Tar kə̂ Maji kə̂ Jan dda makəturu tə̂ 12:32 - Dɔnɔn kə̂ Siki: Tar kə̂ aw arə təbbə

³² A əman, bbo dunnum dɔ nangə tə̂ nəənn n̂-tɔm taar a, mâ ndɔru dəwje tɔyn kə rɔm tə̂.»

Tar kə̂ Maji kə̂ Jan dda makəturu tə̂ 12:32 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 1:7

N̂-ddee to nje-tar-naji, ta kɔru naji lə lo-karɛ bba karə dəwje tɔyn ooje məde tə̂ kə lo-karɛ le ddəw tə̂ laa.

Tar kə̂ Maji kə̂ Jan dda makəturu tə̂ 12:34

Dəwje kə̂ banya le ilɛ̂je tə̂ nan: «Makəturu-Ndu ləje pa nan Mesi a nayn kə ndɔ kə ndɔ. A əi, ə-pa nan maji karə dunn Ngonn lə dəw n̂-tɔɛ̂ taar tokə baânn wa? Ngonn lə dəw le to nân wa?»

Tar kə̂ Maji kə̂ Jan dda makəturu tə̂ 18:32

Baann bba karə tar kə̂ Jeju pa mba tɔju nɛ̂n gar yo kə̂ nâ koy le ddee to nɛ̂n kə̂ tɔkɔrɔ.

Tar kə̂ Maji kə̂ Jan dda makəturu tə̂ 19:17

Jeju njaa oto kakə-dəsə laa in nɛ̂n mə tɔkə bbe tə̂ le aw nɛ̂n lo tə̂ kə̂ daw bbar nan: «Lo ka-dɔ-dəw», kə̂ daw bbar nan: «Gɔlogota» kə tar ebərə tɔ.

Tar kə̂ Maji kə̂ Jan dda makəturu tə̂ 3:14

Ddəw kâra baa tokə Mɔyijə bbərə li kə̂ n̂-dda kə andə taar mə kɔr tə̂ kəm dəwje tə̂ tɔyn le, maji karə n̂-bbərə Ngonn lə dəw taar kəm dəwje tə̂ tɔyn tɔ.

Tar kə̂ Maji kə̂ Jan dda makəturu tə̂ 6:44

Dəw kə̂ Bɔy kə̂ ulam ndasɛ̂ karə ddee rɔm tə̂ bba a ddee rɔm tə̂. Ngaâ ddutu ndɔ tə̂ a, mâ ndole.

Tar kə̂ Maji kə̂ Jan dda makəturu tə̂ 8:28

Yeenn ngaâ Jeju pa arəde nan: «Bbo ə-tɔje Ngonn lə dəw kakə tə̂ ə-lɛ̂je kə taar a, â gərəje to ‹Əman, M-to›. Â gərəje to m-dda nɛ̂n kâra kə dɔm baa ang, nɛ̂n kə̂ Bɔ tɔjum njaa â maw pa.

Galatəje 3:13

A Kristə ɔruje kɔ ndu-ndɔɔl tə̂ kə̂ Ndu ddee nɛ̂n dɔje tə̂ mban, n̂-ddee to dəw kə̂ ndu-ndɔɔl to dɔɛ̂ tə̂ ɔju dɔje. Mba Makəturu lə Lubba pa nan: «Dəw kə̂ n̂-tɔɛ̂ kakə tə̂ n̂-tɔlɛ̂ to dəw kə̂ ndu-ndɔɔl to dɔɛ̂ tə̂.»

1 Timɔte 2:6

kə̂ unn rɔɛ̂ uka nɛ̂n dɔ dəwje tɔyn. Yeenn bba karɛ̂ asə a, Lubba dda nɛ̂ɛnn le ta tɔju to n̂-ndiki ta kaji dəwje tɔyn.

Ebərəje 2:9

A nɛ̂n kə̂ joo â nəənn: Jeju le Lubba dda arə n̂-ddee to dəw kə̂ ta-gɔl anjəje tə̂ mba gɔju kar bba karə ddəw mə-maji tə̂ lə Lubba noy mba dəwje tɔyn. Yeenn ngaâ bbasinɛn ninga piti kə kɔsu gaji mba koy kə̂ noy le.

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

1 Jan 2:2

Nunn rɔɛ̂ to nɛ̂n-polo mba toko nɛ̂n majang ləje. N̂-to nɛ̂n-polo mbaje kə karəje baa ang. N̂-to nɛ̂n-polo mba dəwje tɔyn kə̂ dɔ nangə tə̂ nəənn.

Apokalisi 5:9

Daw dɔsuje pa kə̂ siki nan: «Asə ta taa makəturu le, ta kɔru nɛ̂n kə̂ n̂-lətə nɛ̂n tɛɛ̂. Mba n̂-tɔli to nɛ̂n-polo. Ə-ndoko dɔ dəwje tɔyn kə məsəi arə Lubba, dəwje kə̂ gəlde to dang dang tɔyn, njê kə̂ ndɔn-tarje ləde to dang dang tɔyn, kə njê kə̂ isije nangəje tə̂ ləde kâra kâra tɔyn.