Jakə 4:1 - Dɔnɔn kə̂ Siki: Tar kə̂ aw arə təbbə

¹ Ddɔje kə kɔlje kə̂ toje horose tə̂ inje dda wa? Dinje mə bbo nɛ̂nje tə̂ kə̂ to məse tə̂ ngaâ aw ddaje ddɔ rɔse tə̂.

Jakə 4:1 ပူးပေါင်းရင်းမြစ်များ

Matiye 15:19

Mba kəjəje kə̂ maji ang aw inje bbəngərə dəw tə̂: Tɔl dəw, lo-to-majang, dda kaya, bboko, tar-naji kə̂ to kə dɔgɔlɛ̂ ang, nanɛn kə naan.

Tar kə̂ Maji kə̂ Jan dda makəturu tə̂ 8:44

Bɔsese to əsu le arə ə-ndikije ta dda nɛ̂n kə̂ bɔsese ndiki. N̂-to nje-tɔl dəwje kunn-kutu nɛ̂n tə̂ nu. Nar dɔ tar tə̂ kə̂ tɔkɔrɔ ndɔ kâra ang, mba tar kə̂ tɔkɔrɔ to məɛ̂ tə̂ ang. Bbo naw nərə ngəm a, to tarje kə̂ inje məɛ̂ tə̂ njaa â naw pa. Mba n̂-to nje-ngəm ddəm n̂-to bɔ ngəm ddəm.

Rɔmɛnje 7:23

A moo marə ndu kə̂ dang da-rɔm tə̂ kə̂ aw dda ddɔ kə nɛ̂n kə̂ nɛ̂n-gərə ləm tɔjum arə m-ndiki tə̂. Nɛ̂n le ddam arə m-ddee to bbərə lə singa-mɔngu lə majang kə̂ to məm tə̂.

Rɔmɛnje 7:5

Ləw kə̂ jaw ddaje nɛ̂nje kə̂ məje ndiki le Ndu dda arə bbo kə̂ da-rɔje tə̂ ndasəje arə n-ddaje majang kə̂ aw aw kə̂ je karə jinga yo.

Rɔmɛnje 8:7

Dəwje kə̂ kəjə ləde to kə dɔ bboje tə̂ kə̂ da-rɔ tə̂ toje to njê-baanje lə Lubba. N̂-mbətəje ta dda nɛ̂n kə turu Ndu lə Lubba, dasəje ang njaa nyɔm.

Galatəje 5:17

Mba nɛ̂nje kə̂ da-rɔ ndiki ta dda toje dang kə nɛ̂nje kə̂ Ndil-mə-nda ndiki. A nɛ̂nje kə̂ Ndil-mə-nda ndiki kara toje dang kə nɛ̂nje kə̂ da-rɔ ndiki tɔ. Daw ddaje ddɔ kə naan. Baann bba karə nɛ̂n kə̂ məse ndiki ta dda a, ə-ddaje ang.

Kolosinyɛje 3:5

Mba yeenn bba, maji karə arəje bbo nɛ̂nje kə̂ nangə̂ nəənn oy rɔse tə̂ kə ddang. Nɛ̂nje tokə: Kaya, nɛ̂n-yərəw, dda bbo nɛ̂n karə uta dɔɛ̂, dda bbo nɛ̂nje kə̂ maji ang, kunda kəm-nda kə̂ to ddəw kâra baa kə polo kɔr.

2 Timɔte 2:23

A ə-mbətə mayn-tar kə̂ baa kə mayn-tar mbə. Ə-gərə to mayn-tar kə̂ baann aw uju kɔl.

Titə 3:3

Mba jeje njaa kara, ləw toje to mbəje, n-toje to njê-dɔ-ngəngje, n-ndəəmje ddəw, bbo nɛ̂nje kə rɔ-nəəlje dang dang uta dɔje. Jaw ddaje majang ngaâ məje aw maji ang dɔ njê-marəjeje tə̂, n-nəəl kəm dəwje tə̂ ang ngaâ n-mbətəje naan tɔ.

Titə 3:9

A ə-mbətə kuru gəl nɛ̂nje kə̂ baa baa, Gəl-kuju dəwje kə mayn naan tarje kə̂ baa kə koo-ta-naan ang ɔju dɔ ndu: To nɛ̂nje kə̂ dda maji kə dəw ang ddəm to nɛ̂nje kə̂ baa ddəm.

Jakə 1:14

A nɛ̂n kə̂ aw nan dəwje, to bbo kə̂ da-rɔde tə̂ njaa ndɔrude ngaâ ərəde.

Jakə 4:3

Ə-dujuje nɛ̂n Lubba njaa kara, ingaje ang, mba ə-dujuje nɛ̂n le kə dɔgɔlɛ̂ ang. Ə-dujuje nɛ̂n le ta tuju baa mba rɔ-nəəl ləse njaa.

1 Piyɛr 1:14

Maji karə ə-ddaje nɛ̂n tokə lə ngannje kə̂ ooje tar. Bbo ə-ddaje nɛ̂n ddəw bbo tə̂ kə̂ da-rɔse tə̂ tokə ye kə̂ kete ang ngaa, mba kete le ə-nayn ə-gərəje nɛ̂n ang bbay.

1 Piyɛr 2:11

See ngakɔnʼmje kə̂ m-ndikise nya, ə-toje to njê-mbaje ddəm dəwje kə̂ aw ndayje to nday dɔ nangə tə̂ nəənn ddəm. Mba yeenn bba, m-ndəjəse karə ə-ngəmje rɔse ddəw bboje tə̂ kə̂ da-rɔ tə̂ kə̂ aw ddaje ddɔ kə se.

2 Piyɛr 2:18

Mba daw paje tarje kə̂ ngəng ngəng, a to tarje kə̂ baa daw dərəje nɛ̂n dəwje kə̂ bbasinɛn bbay njaa aynje ji dəwje tə̂ kə̂ ndəəmje ddəw. Dərəde ddəw bbo dda lo-to-majang tə̂,

2 Piyɛr 3:3

Dɔngɔr nɛ̂n, maji karə ə-gərəje to ddutu ndɔje tə̂ a, dəwje kə̂ aw njaje ddəw bbo tə̂ kə̂ da-rɔde tə̂ a kundaje lo teeje. Dâ kɔjujese koko nɛ̂n.