Jakə 4:11 - Dɔnɔn kə̂ Siki: Tar kə̂ aw arə təbbə

¹¹ Ngakɔnʼmje, maji karə ə-paje tar kə̂ maji ang kə ri naan ang. Bbo dəw pa tar kə ri ngokɔɛ̂n maji ang wase gangə sariya dɔ ngokɔɛ̂n tə̂ a, n̂-pa tar dɔ ndu tə̂ maji ang ddəm n̂-gangə sariya dɔ ndu tə̂ ddəm. A bbo ə-gangə sariya dɔ ndu tə̂ a, ə-to nje-ngəm ndu le ang, ə-to nje-gangə sariya dɔ ndu tə̂ le.

Jakə 4:11 ပူးပေါင်းရင်းမြစ်များ

Luku 6:37

«Maji karə ə-gangəje sariya dɔ dəw tə̂ ang, a Lubba a gangə sariya dɔse tə̂ ang tɔ. Undaje tar dɔ dəw tə̂ ang, a Lubba a kunda tar dɔse tə̂ ang tɔ. Ɔruje tar dɔ dəwje tə̂, a Lubba a kɔru tar dɔse tə̂ tɔ.

Rɔmɛnje 2:1

A əi kə̂ aw gangə sariya dɔ njê-marije tə̂ le, ə-to nân wa kara tar a kɔru dɔi tə̂ ang. Sariya kə̂ aw gangə dɔ njê-marije tə̂ le, nayn to əi njaa aw gangə sariya dɔi tə̂ənn, mba əi kara aw dda nɛ̂n tokə lə njê-marije le tɔ.

Rɔmɛnje 2:13

Mba dəwje kə̂ ooje Ndu lə Mɔyijə kə mbide to koo baa toje gatə gatə kəm Lubba tə̂ ang. Njê kə̂ ddaje nɛ̂n kə turu Ndu le bba Lubba a karə n̂-ddeeje gatə gatə kəmɛ̂ tə̂.

Rɔmɛnje 7:7

Yeenn a, ja paje nan ddi wa? Ja paje nan Ndu to majang wa? Baann ang! Ndu â tɔjum majang arə m-gərə. N̂-dda makəturu tə̂ lə Lubba nan: «Maji karə unda kəm-nda ang» Yeenn a bbo ndu goto a, mâ gərə nɛ̂n kə̂ to kunda kəm-nda le ang.

1 Kɔrɛntinyɛje 4:5

Yeenn a, ə-gangəje sariya dɔ dəw tə̂ kete bba karə ndɔɛ̂ asə ang. N-nginanje ndɔ təl lə Əbbə-dəwje. Ne â nâ tee kə nɛ̂n kə̂ iya rɔɛ̂ lo ndul tə̂ kə ddaka ngaâ nâ tɔju kəjəje kə̂ mə dəwje tə̂ kə ddaka. Baann bba dəw kâra kâra a kinga piti kə̂ asə kəm kula laa ji Lubba tə̂.

2 Kɔrɛntinyɛje 12:20

M-bbəəl mba kin karə m-tee bbeê ləse a, ə-toje dang kə ye kə̂ m-ndiki ddəm əman kara m-to dang kə ye kə̂ ə-ndikije le ddəm. Ngaâ, m-bbəəl mba kin karə nɛ̂nje kə̂ maji ang to horose tə̂. Nɛ̂nje tokə: Koo-ta-naan ang, kunda-mə kə naan, dda wungu, nɛ̂n-dda kə̂ ta kuta nɛ̂n naan, nanɛn kə naan, tura tarje baa baa, koo-rɔ-bo kə nɛ̂nje kə̂ ngabula.

Epɛjinyɛje 4:31

Maji karə inyaje rɔ-katə, kila dəw mə tə̂, dda wungu, nɛ̂n-ndangə, nɛ̂n-taji, mə-majangje dang dang.

1 Timɔte 3:11

Maji karə dɛnɛ̂n njɛɛ̂je kara ulaje gəl rɔde naan tə̂ ang, n̂-toje to njê-nanɛnje ang, n̂-gərəje dɔ jide. N̂-toje to dɛnɛ̂nje kə̂ toje gatə gatə ddəw nɛ̂nje tə̂ tɔyn.

2 Timɔte 3:3

Nɛ̂n kâra njaa osode tə̂ ang, dâ kooje kəm-to-ndoo lə dəw ang, dâ nanɛnje kə dəwje, dâ tɔje bbo kə̂ da-rɔde tə̂ ang, bbo dda dəw maji ang dɔrɔ â a ddade, dâ ndikije nɛ̂n kə̂ maji ang.

Titə 2:3

Ddəw kâra baa, ə-pa arə dɛnɛ̂nje kə̂ tɔkəje ngəmje pa-nja ləde to dəwje kə̂ unnje rɔde dang mba dda kula lə Lubba. Maji karə n̂-toje to njê-nanɛnje ang ddəm n̂-toje to bbərəje lə koto ang ddəm. Maji karə nɛ̂n kə̂ maji â n̂-tɔjuje.

Jakə 1:16

Ngakɔnʼmje kə̂ m-ndikise nya, ərəje rɔse ang.

Jakə 1:19

Ngakɔnʼmje kə̂ m-ndikise nya, maji karə ə-gərəje nɛ̂n nəənn: Maji karə dəw kâra kâra tuka mbia kə ngɔru oo nɛ̂n tar. A, n̂-pa tar kə ngɔru baa ang ddəm n̂-dda wungu kə ngɔru baa ang ddəm

Jakə 1:25

A dəw kə̂ unda məɛ̂ ta kuru gəl ndu kə̂ maji tɔyn kə̂ aw ɔru dəw kɔ bbərə tə̂, bbo n̂-nayn ddəwe tə̂, noo tar le a, narə məɛ̂ oy dɔɛ̂ ang ngaâ n̂-dda nɛ̂n kula a, nâ kisi kə rɔ-nəəl mə kula tə̂ laa kə̂ naw dda.

Jakə 2:8

Tɔkɔrɔ, bbo ə-ddaje kula kə ndu kə̂ Mbay-dɔ-mbayje unn makəturu tə̂ nan: «Maji karə ə-ndiki nje-mari tokə da-rɔi njaa», a yeenn ə-ddaje nɛ̂n kə̂ maji.

Jakə 5:10

Ngakɔnʼmje, njê-kilaje mbər tar lə Əbbə-dəwje kə̂ paje tar kə ria ləw ooje ndoo nya ddəm oreje wurde ddəm. Dede â unnje nɛ̂n-ddaje ləde to nɛ̂n-kɔju-marɛ̂.

Jakə 5:7

Ngakɔnʼmje, maji karə oreje wurse ndərəng ndɔ təl tə̂ lə Əbbə-dəwje. Ooje nje-ndɔɔ, naw nginan ta kinga nɛ̂n-ndɔɔ kə̂ maji. Nore wure ndərəng n̂-nginan nɛ̂n ndi kə̂ dɔngɔr kə ndi kə̂ to dɔbɔnyɛ̂.

Jakə 5:9

Ngakɔnʼmje, bbo ə-ndikije karə Lubba gangə sariya dɔse tə̂ ang a, əmje rɔse kə ri naan ang. Ooje, nje-gangə sariya ar ta-kəy tə̂ ngɔsi.

1 Piyɛr 2:1

Maji karə inyaje nɛ̂n-ddaje kə̂ maji ang tɔyn kə nɛ̂n-dda kə̂ kə gusu tɔyn. Maji karə tar kə̂ tase tə̂ to dang kə ye kə̂ məse tə̂ ang, ə-ddaje bbo nɛ̂n lə dəw ang ddəm ə-nanɛnje kə dəw ang ddəm.