Tar kə̂ Maji kə̂ Jan dda makəturu tə̂ 1:44 - Dɔnɔn kə̂ Siki: Tar kə̂ aw arə təbbə

⁴⁴ Pilipi to dəw kə̂ Betesayida kə̂ to bbe lə Andere de kə Piyɛr.

Tar kə̂ Maji kə̂ Jan dda makəturu tə̂ 1:44 ပူးပေါင်းရင်းမြစ်များ

Matiye 10:3

Pilipi de kə Bartelemi, Toma de kə Matiye kə̂ to nje-taa narɛ lambo, Jakə ngonn lə Alpe kə Tade.

Matiye 11:21

N̂-pa nan: «To ndoo nya arəse, see dəwje kə̂ Korajɛn! To ndoo nya arəse, see dəwje kə̂ Betesayida! Nɛ̂n-mɔrije kə̂ m-dda horose tə̂ nəənn, bbo m-dda mə bbeje tə̂ kə̂ Tir kə Sidɔn â be a, ləw baa njaa dəwje kə̂ mə bbeje tə̂ənn a kulaje kubbu-ndoo ddəm dâ kisije dɔ bu-puru tə̂ ddəm ngaâ dâ turuje məde.

Marke 3:18

Andere kə Pilipi, Bartelemi kə Matiye, Toma kə Jakə ngonn lə Alpe, Tade kə Simɔn kə̂ daw bbarɛ̂ nan «Dəw kə̂ ndiki bbe laa nya»,

Marke 6:45

Njangə baa goe tə̂ a, Jeju ndasə njê-njaje goe tə̂ karə daal tɔkə to ta daw nginɛ̂ tura baâ ər kə Betesayida. A ne, n̂-nayn ta tubba dəwje kə̂ banya le karə n̂-təlje.

Marke 8:22

Jeju kə njê-njaje goe tə̂ n̂-teeje Betesayida a, dəwje ddeeje kə marə nje-kəm-tɔ rɔ Jeju tə̂ le ngaâ n̂-ddaje rɔde to ndoo rɔɛ̂ tə̂ karə nɔrɛ̂ kə jia.

Luku 10:13

«To ndoo nya arəse, see dəwje kə̂ Korajɛn! To ndoo nya arəse, see dəwje kə̂ Betesayida! Nɛ̂n-mɔrije kə̂ m-dda horose tə̂ nəənn, bbo m-dda mə bbeje tə̂ kə̂ Tir kə Sidɔn â be a, ləw baa njaa dəwje kə̂ mə bbeje tə̂ənn a kula kubbu-ndoo ddəm dâ kisije dɔ bu-puru tə̂ ddəm ngaâ dâ turu məde.

Luku 6:14

Ride tokə be: Simɔn kə̂ nunda ria nan Piyɛr kə ngokɔɛ̂n Andere, Jakə, Jan, Pilipi, Bartelemi,

Luku 9:10

Njê-kaw-kulaje lə Jeju le təlje ngaâ n̂-paje tar nɛ̂nje tɔyn kə̂ n̂-ddaje darɛ̂. Jeju ɔrude kə karəde baa aw kə de ddəw əw, ər kə tɔkə bbe tə̂ kə̂ ria nan Betesayida.

Tar kə̂ Maji kə̂ Jan dda makəturu tə̂ 1:43

Lo-karɛ̂ a, Jeju ndiki ta kaw Galile. Ninga Pilipi ngaâ n̂-pa narɛ̂ nan: «Unn gom.»

Tar kə̂ Maji kə̂ Jan dda makəturu tə̂ 1:45

Goe tə̂ a, Pilipi inga Natanayɛl ngaâ pa arɛ̂ nan: «Jinga marə dəw kə̂ Makəturu-Ndu lə Mɔyijə kə lə njê-kilaje mbər tar lə Lubba paje tar laa le. Dəw le to Jeju kə̂ Najarɛtə, n̂-to ngonn lə Jojɛpə.»

Tar kə̂ Maji kə̂ Jan dda makəturu tə̂ 1:46

Natanayɛl le pa arə Pilipi nan: «Marə nɛ̂n kə̂ maji a kasə ta kin Najarɛtə tə̂ tee tɔ wa?» Pilipi ilɛ̂ tə̂ nan: «Ə-ddee oo.»

Tar kə̂ Maji kə̂ Jan dda makəturu tə̂ 1:48

Natanayɛl le duju Jeju nan: «Ə-gərəm tokə baânn wa?» Jeju ilɛ̂ tə̂ nan: «Kete bba karə Pilipi bbari, mooi kar tə̂ kə̂ ee nɛ̂n kɔ kakə pigə tə̂.»

Tar kə̂ Maji kə̂ Jan dda makəturu tə̂ 12:21

N̂-ddeeje ngɔsi kə Pilipi dəw kə̂ Betesayida nangə tə̂ kə̂ Galile ngaâ n̂-dujeje nan: «Əbbəjeje, n-ndiki ta koo Jeju.»

Tar kə̂ Maji kə̂ Jan dda makəturu tə̂ 12:22

Pilipi le aw pa arə Andere ngaâ dawje joo kəm daw paje darə Jeju.

Tar kə̂ Maji kə̂ Jan dda makəturu tə̂ 6:5

Jeju aa lo a, oo dəwje kə̂ banya kə̂ aw ddeeje kə rɔɛ̂ tə̂. Ngaâ n̂-duju Pilipi nan: «Lo kə̂ dda bba ja ndoko mapa tə̂ karə dəwje nəənn usaje wa?»

Tar kə̂ Maji kə̂ Jan dda makəturu tə̂ 6:7

Pilipi le ilɛ̂ tə̂ nan: «Bbo n-ndoko mapa kandə narɛ kɔr joo (200) njaa kara, a kasə karə dəw kâra kâra inga ngaji ngaji ang.»

Kulaje 1:13

N̂-teeje Jerujalɛm a, daalje dawje mə kəy tə̂ kə̂ to dɔ marɛ̂ tə̂ taar kə̂ to lo mbɔn-naan ləde. Dəwje kə̂ eeje tə̂ənn to Piyɛr, Jan, Jakə de kə Andere, Pilipi de kə Toma, Bartelemi de kə Matiye, Jakə ngonn lə Alpe, Simɔn kə̂ daw bbarɛ̂ nan Jelotə kə Judə ngonn lə Jakə.