Tar kə̂ Maji kə̂ Jan dda makəturu tə̂ 10:16 - Dɔnɔn kə̂ Siki: Tar kə̂ aw arə təbbə

¹⁶ Marə batəje ləm toje bbay kə̂ eeje mə singa tə̂ nəənn ang. Dede kara, to tar ləm ta ddee kə de. Dâ kooje ndum. Baann bba kusu batəje a to kâra baa ngaâ nje-ngəmde a to kâra baa tɔ.

Tar kə̂ Maji kə̂ Jan dda makəturu tə̂ 10:16 ပူးပေါင်းရင်းမြစ်များ

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Luku 15:8

«Tɔ bbay, dɛnɛ̂n kə̂ dda njaa bba kandə narɛ laa ee dɔku ngaâ marɛ̂ kâra nayn kɔrɔ̂ a, a kila puru lambe tə̂ ang ddəm a kuta mə kəy laa ang ddəm a sangə lo kə majɛ̂ ndərəng ta kinga kandə narɛ le bba ang wa?

Tar kə̂ Maji kə̂ Jan dda makəturu tə̂ 10:11

«Əman, m-to nje-ngəm nɛ̂n-kuulje kə̂ maji. Nje-ngəm nɛ̂n-kuulje kə̂ maji ila rɔɛ̂ kɔrɔ̂ mba batəje laa.

Tar kə̂ Maji kə̂ Jan dda makəturu tə̂ 10:2

A dəw kə̂ andə kə ta-ddəw mə singa tə̂ to nje-ngəm batəje le njaa.

Tar kə̂ Maji kə̂ Jan dda makəturu tə̂ 10:27

Batəje ləm ooje ndum. Əman, m-gərəde ngaâ dunnje gom.

Tar kə̂ Maji kə̂ Jan dda makəturu tə̂ 10:3

Nje-ngəm ta-ddəw ɔru tɛɛ̂ arɛ̂ ngaâ batəje ooje ndue. N̂-bbar batəje laa kə ride kâra kâra ngaâ n̂-tee kə de ddaka.

Tar kə̂ Maji kə̂ Jan dda makəturu tə̂ 10:4

Kar tə̂ kə̂ n̂-tee kə de ddaka tɔyn a, nɔru nɔnde ngaâ batəje laa le unnje goe, mba n̂-gərəje ndue.

Tar kə̂ Maji kə̂ Jan dda makəturu tə̂ 10:5

Dâ kunnje go dəw kə̂ dang ndɔ kâra ang. Kayn â dâ kaynje dəw le kaw ddəw əw, mba n̂-gərəje ndu dəwje kə̂ dang ang.»

Tar kə̂ Maji kə̂ Jan dda makəturu tə̂ 11:52

Nâ koy mbade kə karəde baa ang. Nâ koy mba mbɔn ngann lə Lubba kə̂ sarɛnje naan kâra kâra, karə n̂-ddeeje to dəwje kə̂ kâra baa.

Tar kə̂ Maji kə̂ Jan dda makəturu tə̂ 17:20

Maw duji mba tar ləde kə karəde baa ang, maw duju mba tar lə dəwje kə̂ a kooje məde tə̂ səm ddəw mbər tar tə̂ kə̂ dâ kilaje tɔ.

Tar kə̂ Maji kə̂ Jan dda makəturu tə̂ 6:37

Dəwje tɔyn kə̂ Bɔmje arəm a ddeeje rɔm tə̂. Ngaâ dəw kə̂ ddee rɔm tə̂ a, mâ kilɛ̂ ddaka ang.

Kulaje 15:14

Bbasinɛn bbay nəənn Simɔn ole məje dɔ gusu tə̂ kə̂ Lubba gɔl kunn-kutu nɛ̂n tə̂ njaa ta mbərə marə dəwje horo gəl-dəwje tə̂ kə̂ gərəje Lubba ang karə n̂-ddeeje to dəwje laa.

Kulaje 18:10

Mba mee səi, dəw kâra a kasə kuwai ta ddai ang, mba dəwje ləm banya nya mə bbe tə̂ nəənn.»

Kulaje 22:14

Ananiyas le pa arəm nan: ‹Lubba lə kajeje bbari undai dang karə ə-gərə nɛ̂n kə̂ məɛ̂ ndiki, karə ta oo Jeju kə̂ to dəw kə̂ gatə gatə, karə ta oo ndue kə mbii.

Rɔmɛnje 11:25

Ngakɔnʼmje, m-ndiki karə ə-gərəje marə nɛ̂n dɔ nɛ̂n tə̂ kə̂ Lubba əjə ta dda ngaâ nayn lo-kiyɛ̂ tə̂ bbay nəənn nan kin karə ooje rɔse to njê-kəm-karɛje. Marə dəbbə dəwje kə̂ Ijarayɛl məde aw kətərə ndərəng karə kɔr dəwje kə̂ toje to Jiipije ang le tɔyn ingaje kaji bba.

2 Tesalonisinyɛje 2:13

See ngakɔnje kə̂ Əbbə-dəwje ndikise nya, to tar ləje ta karə wooyo Lubba mbase kə ndɔ tɔyn, mba Lubba mbərəse kunn-kutu duninya tə̂ nu karə ingaje kaji ddəw Ndil tə̂ kə̂ aw dda arə ə-ddeeje maji tɔyn kə ddəw məse tə̂ kə̂ unnje arəje tar kə̂ tɔkɔrɔ.

Ebərəje 13:20

Lubba kə̂ to nje-karə mə-wul-lɔm dda arə Əbbəjeje Jeju kə̂ to tɔkə nje-kuul batəje le oy, a ndol. Ddəw məsə Jeju tə̂ kə̂ arə to nɛ̂n-polo le â Lubba ɔsu nɛ̂n kə je dɔnɔn kə̂ a to kə ndɔ kə ndɔ.

1 Piyɛr 2:10

Ləw, ə-toje to dəwje lə Lubba ang, a bbasinɛn, ə-toje to dəwje lə Lubba ngaa. Ləw, Lubba oo kəm-to-ndoo ləse ang, a bbasinɛn, Lubba oo kəm-to-ndoo ləse ngaa.

1 Piyɛr 2:25

Mba ləw ə-toje tokə lə batəje kə̂ aw njaje kə nangə̂ baa. A bbasinɛn, ə-turuje rɔse kə rɔ nje-ngəm nɛ̂n-kuulje tə̂, ne kə̂ n̂-to nje-ngəm kəwn ləse le.

1 Piyɛr 5:4

A bbo ndɔ kə̂ Mbay kə̂ dɔ njê-ngəmje dəwje tə̂ lə Lubba tɔyn unda lo tee a, â kingaje əjɔkudɔ kə̂ a tuju ndɔ kâra ang kə̂ to nɛ̂n-piti.

Apokalisi 3:20

Oo, mar ta-kəy tə̂, maw tunda. Bbo dəw oo ndum ngaâ ɔru ta-kəy le a, mâ kandə kəy laa ngaâ ja kusa nɛ̂n kə naan.