Jakə 5:9 - Dɔnɔn kə̂ Siki: Tar kə̂ aw arə təbbə

⁹ Ngakɔnʼmje, bbo ə-ndikije karə Lubba gangə sariya dɔse tə̂ ang a, əmje rɔse kə ri naan ang. Ooje, nje-gangə sariya ar ta-kəy tə̂ ngɔsi.

Jakə 5:9 ပူးပေါင်းရင်းမြစ်များ

Matiye 24:33

Ddəw kâra baa, bbo ooje nɛ̂njeenn le tɔyn a, maji karə ə-gərəje to Ngonn lə dəw nayn ngɔsi ngaa, nar ta-ddəw tə̂ ta kandə nɛ̂n bbeê ləse.

Marke 13:29

Ddəw kâra baa, bbo ooje nɛ̂njeenn le a, maji karə ə-gərəje to Ngonn lə dəw nayn ngɔsi ngaa, tokə nar ta-ddəw tə̂ ta kandə bbeê ləse.

Marke 6:19

Erodiyadə ndiki Jan ang njaa nyɔm ngaâ ndiki karə n̂-tɔl Jan le, a ninga ddəw ang,

1 Kɔrɛntinyɛje 10:11

Nɛ̂njeenn ingaje kajejedede karə ddee to nɛ̂n-kɔju-marɛ̂. N̂-dda tarɛ̂ makəturu tə̂ ta ndəjə nɛ̂n jeje kə̂ n-ddee ngɔsi kə ddutu ndɔ.

1 Kɔrɛntinyɛje 4:5

Yeenn a, ə-gangəje sariya dɔ dəw tə̂ kete bba karə ndɔɛ̂ asə ang. N-nginanje ndɔ təl lə Əbbə-dəwje. Ne â nâ tee kə nɛ̂n kə̂ iya rɔɛ̂ lo ndul tə̂ kə ddaka ngaâ nâ tɔju kəjəje kə̂ mə dəwje tə̂ kə ddaka. Baann bba dəw kâra kâra a kinga piti kə̂ asə kəm kula laa ji Lubba tə̂.

2 Kɔrɛntinyɛje 9:7

Maji karə dəw kâra kâra arə nɛ̂n kə̂ ne njaa nəjə məɛ̂ tə̂ ta karə, bbo narə kə kəjə-tar ang ddəm dɔ singa tə̂ ang ddəm. Mba Lubba ndiki dəw kə̂ arə nɛ̂n kə rɔ-nəəl.

Galatəje 5:14

Mba Ndu lə Mɔyijə tɔyn njaa to mə tar tə̂ kə̂ kâra nəənn. Tar kə̂ nan: «Maji karə ə-ndiki nje-mari tokə da-rɔi njaa.»

Galatəje 5:26

Maji karə boro uta dɔje ang, n-ngaan naan ang, jundaje mə kə naan ang.

Jakə 4:11

Ngakɔnʼmje, maji karə ə-paje tar kə̂ maji ang kə ri naan ang. Bbo dəw pa tar kə ri ngokɔɛ̂n maji ang wase gangə sariya dɔ ngokɔɛ̂n tə̂ a, n̂-pa tar dɔ ndu tə̂ maji ang ddəm n̂-gangə sariya dɔ ndu tə̂ ddəm. A bbo ə-gangə sariya dɔ ndu tə̂ a, ə-to nje-ngəm ndu le ang, ə-to nje-gangə sariya dɔ ndu tə̂ le.

Jakə 4:12

Lubba kâra baa to nje-kunn ndu ngaâ ne kâra baa tɔ â n̂-to nje-gangə sariya. Ne â nasə ta kaji dəw ngaâ ne tɔ â nasə ta karə dəw oy tɔ. A əi, ə-to nân bba aw gangə sariya dɔ nje-mari tə̂ wa?

Jakə 5:10

Ngakɔnʼmje, njê-kilaje mbər tar lə Əbbə-dəwje kə̂ paje tar kə ria ləw ooje ndoo nya ddəm oreje wurde ddəm. Dede â unnje nɛ̂n-ddaje ləde to nɛ̂n-kɔju-marɛ̂.

Jakə 5:7

Ngakɔnʼmje, maji karə oreje wurse ndərəng ndɔ təl tə̂ lə Əbbə-dəwje. Ooje nje-ndɔɔ, naw nginan ta kinga nɛ̂n-ndɔɔ kə̂ maji. Nore wure ndərəng n̂-nginan nɛ̂n ndi kə̂ dɔngɔr kə ndi kə̂ to dɔbɔnyɛ̂.

1 Piyɛr 4:5

A dâ kɔru gəl nɛ̂n-ddaje ləde le nɔn Lubba tə̂ kə̂ to ngɔsi mba gangə sariya dɔ dəwje tə̂ kə̂ naynje kəm baa ddəm dəwje kə̂ oyje ddəm.

1 Piyɛr 4:9

Maji karə ə-taaje naan kə rɔ naan tə̂, a əmje rɔse ang.

Apokalisi 3:20

Oo, mar ta-kəy tə̂, maw tunda. Bbo dəw oo ndum ngaâ ɔru ta-kəy le a, mâ kandə kəy laa ngaâ ja kusa nɛ̂n kə naan.