Jakə 3:15 - Dɔnɔn kə̂ Siki: Tar kə̂ aw arə təbbə

¹⁵ Kəm-karɛ kə̂ baann to kəm-karɛ kə̂ in darâ ang. To kəm-karɛ kə̂ dɔ nangə tə̂, kə̂ in da-rɔ tə̂, in rɔ Əsu tə̂.

Jakə 3:15 ပူးပေါင်းရင်းမြစ်များ

Luku 16:8

Nje-ngəm nɛ̂nje kə̂ to gatə gatə ang le əbbeeje le pite, mba nje-ngəm nɛ̂nje le dda nɛ̂n kə gusu. Dəwje kə̂ nangə̂ nəənn ddaje nɛ̂n kə gusu nya horode tə̂ uta dəwje kə̂ aw njaje dann lo-karɛ tə̂.»

Tar kə̂ Maji kə̂ Jan dda makəturu tə̂ 3:17

Tɔkɔrɔ, Lubba ula Ngonnɛ̂ dɔ nangə tə̂ ta kaji dəwje ddəw tə̂ laa, bbo ta gangə sariya dɔde tə̂ ang.

Tar kə̂ Maji kə̂ Jan dda makəturu tə̂ 8:44

Bɔsese to əsu le arə ə-ndikije ta dda nɛ̂n kə̂ bɔsese ndiki. N̂-to nje-tɔl dəwje kunn-kutu nɛ̂n tə̂ nu. Nar dɔ tar tə̂ kə̂ tɔkɔrɔ ndɔ kâra ang, mba tar kə̂ tɔkɔrɔ to məɛ̂ tə̂ ang. Bbo naw nərə ngəm a, to tarje kə̂ inje məɛ̂ tə̂ njaa â naw pa. Mba n̂-to nje-ngəm ddəm n̂-to bɔ ngəm ddəm.

Kulaje 13:10

pa arɛ̂ nan: «Əi, nje-ngəm kə nje-kula dəwje naan tə̂, ngonn lə Əsu, əi kə̂ ə-ndiki nɛ̂n kə̂ gatə gatə ang, ndɔ kə̂ dda bba â kunda ngangə turu nɛ̂nje kə̂ ndɔju kə̂ Əbbə-dəwje gɔl wa?

Rɔmɛnje 1:22

Dooje rɔde to njê-kəm-karɛje, a kə̂ tɔkɔrɔ, n̂-toje to njê-wooyje.

1 Kɔrɛntinyɛje 1:27

A Lubba unn nɛ̂n kə̂ to nɛ̂n-mbə duninya tə̂ mba kila nɛ̂n rɔ-kul kəm njê-nɛ̂n-gərəje tə̂. Lubba unn nɛ̂n kə̂ singɛ̂ goto kəm dəwje tə̂ mba kila nɛ̂n rɔ-kul kəm njê-singaje tə̂.

1 Kɔrɛntinyɛje 2:14

Dəw kə̂ Ndil lə Lubba goto rɔɛ̂ tə̂ a ndiki tə̂ kə nɛ̂nje lə Ndil lə Lubba ang, mba noo kəmɛ̂ tə̂ to nɛ̂n-mbə baa. Nâ kasə ta gərə gəle ang, mba ddəw Ndil tə̂ bba dəw a kasə ta gərə gəle.

1 Kɔrɛntinyɛje 3:19

Mba kəm-karɛ kə̂ duninya tə̂ nəənn to nɛ̂n-mbə kəm Lubba tə̂. Mba Makəturu lə Lubba pa nan: «Njê-kəm-karɛje aw osoje mə ji Lubba tə̂ ddəw tar ngəm tə̂ ləde njaa.»

1 Kɔrɛntinyɛje 3:3

Tɔkɔrɔ, ə-naynje ddəw da-rɔ tə̂ baa bbay, mba kunda-mə kə naan kə kɔl-naan nayn horose tə̂. Yeenn a, ə-toje to dəwje kə̂ naynje ddəw da-rɔ tə̂ ngaâ aw ddaje kula-dda lə dəwje kə̂ baa ang wa?

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

2 Kɔrɛntinyɛje 11:3

A tokə li ərə Ɛbə le, m-bbəəl mba karə kəjə ləse təl turu ngaâ karə awje ddəw əw kə Kristə kə̂ unnje rɔse tɔyn arɛ̂je kə mə-kâra le.

Pilipinyɛje 3:19

Dunnje ddəw yo, mba məde â to lubba ləde. Daw dɔsuje rɔde mba nɛ̂n-rɔ-kul ləde. Kəjə ləde to kə dɔ nɛ̂nje tə̂ kə̂ nangə̂ dɔrɔ.

2 Tesalonisinyɛje 2:9

Satan a karə singa-mɔngu nje-mə-majang le bba a ddee nɛ̂n. Nâ dda nɛ̂n-mɔrije dang dang tɔyn kə nɛ̂nje kə̂ dum dɔ koo ta kərə nɛ̂n dəwje.

1 Timɔte 4:1

Ndil-mə-nda pa kə majɛ̂ nan, ddutu ndɔje a, marə dəwje a kinyaje ddəw mə-kunn mba nayn go ndilje tə̂ kə̂ njê-ngəmje ngaâ dâ kunnje go nɛ̂n-tɔju lə ndilje kə̂ maji ang le.

Jakə 1:17

Nɛ̂nje tɔyn kə̂ maji kə̂ dəw inga baa, nɛ̂n-karə-baa kə̂ maji tɔyn inje darâ ji Lubba tə̂. Ne kə̂ n̂-dda nɛ̂nje tɔyn kə̂ aw ndokoje mə dara tə̂. Ne kə̂ n̂-turu ndɔ kâra ang ddəm n̂-tuka ndil ang ddəm mba n̂-yəkə ang.

Jakə 1:5

Bbo kəm-karɛ du marə dəw horose tə̂ a, maji karə n̂-duju Lubba. Lubba a karɛ̂ kəm-karɛ le. Mba Lubba aw arə nɛ̂n dəw kə mə-maji laa bbo kɔl kə dəw bba arɛ̂ nɛ̂n ang.

Jakə 3:17

A kete njaa kara, kəm-karɛ kə̂ in darâ to nɛ̂n-yərəw ang, to kəm-karɛ kə̂ aw dda arə mə-wul-lɔm to horo dəwje tə̂, aw dda arə dəwje wulje pee, dəwje ooje ta naan, dəwje ddaje kula kə̂ maji. Kəm-karɛ le dda arə dəwje ɔruje kəm naan ang, dəwje ooje kəm-to-ndoo lə naan ddəm n̂-ddaje nɛ̂n mba kəm dəwje ang ddəm.

Judə 1:19

Dede le njaa daw ddaje darə dəwje aw tinje naan. Kəjə ləde to kəjə nɛ̂n kə̂ dɔ nangə tə̂ ngaâ Ndil lə Lubba isi məde tə̂ ang.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 2:24

«A see kəsə dəwje kə̂ Tiyatir, sese kə̂ ə-mbətəje ta kunn go nɛ̂n-tɔju kə̂ maji ang le ngaâ ə-mbətəje ta ndo nɛ̂n kə̂ dəwje le aw bbarje nan ‹nɛ̂nje lə Satan kə̂ iyaje rɔde› le, mâ kunda marə nɛ̂n-koto dɔse tə̂ ang.

Apokalisi 9:11

Tɔkə mbay ləde to anjə kə̂ to mə tɔkə buwa tə̂ kə̂ sunrɛ̂ goto le. Ria kə ndɔn-tar lə ebərəje nan Abadɔn, a kə ndɔn-tar lə gerekəje nan Apolinyɔ. Kandə ri le nan «Nje-nɛ̂n-tuju».