Jakə 5:16 - Dɔnɔn kə̂ Siki: Tar kə̂ aw arə təbbə

¹⁶ Maji karə ə-paje majang ləse kə ddaka arəje naan, ta ə-dujuje Lubba mba naan arə ta rɔ-toje ləse tunga. Duju Lubba lə dəw kə̂ gatə gatə ee kə singa nya ta dda kula.

Jakə 5:16 ပူးပေါင်းရင်းမြစ်များ

Matiye 21:22

Bbo mə-kunn ləse to ngaâ bbo ə-dujuje Lubba a, â kingaje nɛ̂n tɔyn kə̂ ə-dujuje le.»

Matiye 3:6

N̂-paje majangje ləde kə ddaka ngaâ Jan le ddade batɛm maann Jurdɛn tə̂.

Marke 1:5

Dəwje tɔyn kə̂ dɔ nangə Jude tə̂ kə njê kə̂ Jerujalɛm dawje rɔɛ̂ tə̂. N̂-paje majang ləde kə ddaka darəje Jan ddade batɛm maann Jurdɛn tə̂.

Luku 9:6

Njê-kaw-kulaje lə Jeju le awje ngaâ n̂-njaje kə bbe bbe, n̂-paje Tar kə̂ Maji darəje dəwje ngaâ dajije nje-rɔ-toje tɔ.

Tar kə̂ Maji kə̂ Jan dda makəturu tə̂ 9:31

N-gərə to njê-nɛ̂n-ddaje kə̂ maji ang, Lubba aw oo ndu nɔn ləde ang njaa. A naw noo ndu nɔn lə dəw kə̂ aw oo tɛɛ̂ ngaâ aw dda nɛ̂n kə̂ məɛ̂ ndiki.

Kulaje 10:38

Ə-gərəje ddəw kə̂ Lubba ula nɛ̂n singa-mɔngu kə Ndil-mə-nda dɔ Jeju kə̂ Najarɛtə tə̂ kə majɛ̂. Narə n̂-dda maji kə dəwje tɔyn kə lo lo ddəm naji dəwje tɔyn kə̂ Əsu uwade bbərə tə̂ ddəm mba Lubba ee saa.

Kulaje 19:18

Marə dəwje nya kə̂ ooje məde tə̂ ddee paje tar nɛ̂nje kə̂ maji ang kə̂ n̂-ddaje kə ddaka.

Kulaje 8:24

Simɔn le ila Piyɛr de kə Jan tə̂ nan: «Sese njaa, ə-dujuje Əbbə-dəwje mbam karə nɛ̂n kə̂ ə-paje nəənn ingam ang.»

Rɔmɛnje 3:10

Ddəw kâra baa tokə Makəturu lə Lubba pa nan: «Dəw kə̂ gatə gatə goto, kâra njaa kara goto.

Rɔmɛnje 5:19

Dəwje nya ddeeje to njê-nɛ̂n-ddaje kə̂ maji ang ddəw tə̂ lə dəw kâra kə̂ aal ta Lubba. Ddəw kâra baa, dəwje nya ddeeje gatə gatə kəm Lubba tə̂ ddəw tə̂ lə dəw kâra kə̂ oo ta Lubba.

Kolosinyɛje 1:9

Mba yeenn bba, jeje kara, unn kute ndɔ tə̂ kə̂ joo nɛ̂n tar le, jaw duju Lubba kə ndɔ tɔyn mba tar ləse. Ngaâ jaw duje karə narə ə-gərəje nɛ̂n kə̂ məɛ̂ ndiki narə ddususe, narə ingaje kəm-karɛ kə nɛ̂n-gərə dang dang kə̂ Ndil-mə-nda aw arə dəwje.

1 Tesalonisinyɛje 5:17

maji karə ə-dujuje Lubba kə kar tɔyn

1 Tesalonisinyɛje 5:23

Maji karə Lubba njaa kə̂ to nje-karə mə-wul-lɔm dda arə ə-ddeeje maji tɔyn. Maji karə n̂-ngəm da-rɔse tɔyn, kəjə ləse, kəwn ləse kə rɔse, narə ndɔ ddee lə Əbbə-dəwje Jeju-Kristə a, tar kâra to dɔse tə̂ ang.

1 Tesalonisinyɛje 5:25

Ngakɔnje, maji karə ə-dujuje Lubba mbaje tɔ.

Ebərəje 11:4

Ddəw mə-kunn tə̂ â Abɛl unn nɛ̂n nɛ̂n-polo kə̂ maji uta lə Kayn arə Lubba. Mba mə-kunn laa le â Lubba ooe nɛ̂n to dəw kə̂ gatə gatə ngaâ ndiki tə̂ kə nɛ̂n-polo laa le. Abɛl oy mban njaa, a ddəw mə-kunn tə̂ laa, n̂-nayn naw pa tar baa bbay.

Ebərəje 11:7

Ddəw mə-kunn tə̂ â Nowe oo tar nɛ̂nje kə̂ a ta ddeeje kə̂ Lubba pa arɛ̂. Yeenn bba, noo tar kə̂ Lubba pa arɛ̂ le to tar kə̂ tɔkɔrɔ ngaâ n̂-dda tɔkə to ta kaji nɛ̂n njê kə̂ laa. Nɛ̂n kə̂ n̂-dda le tɔju to nɛ̂n-dda lə dəwje kə̂ dɔ nangə tə̂ to nɛ̂n-dda kə̂ maji ang. Lubba ooe kəmɛ̂ tə̂ to dəw kə̂ gatə gatə mba mə-kunn laa.

Ebərəje 12:13

Maji karə ilaje ddəw kə̂ to gatə gatə ə-njaje tə̂, baann bba bbo dəw kə̂ to nje-mətə a, gɔlɛ̂ le a tuju njaa nyɔm ang, a n̂-təl n̂-nja kə majɛ̂.

Ebərəje 13:18

Maji karə ə-dujuje Lubba mbaje. Mba n-gərə to kəjə ləje to kə majɛ̂ bbo jɔkuje ang ngaâ n-ndiki karə pa-nja ləje to kə majɛ̂ mə nɛ̂nje tə̂ tɔyn.

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.

1 Jan 3:22

Nɛ̂n tɔyn kə̂ n-dujuje a, ja kingaje jia tə̂, mba jaw ngəmje ndu laa ngaâ jaw ddaje nɛ̂n kə̂ məɛ̂ ndiki.