Tar kə̂ Maji kə̂ Jan dda makəturu tə̂ 12:27 - Dɔnɔn kə̂ Siki: Tar kə̂ aw arə təbbə

²⁷ «Bbasinɛn nəənn kəjə ləm to kə dannâ ang. A mâ pa nan ddi wa? Bɔy ɔrum ta nɛ̂n kəm-to-ndoo tə̂ kə̂ a ta ddee kar tə̂ nəənn kə ddang wa? A m-ddee mba yeenn le njaa.

Tar kə̂ Maji kə̂ Jan dda makəturu tə̂ 12:27 ပူးပေါင်းရင်းမြစ်များ

Matiye 11:25

Karə tə̂ənn, Jeju pa nan: «Mɔsu gajii Bɔy, əi kə̂ ə-to Əbbə-dəwje darâ ddəm nangə̂ ddəm mba iya nɛ̂nje nəənn le njê-kəm-karɛje ddəm njê-nɛ̂n-gərəje ddəm. A ə-tɔju nɛ̂njeenn le dəwje kə̂ toje to dəwje kə̂ tɛn baa.

Matiye 11:26

Tɔkɔrɔ Bɔy, mba əi njaa ə-ndiki karə to tokə baann.»

Matiye 26:42

Jeju təl aw ddəw əw bbay aw nduju Lubba nan: «Bɔy, bbo əngo nəənn le to ta karə may njaa, bbo ddəw kə̂ â kɔru nɛ̂n kə ddang goto a, maji karə ə-dda nɛ̂n kə̂ məi ndiki.»

Matiye 26:45

N̂-təl n̂-ddee rɔ njê-njaje goe tə̂ n̂-pa nan: «Ə-naynje aw tibbije wa? Aw uwaje rɔse bbay wa? Kar asə ngaa, dâ kunn Ngonn lə dəw kila ji njê-nɛ̂n-ddaje tə̂ kə̂ maji ang.

Luku 22:44

Bbəəl uta dɔ Jeju arə n̂-duju Lubba nya. Tətə kə̂ rɔɛ̂ tə̂ təl ddee tokə lə kɔr məsə ngaâ aw gayn nangə̂.

Luku 22:53

Mee kə se kəy-polo Lubba tə̂ kə ndɔ tɔyn, a dəw uwam ang. A bbasinɛn kar nəənn to ləse ddəm to kar lə singaje kə̂ lo ndul tə̂ karə dɔnje mbay ləde ddəm.»

Tar kə̂ Maji kə̂ Jan dda makəturu tə̂ 11:41

Yeenn ngaâ dɔru ər le kə ddang. A Jeju unn kəmɛ̂ aa lo kə darâ ngaâ pa nan: «Bɔy, mari wooyo mba ilam tar tə̂ mban.

Tar kə̂ Maji kə̂ Jan dda makəturu tə̂ 12:23

Jeju ilade tə̂ nan: «Kar kə̂ Lubba a piti nɛ̂n Ngonn lə dəw asə ngaa.

Tar kə̂ Maji kə̂ Jan dda makəturu tə̂ 13:21

Go tar tə̂ kə̂ Jeju pa le a, kəjə laa to kə dannâ ang ngaâ n̂-pa kə ddaka nan: «Tɔkɔrɔ njaa m-pa marəse, dəw kâra horose tə̂ a kunn dɔm.»

Tar kə̂ Maji kə̂ Jan dda makəturu tə̂ 18:37

Pilatə duje nan: «Yeenn a, ə-to tɔkə mbay wa?» Jeju ilɛ̂ tə̂ nan: «Əi njaa ə-pa. M-to tɔkə mbay. Nɛ̂n kə̂ dujum mbɛɛ̂ ngaâ nɛ̂n kə̂ m-ddee duninya tə̂ mbɛɛ̂ â nəənn: M-ddee ta kɔru naji lə tar kə̂ tɔkɔrɔ. Dəw kə̂ to ənga tar kə̂ tɔkɔrɔ aw oo tar kə̂ maw pa.»

1 Timɔte 1:15

Tar nəənn to tar kə̂ tɔkɔrɔ, maji karə dəwje tɔyn taaje tar nəənn ngəmje məde tə̂: Jeju-Kristə ddee dɔ nangə tə̂ mba kaji njê-nɛ̂n-ddaje kə̂ maji ang. Əman njaa m-to dəw kə̂ dda majang uta kəsə dəwje tɔyn.

Ebərəje 2:14

Ngannje nəənn le toje tɔyn to dəwje. Yeenn bba Jeju kara ddee to dəw tokə dede tɔ. Baann bba ddəw koy tə̂ laa, n̂-guru singa Əsu kə̂ ee kə singa tɔl dəw,

Ebərəje 5:7

Kar kə̂ Jeju nayn nɛ̂n dɔ nangə tə̂ bbay le n̂-duju Lubba n̂-dda nɛ̂n rɔɛ̂ to ndoo, nuru nɛ̂n əkii ləm ang ddəm nɔn Lubba tə̂ kə̂ asə ta kajɛ̂ ta yo tə̂. Yeenn bba Lubba oo ndu-nɔn laa le mba nunn rɔɛ̂ narə Lubba.