Jakə 4:4 - Dɔnɔn kə̂ Siki: Tar kə̂ aw arə təbbə

⁴ See njê kə̂ aw ulaje pa-nja ləse naan tə̂! Ə-gərəje to dəwje kə̂ ndikije nɛ̂n kə̂ dɔ nangə tə̂ nəənn toje to njê-baanje lə Lubba ang wa? Yeenn a, dəw kə̂ ndiki kuwa buwa-kura kə nɛ̂n kə̂ dɔ nangə tə̂ nəənn to nje-baan lə Lubba.

Jakə 4:4 ပူးပေါင်းရင်းမြစ်များ

Matiye 12:39

Nilade tə̂ nan: «Dəwje kə̂ bbasinɛn kə̂ majije ang ddəm dəwje kə̂ pa-nja ləde to kə dannâ ang ddəm dujuje nɛ̂n-mɔri. A bbay nɛ̂n-mɔri kə̂ dâ koo â to nɛ̂n kə̂ inga Jonas kə̂ to nje-kila mbər tar lə Lubba.

Matiye 16:4

Dəwje kə̂ bbasinɛn kə̂ majije ang ddəm dəwje kə̂ pa-nja ləde to kə dannâ ang ddəm dujuje nɛ̂n-mɔri. A bbay nɛ̂n-mɔri kə̂ dâ koo â to nɛ̂n kə̂ inga Jonas kə̂ to nje-kila mbər tar lə Lubba.» Goe tə̂ a, Jeju inyade a ɔtu.

Matiye 6:24

«Dəw kâra, asə dda bbərə lə əbbeejedede joo ang, mba nâ mbətə marɛ̂ kâra, a nâ ndiki marɛ̂ kâra. Wase nâ kunn rɔɛ̂ karə marɛ̂ kâra, a nâ mbətə marɛ̂ kâra. A kasəje ta dda bbərə lə Lubba ddəm narɛ ddəm ang.»

Luku 19:27

A njê-baanje ləm kə̂ ndikije karə mɔn dɔde ang le, ə-ddeeje kə de bbo ujaje gɔsude kəmʼm tə̂ nəənn.› »

Tar kə̂ Maji kə̂ Jan dda makəturu tə̂ 15:19

Bbo ə-toje to dəwje kə̂ duninya tə̂ a, dəwje kə̂ duninya tə̂ a ndikijese, mba ə-toje to ləde. A ə-toje to dəwje kə̂ duninya tə̂ ang ngaâ m-mbərəse horo dəwje tə̂ kə̂ duninya tə̂ nəənn. Mba yeenn bba, dəwje kə̂ duninya tə̂ mbətəjese.

Tar kə̂ Maji kə̂ Jan dda makəturu tə̂ 17:14

M-pa tar ləi marəde ngaâ duninya mbətəde mba n̂-toje to dəwje kə̂ duninya tə̂ nəənn ang, ddəw kâra baa tokə əman m-to dəw kə̂ duninya tə̂ nəənn ang le.

Tar kə̂ Maji kə̂ Jan dda makəturu tə̂ 7:7

Dəwje kə̂ dɔ nangə tə̂ a kasə ta mbətəse ang. A əman, dəwje mbətəmje, mba m-pa marəde m-pa nan kula-ddade maji ang.

Rɔmɛnje 5:10

Kar tə̂ kə̂ n-toje nɛ̂n to njê-baanje lə Lubba le, Lubba təl unguje naan tə̂ saa ddəw koy tə̂ lə Ngonnɛ̂. Yeenn a, bbasinɛn kə̂ nunguje naan tə̂ saa mban le, ddi bba a kɔkɛ̂ ddəw karə najije ddəw təbbə tə̂ lə Ngonnɛ̂ le wa?

Rɔmɛnje 8:7

Dəwje kə̂ kəjə ləde to kə dɔ bboje tə̂ kə̂ da-rɔ tə̂ toje to njê-baanje lə Lubba. N̂-mbətəje ta dda nɛ̂n kə turu Ndu lə Lubba, dasəje ang njaa nyɔm.

1 Kɔrɛntinyɛje 1:20

Nje-kəm-karɛ to dda wa? Nje-gərə-Ndu to dda wa? Nje-nɛ̂n-gərə kə̂ bbasinɛn nəənn to dda wa? Lubba dda arə kəm-karɛ kə̂ duninya tə̂ nəənn təl to nɛ̂n-mbə.

1 Kɔrɛntinyɛje 1:21

Lubba dda ddəw kəm-karɛ tə̂ laa arə dəwje kə̂ duninya tə̂ nəənn asəje ta gəre ddəw kəm-karɛ tə̂ ləde njaa ang. Yeenn bba Lubba oo maji ta kaji dəwje kə̂ unnje məde ddəw tar tə̂ kə̂ jaw jila nɛ̂n mbər kə̂ to tokə tar mbəjeenn le.

Galatəje 1:10

A bbasinɛn nəənn, maw sangə ddəw ta ddee maji kəm dəwje tə̂ wase kəm Lubba tə̂ wa? Maw sangə ddəw ta nəəl kəm dəwje tə̂ wa? A bbo maw sangə ddəw ta nəəl kəm dəwje tə̂ a, mâ to bbərə-kula lə Kristə ang ngaa.

Jakə 1:27

Kə̂ kəm Lubba tə̂ kə̂ to Bɔjeje, dda kə Lubba tɔkɔrɔ tə̂ kə̂ nɛ̂n-yərəw ɔru ang, to kaw koo ngann-ndubbaje kə dɛnɛ̂n-ndubbaje lo-kisi ndoo tə̂ ləde ngaâ ta ngəm-rɔ ddəw kula yərəwje tə̂ kə̂ dɔ nangə tə̂ tɔ.