Jakə 3:2 - Dɔnɔn kə̂ Siki: Tar kə̂ aw arə təbbə

² Mba jeje tɔyn njaa jaw ndəəmje ddəw nya. A bbo marə dəw aw pa tar uru nɛ̂n muû ang a, n̂-to dəw kə̂ maji tɔyn, n̂-to dəw kə̂ nasə ta ngəm da-rɔɛ̂ tɔyn kə majɛ̂.

Jakə 3:2 ပူးပေါင်းရင်းမြစ်များ

Matiye 12:34

See əmbakaraje. Sese kə̂ ə-majije ang le, â kasəje ta pa tar kə̂ maji tokə baânn wa? Mba tarje kə̂ ddusu mə dəw â aw teeje tɛɛ̂ tə̂.

Matiye 12:37

Mba Lubba a kunda tar dɔi tə̂ wase nâ kɔru tar dɔi tə̂ ddəw tar pai tə̂.»

Rɔmɛnje 3:10

Ddəw kâra baa tokə Makəturu lə Lubba pa nan: «Dəw kə̂ gatə gatə goto, kâra njaa kara goto.

Rɔmɛnje 7:21

Yeenn a, moo a, marə ndu to: Kar tɔyn kə̂ m-ndiki ta dda nɛ̂n kə̂ maji a, nɛ̂n kə̂ maji ang dɔrɔ â to nɔnʼm tə̂.

1 Kɔrɛntinyɛje 9:27

M-dda singa nya kə rɔm njaa, mba kɔn dɔ rɔm le. Baann ang a, əman nje-kila mbər tar karə kəsə dəwje le njaa dâ kɔrum kə guku.

Galatəje 3:22

A Makəturu lə Lubba pa nan majang ɔn dɔ dəwje tɔyn. Baann bba dəwje tɔyn kə̂ unnje məde a kingaje nɛ̂n kə̂ Lubba unn ndue ta karəde mba məde kə̂ dunn darə Jeju-Kristə.

Galatəje 5:17

Mba nɛ̂nje kə̂ da-rɔ ndiki ta dda toje dang kə nɛ̂nje kə̂ Ndil-mə-nda ndiki. A nɛ̂nje kə̂ Ndil-mə-nda ndiki kara toje dang kə nɛ̂nje kə̂ da-rɔ ndiki tɔ. Daw ddaje ddɔ kə naan. Baann bba karə nɛ̂n kə̂ məse ndiki ta dda a, ə-ddaje ang.

Kolosinyɛje 1:28

Kristə le â jaw jila mbər laa. Jaw jarə ndəjə dəwje tɔyn ngaâ jaw tɔjude nɛ̂n dəwje tɔyn ddəw kəm-karɛ tə̂ dang dang, karə dəwje tɔyn sangəje ddəw tə̂ lə Kristə.

Kolosinyɛje 4:12

Epaparas kə̂ to dəw kə̂ bbeê ləse ddase lapiya. Ne kə̂ n̂-to bbərə-kula lə Jeju-Kristə le naw dda ddɔ mba tar ləse kə ndɔ tɔyn, ddəw duju Lubba tə̂ bba karə uwaje arəje ngəng, karə ə-ddeeje maji tɔyn, bba karə unnje rɔse tɔyn ta dda nɛ̂n tɔyn kə̂ mə Lubba ndiki.

Ebərəje 13:21

Maji karə ne Lubba le narə ingaje singa ta dda nɛ̂n nɛ̂nje tɔyn kə̂ maji, bba karə ə-ddaje nɛ̂n nɛ̂n kə̂ məɛ̂ ndiki. Nɛ̂n kə̂ nəəl kəmɛ̂ tə̂ â maji karə n̂-dda məje tə̂ ddəw tə̂ lə Jeju-Kristə. Ne Jeju kə̂ piti to laa kə ndɔ kə ndɔ. Amɛnn!

Jakə 1:26

Bbo marə dəw oo rɔɛ̂ to nje-polo Lubba, â bbo n̂-ngəm tɛɛ̂ ang a, naw nərə rɔɛ̂, polo Lubba laa to nɛ̂n kə̂ baa.

Jakə 1:4

A maji karə kore-wur ləse dda kula kə̂ maji tɔyn, bba karə ə-ddeeje to dəwje kə̂ maji tɔyn ddəm karə marə nɛ̂n duse ang ddəm.

Jakə 2:10

Mba bbo dəw ngəm tarje tɔyn kə̂ ndu pa bba aal dɔ marə tar kâra hore tə̂ a, sariya to dɔɛ̂ tə̂ mba kəsə ndu le tɔyn ngaa.

1 Piyɛr 3:10

Mba Makəturu lə Lubba pa nan: «Bbo dəw ndiki kisi laa dɔ nangə tə̂ ddəm ndiki ta kisi kə majɛ̂ ddəm a, maji karə tar kə̂ maji ang tee tɛɛ̂ tə̂ ang ddəm narə tar ngəm tee tɛɛ̂ tə̂ ang ddəm.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.