Tar kə̂ Maji kə̂ Jan dda makəturu tə̂ 11:42 - Dɔnɔn kə̂ Siki: Tar kə̂ aw arə təbbə

⁴² M-gərə to aw ilam tar tə̂ kə ndɔ tɔyn njaa. A maw pa tar nəənn mba dəwje kə̂ gukumje nəənn. Baann bba karə dooje məde tə̂ to əi â ulam.»

Tar kə̂ Maji kə̂ Jan dda makəturu tə̂ 11:42 ပူးပေါင်းရင်းမြစ်များ

Matiye 26:53

Ə-gərə ang wa? Masə ta bbar Bɔy karə nula kə anjəje kə̂ toje to njê-ddɔje tokə banya narəm.

Tar kə̂ Maji kə̂ Jan dda makəturu tə̂ 11:22

A bbasinɛn nəənn njaa kara, m-gərə to nɛ̂n tɔyn kə̂ ə-duju Lubba a, nâ kari.»

Tar kə̂ Maji kə̂ Jan dda makəturu tə̂ 11:31

Jiipije kə̂ isije kə Mari mə kəy tə̂ aw wulje məɛ̂ le ooje Mari kə̂ tee kə ngɔru le a, dɔruje goe. Dəjəje to naw kə ta buwa-yo tə̂ ta nɔn.

Tar kə̂ Maji kə̂ Jan dda makəturu tə̂ 11:43

Go tar tə̂ənn a, nuru əkii kə taar nan: «Lajar ə-tee.»

Tar kə̂ Maji kə̂ Jan dda makəturu tə̂ 12:11

mba Jiipije nya inyaje gode ɔju dɔɛ̂ ngaâ ooje məde tə̂ kə Jeju.

Tar kə̂ Maji kə̂ Jan dda makəturu tə̂ 12:17

Dəwje tɔyn kə̂ arje kə Jeju kar tə̂ kə̂ n̂-bbar Lajar buwa-yo tə̂ narə ndol le aw paje tarɛ̂ arə dəwje.

Tar kə̂ Maji kə̂ Jan dda makəturu tə̂ 17:21

M-duji karə dede tɔyn n̂-ddeeje to dəwje kə̂ kâra baa. Bɔy, maji karə n̂-ddaje mə-kâra kə je, ddəw kâra baa tokə əi ə-dda mə-kâra səm ngaâ əman m-dda mə-kâra səi le. Maji karə n̂-ddeeje to dəwje kə̂ kâra baa ddəw mə-kâra tə̂ kə̂ n̂-ddaje kə je, bba karə dəwje kə̂ duninya tə̂ gərəje to əi â ulam.

Tar kə̂ Maji kə̂ Jan dda makəturu tə̂ 17:25

Bɔ kə̂ gatə gatə, dəwje kə̂ duninya tə̂ gərije ang. A əman m-gəri ngaâ njê-njaje gom tə̂ nəənn gərəje to əi â ulam.

Tar kə̂ Maji kə̂ Jan dda makəturu tə̂ 17:8

mba m-ndaji tar kə̂ ə-pa arəm marəde ngaâ n̂-taaje. N̂-gərəje to min rɔi tə̂ bba m-ddee tokə tɔkɔrɔ ngaâ dooje məde tə̂ to əi â ulam.

Tar kə̂ Maji kə̂ Jan dda makəturu tə̂ 20:31

A n̂-dda nɛ̂nje nəənn makəturu tə̂ karə ooje nɛ̂n məse tə̂ to Jeju to Kristə, Ngonn lə Lubba. A bbo ooje məse tə̂ a, â kisije kə təbbə ddəw tə̂ laa.

Tar kə̂ Maji kə̂ Jan dda makəturu tə̂ 3:17

Tɔkɔrɔ, Lubba ula Ngonnɛ̂ dɔ nangə tə̂ ta kaji dəwje ddəw tə̂ laa, bbo ta gangə sariya dɔde tə̂ ang.

Tar kə̂ Maji kə̂ Jan dda makəturu tə̂ 8:16

A bbo m-gangə sariya njaa kara, sariya ləm to kə dɔgɔlɛ̂. Mba maw gangə sariya kə karəm ang. Bɔ kə̂ ulam ee səm.

Tar kə̂ Maji kə̂ Jan dda makəturu tə̂ 8:29

Dəw kə̂ ulam ee səm. Ninyam kə karəm baa ang, mba maw dda nɛ̂n kə̂ nəəle kə ndɔ tɔyn.»

Tar kə̂ Maji kə̂ Jan dda makəturu tə̂ 8:42

Jeju pa arəde nan: «Bbo Lubba to Bɔsese a, â ndikimje. Mba min rɔ Lubba tə̂ bba m-ddee. Əman njaa m-ddee kə dɔm baa ang, ne â nulam.

Rɔmɛnje 8:3

Lubba dda nɛ̂n kə̂ ndu lə Mɔyijə asə ta dda ang, mba da-rɔ dəw kə̂ ubba singa ang dda arə Ndu le dda kula ang. Nɛ̂n kə̂ Lubba dda le to Ngonnɛ̂ njaa kə̂ nulɛ̂ narə unn da-rɔ kə̂ to tokə da-rɔ dəw kə̂ to nje-nɛ̂n-dda kə̂ maji ang, mba kɔru nɛ̂n dəwje mə majang tə̂. Ddəw tə̂ənn le. Lubba gangə sariya dɔ majang tə̂ kə̂ to mə da-rɔ dəwje tə̂.

Galatəje 4:4

A tokə karɛ̂ asə a, Lubba ula Ngonnɛ̂, dɛnɛ̂n uje, n̂-ngəmɛ̂ kɔ Ndu tə̂ lə Mɔyijə,

Ebərəje 5:7

Kar kə̂ Jeju nayn nɛ̂n dɔ nangə tə̂ bbay le n̂-duju Lubba n̂-dda nɛ̂n rɔɛ̂ to ndoo, nuru nɛ̂n əkii ləm ang ddəm nɔn Lubba tə̂ kə̂ asə ta kajɛ̂ ta yo tə̂. Yeenn bba Lubba oo ndu-nɔn laa le mba nunn rɔɛ̂ narə Lubba.

Ebərəje 7:25

Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.

1 Jan 4:14

Jooe kə kəmje ngaâ n-pa tar-naji laa jarə dəwje nan Lubba kə̂ Bɔ ula Ngonnɛ̂ to Nje-kaji-dəwje kə̂ duninya tə̂.