Jakə 3:1 - Dɔnɔn kə̂ Siki: Tar kə̂ aw arə təbbə

¹ Ngakɔnʼmje, maji karə dəwje tokə banya horose tə̂ ddeeje to njê-nɛ̂n-tɔjuje ang, mba ə-gərəje to sariya ləje jee njê-nɛ̂n-tɔjuje a ngəng kuta lə kəsə dəwje.

Jakə 3:1 ပူးပေါင်းရင်းမြစ်များ

Matiye 10:24

«Nje-nja go dəw tə̂ uta dəw kə̂ naw nja goe tə̂ le ang ddəm nje-kula a kuta əbbeeje ang ddəm.

Matiye 23:13

To ndoo nya arəse, see njê-gərəje-Ndu kə see Parijinyɛje kə̂ ə-toje to njê-ngəmje. Aw ɔkuje ddəw dəwje kə̂ ndikije ta kandə Bbe-kɔn tə̂ kə̂ darâ. Sese njaa kara andəje tə̂ ang ngaâ ɔkuje ddəw dəwje kə̂ ndikije ta kandə tə̂. [

Matiye 23:14

«To ndoo nya arəse, see njê-gərəje-Ndu kə see Parijinyɛje kə̂ ə-toje to njê-ngəmje. Ə-taaje nɛ̂n-kingaje lə dɛnɛ̂n-ndubbaje jide tə̂ tɔyn. A kar tə̂ənn njaa, aw dujuje Lubba arəje kure əw mba karə dəwje aajese. Mba yeenn bba sariya kə̂ dɔse tə̂ a ngəng nya.]

Matiye 9:11

Parijinyɛje ooje nɛ̂ɛnn le a, n̂-paje darəje njê-njaje go Jeju tə̂ le nan: «Mba ddi bba nje-nɛ̂n-tɔju ləse aw usa nɛ̂n kə njê-taaje narɛ lambo ddəm njê-nɛ̂n-ddaje kə̂ maji ang ddəm wa?»

Luku 16:2

N̂-bbar nje-ngəm nɛ̂nje le ngaâ n̂-pa narɛ̂ nan: ‹Tar ddi â maw moo dɔi tə̂ nəənn wa? Ə-tura kɔr nɛ̂nje kə̂ aw ngəm le arə moo, mba â kasə ngəm nɛ̂n ləm ang ngaa.›

Luku 6:37

«Maji karə ə-gangəje sariya dɔ dəw tə̂ ang, a Lubba a gangə sariya dɔse tə̂ ang tɔ. Undaje tar dɔ dəw tə̂ ang, a Lubba a kunda tar dɔse tə̂ ang tɔ. Ɔruje tar dɔ dəwje tə̂, a Lubba a kɔru tar dɔse tə̂ tɔ.

Tar kə̂ Maji kə̂ Jan dda makəturu tə̂ 3:10

Jeju ilɛ̂ tə̂ nan: «Ə-to nje-nɛ̂n-tɔju nangə tə̂ kə̂ Ijarayɛl, a ə-gərə nɛ̂ɛnn ang wa?

Kulaje 13:1

Njê-kilaje mbər tar lə Lubba kə njê-nɛ̂n-tɔjuje eeje mə Egilisi tə̂ kə̂ Antiyos. Ride nan: Barnabas, Simenyɔ kə̂ daw bbarɛ̂ nan Dəw-ndul, Lusiyus kə̂ Sirɛnn, Manayɛn kə̂ ne kə Erodə kə̂ ɔn bbe kə̂ Galile n̂-tɔkəje naan tə̂ kə Sɔl.

1 Kɔrɛntinyɛje 12:28

Mba yeenn bba, mə Egilisi tə̂, Lubba unda Njê-kaw-kulaje to dəwje kə̂ dɔngɔr. Njê-kilaje mbər tar lə Lubba toje to joo ləde. Njê-nɛ̂n-tɔjuje toje to mota ləde. A goe tə̂ to njê-ddaje nɛ̂n-mɔri, goe tə̂ a narə gusu kaji njê-rɔ-toje, gusu kuman dəwje, gusu kɔn dɔ dəwje kə gusu pa ndɔn-tarje dang dang.

2 Kɔrɛntinyɛje 5:10

Mba, a to tar ləje tɔyn ta kar nɔn sariya tə̂ lə Kristə, karə dəw kâra kâra inga kuka laa mba kula-dda kə̂ maji wase kə̂ maji ang kə̂ n̂-dda kə da-rɔɛ̂ le, kar tə̂ kə̂ n̂-nayn nɛ̂n dɔ nangə tə̂.

Epɛjinyɛje 4:11

Ne â narə gusu dəwje. Ne â narə marɛ̂je ddeeje to njê-kaw-kulaje, marɛ̂je to njê-kilaje mbər tar lə Lubba, marɛ̂je to njê-kilaje mbər Tar kə̂ Maji, marɛ̂je to njê-kulaje, a marɛ̂je to njê-nɛ̂n-tɔjuje.

1 Timɔte 1:7

N̂-ddaje rɔde to njê-gərəje-Ndu lə Lubba kə̂ arə Mɔyijə, a n̂-gərəje gəl tar kə̂ daw paje le ang. Tar kə̂ darje dɔɛ̂ tə̂ le kara n̂-gərəje kandɛ̂ ang ddəm.

1 Timɔte 2:7

Mba yeenn bba, Lubba undam to nje-tɔju tar kə nje-kaw-kula karə m-tɔju dəwje kə̂ toje to Jiipije ang, tar mə-kunn kə tar kə̂ tɔkɔrɔ. Tar kə̂ tɔkɔrɔ â maw pa nəənn bbo maw mərə ngəm ang.

2 Timɔte 1:11

Mba yeenn bba Lubba unnum to Nje-nɛ̂n-tɔju ddəm to nje-kaw-kula ddəm karə mila mbər Tar kə̂ Maji le.

Ebərəje 13:17

Maji karə ooje ta dəwje kə̂ aw tɔjuse ddəw ngaâ ə-bbəəljede. Mba daw dundaje kəmde dɔse tə̂. Ngaâ a to tar ləde ta pa go nɛ̂n tɔyn dɔse tə̂ nɔn Lubba tə̂. Maji karə ə-ddaje arə n̂-ddaje kula ləde kə rɔ-nəəl bbo kə kəm-rɔ ang, mba a kumanse kâra ang.

Jakə 1:16

Ngakɔnʼmje kə̂ m-ndikise nya, ərəje rɔse ang.

Jakə 1:19

Ngakɔnʼmje kə̂ m-ndikise nya, maji karə ə-gərəje nɛ̂n nəənn: Maji karə dəw kâra kâra tuka mbia kə ngɔru oo nɛ̂n tar. A, n̂-pa tar kə ngɔru baa ang ddəm n̂-dda wungu kə ngɔru baa ang ddəm

Jakə 3:10

Ta dəw kə̂ kâra baa njaa â tar kə̂ maji ddəm tar kə̂ maji ang ddəm inje tə̂ aw tee. Ngakɔnʼmje, maji karə to tokə baann ang.

1 Piyɛr 5:3

Maji karə ə-sirije dəwje kə̂ banya kə̂ Lubba inyade jise tə̂ le ang. Ə-ddeeje to nɛ̂n-kɔju-marɛ̂ kəmde tə̂.