Tar kə̂ Maji kə̂ Jan dda makəturu tə̂ 12:48 - Dɔnɔn kə̂ Siki: Tar kə̂ aw arə təbbə

⁴⁸ Bbo dəw mbətəm ngaâ taa tar ləm ang a, ddutu ndɔ tə̂, nɛ̂n kə̂ a gangə sariya dɔɛ̂ tə̂ to tarje kə̂ m-pa â a gangəje sariya dɔɛ̂ tə̂.

Tar kə̂ Maji kə̂ Jan dda makəturu tə̂ 12:48 ပူးပေါင်းရင်းမြစ်များ

Matiye 10:15

M-pa tar kə̂ tɔkɔrɔ marəse. Ndɔ gangə sariya a, sariya kə̂ dɔ dəwje tə̂ kə̂ dɔ nangə tə̂ənn a ngəng kuta sariya kə̂ dɔ bbeje tə̂ kə̂ Sɔdɔm kə Gɔmɔr.»

Matiye 21:42

Goe tə̂ a, Jeju dujude nan: «Ə-turaje tar kə̂ Makəturu lə Lubba pa nəənn ndɔ kâra ang bbay wa? Tar kə̂ nan: ‹Ər kə̂ njê-kɔsuje kəy mbətəje, təl ddee to singa gɔl kəy kə̂ dungu nangə̂. To nɛ̂n kə̂ in rɔ Əbbə-dəwje tə̂ ngaâ to nɛ̂n-mɔri kəmje tə̂.›

Matiye 25:31

«Ndɔ kə̂ Ngonn lə dəw a ddee kə anjəje laa tɔyn mə piti tə̂ laa a, nâ kisi dɔ ngende-mbay tə̂ laa kə̂ to nɛ̂n-piti.

Marke 12:10

Ə-turaje tar kə̂ Makəturu lə Lubba pa nəənn ang wa? Makəturu le nan: ‹Ər kə̂ njê-kɔsu kəyje mbətəje le, ddee to singa gɔl kəy kə̂ dungu nangə̂.

Marke 16:16

Dəw kə̂ unn məɛ̂ ngaâ inga batɛm a, a kinga kaji. Dəw kə̂ unn məɛ̂ ang a, sariya to dɔɛ̂ tə̂.

Marke 8:31

Goe tə̂ a, Jeju unn kutu pa karə njê-njaje goe tə̂ nan: «Maji karə Ngonn lə dəw oo ndoo nya. Tɔkəje lə Jiipije kə mbayje lə njê-poloje Lubba kə njê-gərəje-Ndu mbəteje. Maji karə n̂-tɔlɛ̂je ngaâ ndɔ mota goe tə̂ a, n̂-ndol.»

Luku 10:16

Jeju pa bbay nan: «Dəw kə̂ oo tar ləse a, to əman â noo tar ləm. Dəw kə̂ mbətəse a, to əman â n̂-mbətəm. Dəw kə̂ mbətəm a, ne kə̂ nulam â n̂-mbəte.»

Luku 17:25

A maji karə noo ndoo nya dɔngɔr ngaâ dəwje kə̂ bbasinɛn nəənn mbəteje bba.

Luku 20:17

Jeju ɔru kəmɛ̂ aade ngaâ pa nan: «Tar kə̂ n̂-dda Makəturu tə̂ lə Lubba nəənn gəle nan ddi wa? Tar le nan: ‹Ər kə̂ njê-kɔsuje kəy mbətəje le, təl ddee to singa gɔl kəy kə̂ dungu nangə̂.› »

Luku 7:30

A Parijinyɛje kə Njê-gərəje-Ndu mbətəje nɛ̂n kə̂ maji kə̂ Lubba ndiki ta dda mbade le ngaâ n̂-mbətəje karə Jan ddade batɛm.»

Luku 9:22

Jeju pa bbay nan: «Maji karə Ngonn lə dəw oo ndoo nya, maji karə tɔkəje lə Jiipije kə mbayje lə njê-poloje Lubba kə njê-gərəje-Ndu mbəteje, maji karə n̂-tɔlɛ̂je ngaâ ndɔ mota goe tə̂ a, n̂-ndol.»

Luku 9:26

Tɔkɔrɔ, dəw kə̂ dda rɔ-kul ləm kə rɔ-kul tar ləm a, Ngonn lə dəw a dda rɔ-kul laa ndɔ tə̂ kə̂ nâ ddee kə piti laa kə piti lə bɔɛ̂je kə lə anjəje kə̂ maji tɔyn.

Tar kə̂ Maji kə̂ Jan dda makəturu tə̂ 11:24

Martə ilɛ̂ tə̂ nan: «M-gərə to ddutu ndɔ a, nâ ndol ndɔ kin tə̂ lə dəwje kə̂ oyje.»

Tar kə̂ Maji kə̂ Jan dda makəturu tə̂ 5:45

«Əman â mâ kunda tar dɔse tə̂ nɔn Bɔ tə̂ ang. Dəw kə̂ a kunda tar dɔse tə̂ to Mɔyijə kə̂ undaje məse dɔɛ̂ tə̂ le.

Tar kə̂ Maji kə̂ Jan dda makəturu tə̂ 6:39

Nɛ̂n kə̂ mə dəw kə̂ ulam ndiki â nəənn: Maji karə horo dəwje tə̂ tɔyn kə̂ narəm, dəw kâra nayn kə kɔrɔ̂ ang. Maji karə m-ndolde ddutu ndɔ tə̂.

Tar kə̂ Maji kə̂ Jan dda makəturu tə̂ 8:47

Dəw kə̂ to lə Lubba a, oo tarje lə Lubba. A sese, ooje tar lə Lubba ang, mba ə-toje to laa ang.»

Kulaje 17:31

Mba nɔju ndɔ kə̂ nâ karə dəw kə̂ n̂-mbəre gangə nɛ̂n sariya kə̂ to gatə gatə dɔ dəwje tə̂ tɔyn kə̂ dɔ nangə tə̂. Narə dəw le oy, a ndol bba ta tɔju karə dəwje tɔyn to ne njaa n̂-mbəre.»

Kulaje 3:23

Dəw kə̂ oo tar lə nje-kila mbər tar lə Lubba le ang a, dâ kɔrɛ̂ horo dəwje tə̂ lə Lubba kə ddang.›

Rɔmɛnje 2:16

Nɛ̂ɛnn a tee kə ddaka kəm dəwje tə̂ dɔ ndɔ tə̂ kə̂ Lubba a karə Jeju-Kristə gangə sariya dɔ nɛ̂nje tə̂ kə̂ dəwje aw ddaje lo-kiyɛ̂ tə̂ tokə Tar kə̂ Maji kə̂ maw mila mbəre pa.

2 Kɔrɛntinyɛje 4:3

Bbo Tar kə̂ Maji kə̂ jaw jila mbəre le nayn uja mbi marə dəwje tə̂ ang bbay a, to dəwje kə̂ aw naynje kə kɔrɔ̂ â nayn uja mbide tə̂ ang bbay.

2 Tesalonisinyɛje 1:8

Nâ ddee dann ndɔn-puru tə̂ kə̂ aw ɔn ta kila barə dɔ dəwje tə̂ kə̂ gərəje Lubba ang ngaâ mbətəje ta dda nɛ̂n kə turu ndu Tar kə̂ Maji lə Əbbə-dəwje Jeju.

Ebərəje 10:25

Maji karə n-tusuje lo mbɔn-naan ləje jinyaje ang, mba marɛ̂je aw ddaje tokə baann. A maji karə n-ndəjəje naan, mba ooje, ndɔ lə Əbbə-dəwje ddee ngɔsi ngaa.

Ebərəje 12:25

Aaje rɔse! Ə-mbətəje ta koo ta Lubba kə̂ aw pa tar arəse nəənn ang. Mba dede kə̂ ləw n̂-mbətəje ta koo ta Mɔyijə dɔ nangə tə̂ nəənn le, n̂-teeje ta kunda tə̂ ang. A jeje, bbo n-turuje girije jarə Lubba kə̂ nje-kisi darâ nu kə̂ aw ndɔru mbije le a, ja tee ta kunda tə̂ tokə baânn wa?

Ebərəje 2:3

Yeenn a, bbo jooje kaji kə̂ ngəng be nəənn le to nɛ̂n ang a, jeje ja teeje ta kunda tə̂ tokə baânn wa? Kaji nəənn le, Əbbə-dəwje â unn kutu kila mbəre. Goe tə̂ a, dəwje kə̂ ooje tam kaji nəənn le təlje ddee paje tarɛ̂ arəje nan to tar kə̂ tɔkɔrɔ.

Ebərəje 4:12

Mba tar kə̂ tee ta Lubba tə̂ to kəm baa ngaâ ee kə singa. Tar le aw dda kula uta tɔkə kiya kə̂ tɛɛ̂ to ər joo kəm. Ddəw kâra baa tokə tɔkə kiya kə̂ tɛɛ̂ to ər joo kəm aw kayn horo mənrə-rɔje kə ubbuje kə̂ mə singa tə̂ le, tar lə Lubba aw andə dəw ndərəng bbəngəre tə̂. Tar le aw tee kə nɛ̂nje kə̂ dəw aw dda bboe məɛ̂ tə̂ ddəm aw əjə ddəm.

1 Piyɛr 1:5

sese kə̂ naw ngəmse ddəw singa-mɔngu tə̂ laa mba mə-kunn ləse karə ingaje kaji nəənn le. Ddutu ndɔje tə̂ a, nâ tɔju kaji kə̂ najise le kə ddaka karə dəwje tɔyn ooje.

2 Piyɛr 3:3

Dɔngɔr nɛ̂n, maji karə ə-gərəje to ddutu ndɔje tə̂ a, dəwje kə̂ aw njaje ddəw bbo tə̂ kə̂ da-rɔde tə̂ a kundaje lo teeje. Dâ kɔjujese koko nɛ̂n.

2 Piyɛr 3:7

A ddəw tar kə̂ tɛɛ̂ tə̂ ne Lubba le njaa naw ngəm nɛ̂n dara kə nangə kə̂ bbokənɛn nəənn ta nginan nɛ̂n ndɔ kə̂ puru a kɔnde. Dara kə nangə le a nginanje ndɔ kə̂ nâ gangə nɛ̂n sariya dɔ njê-nɛ̂n-ddaje tə̂ kə̂ maji ang kə ndɔ kə̂ nâ tuju nɛ̂n de nyɔm.