karəse.

Tar kə̂ Maji kə̂ Jan dda makəturu tə̂ 10:30

Əman kə Bɔmje, n-to dəwje kə̂ kâra baa.»

Tar kə̂ Maji kə̂ Jan dda makəturu tə̂ 12:44

Jeju pa kə taar nan: «Dəw kə̂ unn məɛ̂ arəm a, to əman kə karəm â nunn məɛ̂ narəm ang. Dəw kə̂ ulam â nunn məɛ̂ narɛ̂ tɔ,

Tar kə̂ Maji kə̂ Jan dda makəturu tə̂ 13:31

Kar kə̂ Judas tee ddaka a, Jeju pa nan: «Bbasinɛn Ngonn lə dəw inga piti ngaâ Lubba inga piti ddəw tə̂ laa tɔ.»

Tar kə̂ Maji kə̂ Jan dda makəturu tə̂ 14:14

Bbo ə-dujuje nɛ̂n kə rim a, mâ dda nɛ̂n le.»

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 15:16

Əman â m-mbərəse bbo sese â ə-mbərəmje ang ngaâ mulase karə awje, ta andəje kandə. Ngaâ karə kandə ləse le nayn kə ləw. Baann bba nɛ̂n tɔyn kə̂ ə-dujuje Bɔ kə rim a, nâ karəse.

Tar kə̂ Maji kə̂ Jan dda makəturu tə̂ 15:7

Bbo ə-naynje rɔm tə̂ ngaâ tarje ləm naynje məse tə̂ a, ə-dujuje nɛ̂n tɔyn kə̂ ə-ndikije a, â kingaje nɛ̂n le.

Tar kə̂ Maji kə̂ Jan dda makəturu tə̂ 16:23

«Dɔ ndɔɛ̂ tə̂ənn le, â dujumje tar dɔ marə nɛ̂n tə̂ kâra ang ngaa. Tɔkɔrɔ m-pa marəse, nɛ̂n tɔyn kə̂ ə-dujuje Bɔ kə rim a, nâ karəse.

Tar kə̂ Maji kə̂ Jan dda makəturu tə̂ 16:26

Dɔ ndɔɛ̂ tə̂ənn, â dujuje nɛ̂n Bɔy kə rim. A m-pa marəse: Mâ duju Bɔy mba tar ləse ang,

Tar kə̂ Maji kə̂ Jan dda makəturu tə̂ 16:7

To tar kə̂ tɔkɔrɔ njaa â m-pa marəse. Maw a, a ddase maji nya. Mba bbo maw ang a, Nje-kumanse le a ddee rɔse tə̂ ang. A bbo maw a, mâ kulɛ̂ karəse.

Tar kə̂ Maji kə̂ Jan dda makəturu tə̂ 4:10

Jeju ilɛ̂ tə̂ nan: «Bbo ə-gərə nɛ̂n kə̂ Lubba aw arə dəw ngaâ bbo ə-gərə dəw kə̂ aw duji maann-kay nəənn a, əi â, â duje maann-kay, ta nâ kari maann kə̂ aw arə təbbə.»

Tar kə̂ Maji kə̂ Jan dda makəturu tə̂ 4:14

A dəw kə̂ a kay maann kə̂ mâ karɛ̂, kunda a kɔɛ̂n ndɔ kâra ang ngaa. Maann kə̂ mâ karɛ̂ le a təl to kəy-maann kə̂ aw arə təbbə kə̂ to kə ndɔ kə ndɔ.»

Tar kə̂ Maji kə̂ Jan dda makəturu tə̂ 5:19

Jeju təl pa arəde nan: «Tɔkɔrɔ njaa, m-pa marəse: Ngonn asə ta dda nɛ̂n kə dɔɛ̂ baa ang. Nɛ̂n kə̂ noo Bɔɛ̂je dda bba n̂-dda. Nɛ̂n tɔyn kə̂ Bɔ dda a, Ngonn dda tɔ.

Tar kə̂ Maji kə̂ Jan dda makəturu tə̂ 7:37

Ddutu ndɔ kusu tə̂ kə̂ to ndɔ kə̂ ngəng nya njaa, Jeju ar taar ngaâ pa nan: «Bbo kunda ɔn marə dəw a, maji karə n̂-ddee rɔm tə̂, nay maann.

1 Kɔrɛntinyɛje 14:13

Yeenn bba, maji karə dəw kə̂ aw pa ndɔn-tar kə̂ dəw gərə ang duju Lubba mba kinga gusu ndaji nɛ̂n kandə tar le.

Epɛjinyɛje 2:18

Mba ddəw tə̂ lə Kristə le â jeje tɔyn ja kasəje ta ddee nɔn Bɔjeje Lubba tə̂, ddəw tə̂ lə Ndil-mə-nda kə̂ kâra baa le.

Epɛjinyɛje 3:12

Ddəw məje tə̂ kə̂ junnje jarəje Jeju-Kristə ngaâ n-ddaje mə-kâra saa le jingaje ddəw ta ddee ngɔsi kə Lubba kə bbəəl ang.

Epɛjinyɛje 3:14

Mba yeenn bba, mungu məkəjə-gɔləm nangə̂ nɔn Bɔy Lubba tə̂.

Pilipinyɛje 4:13

Masə ta dda nɛ̂n tɔyn ddəw tə̂ lə Kristə kə̂ aw arəm singa.

Kolosinyɛje 3:17

Nɛ̂n tɔyn kə̂ aw ddaje wase aw paje, maji karə ə-ddaje kə ri Əbbə-dəwje Jeju ngaâ arəje wooyo Lubba kə̂ Bɔ ddəw tə̂ laa.

Ebərəje 13:15

Ddəw tə̂ lə Jeju, maji karə n-walje Lubba tokə nɛ̂n-polo kə̂ jaw jarɛ̂je ddəw paje tə̂ kə ddəw tarje tə̂ kə̂ taje tə̂ kə̂ tɔjuje to Lubba to Əbbə-dəwje.

Ebərəje 4:15

Tɔkə nje-polo Lubba ləje le, nɛ̂nje kə̂ jubbaje singa tə̂ ang a, nasə ta koo ndoo kə je ddəwe tə̂. Mba n̂-nɛɛ̂n mə nɛ̂nje tə̂ tɔyn tokə jeje njaa tɔ, a ne n̂-dda majang kâra ang.

Ebərəje 7:25

Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.

Jakə 1:5

Bbo kəm-karɛ du marə dəw horose tə̂ a, maji karə n̂-duju Lubba. Lubba a karɛ̂ kəm-karɛ le. Mba Lubba aw arə nɛ̂n dəw kə mə-maji laa bbo kɔl kə dəw bba arɛ̂ nɛ̂n ang.

Jakə 5:16

Maji karə ə-paje majang ləse kə ddaka arəje naan, ta ə-dujuje Lubba mba naan arə ta rɔ-toje ləse tunga. Duju Lubba lə dəw kə̂ gatə gatə ee kə singa nya ta dda kula.

1 Piyɛr 2:5

Sese njaa kara, ə-toje tokə lə ərje kə̂ naynje kəm baa tɔ, yeenn a, maji karə unnje rɔse kə̂ to ər le ə-ddaje nɛ̂n kəy lə Ndil-mə-nda. Baann bba a ddeeje to njê-poloje Lubba kə̂ dundade dang mba kula laa, ta kunn nɛ̂n-polo ddəw Ndil tə̂ karɛ̂, nɛ̂n-polo kə̂ maji kəmɛ̂ tə̂ ddəw tə̂ lə Jeju-Kristə.

1 Jan 3:22

Nɛ̂n tɔyn kə̂ n-dujuje a, ja kingaje jia tə̂, mba jaw ngəmje ndu laa ngaâ jaw ddaje nɛ̂n kə̂ məɛ̂ ndiki.

1 Jan 5:14

Nɛ̂n kə̂ dda arə məje oso pɔn dɔɛ̂ tə̂ le â nəənn: Bbo n-dujuje marə nɛ̂n ji Lubba tə̂ ddəw mə-ndiki tə̂ laa a, nâ koo.