Jakə 2:8 - Dɔnɔn kə̂ Siki: Tar kə̂ aw arə təbbə

⁸ Tɔkɔrɔ, bbo ə-ddaje kula kə ndu kə̂ Mbay-dɔ-mbayje unn makəturu tə̂ nan: «Maji karə ə-ndiki nje-mari tokə da-rɔi njaa», a yeenn ə-ddaje nɛ̂n kə̂ maji.

Jakə 2:8 ပူးပေါင်းရင်းမြစ်များ

Matiye 22:39

Ndu kə̂ to joo laa kə̂ ngəng uta marɛ̂je â nəənn: «Maji karə ə-ndiki nje-mari tokə dâ rɔi njaa.»

Matiye 25:21

Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.›

Matiye 25:23

Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.›

Matiye 7:12

«Nɛ̂n tɔyn kə̂ ə-ndikije karə dəwje ddaje kə se a, maji karə ə-ddaje kə de tɔ. Yeenn â to nɛ̂n kə̂ Ndu lə Mɔyijə kə makəturuje lə njê-kilaje mbər tar lə Lubba ndikije karə dəwje ddaje.»

Rɔmɛnje 13:10

Bbo dəw ndiki nje-marɛ̂ mban a, nâ dda saa majang ang ngaa. Yeenn a, ndiki dəw to dda nɛ̂n kə turu Ndu tɔyn.

Galatəje 5:14

Mba Ndu lə Mɔyijə tɔyn njaa to mə tar tə̂ kə̂ kâra nəənn. Tar kə̂ nan: «Maji karə ə-ndiki nje-mari tokə da-rɔi njaa.»

Galatəje 6:2

Maji karə otoje nɛ̂n-koto kə naan, yeenn â to dda kula kə ndu Kristə.

Pilipinyɛje 4:14

A ə-ddaje nɛ̂n maji, mba otoje səm dəbbə nɛ̂n kəm-to-ndoo kə̂ ingam.

1 Tesalonisinyɛje 4:9

Nɛ̂n kə̂ ɔju dɔ ndiki naan to ngakɔn-naan njaa le, to nɛ̂n kə̂ dəw a təl kuja tarɛ̂ makəturu tə̂ kula nɛ̂n karəse ang ngaa. Mba Lubba tɔjuse ddəw ndiki naan mban.

Jakə 1:25

A dəw kə̂ unda məɛ̂ ta kuru gəl ndu kə̂ maji tɔyn kə̂ aw ɔru dəw kɔ bbərə tə̂, bbo n̂-nayn ddəwe tə̂, noo tar le a, narə məɛ̂ oy dɔɛ̂ ang ngaâ n̂-dda nɛ̂n kula a, nâ kisi kə rɔ-nəəl mə kula tə̂ laa kə̂ naw dda.

Jakə 2:12

Maji karə ə-paje tar ta ə-ddaje nɛ̂n tokə dəwje kə̂ Lubba asə gangə sariya dɔde tə̂ ddəw ndu tə̂ kə̂ aw ɔru dəw kɔ bbərə tə̂.

Jakə 2:19

Ə-ndiki tə̂ to Lubba to kâra baa, yeenn maji, a ndilje kə̂ maji ang njaa kara ndikije tə̂ tokə baann tɔ ngaâ disaje kə bbəəl.

Jakə 4:11

Ngakɔnʼmje, maji karə ə-paje tar kə̂ maji ang kə ri naan ang. Bbo dəw pa tar kə ri ngokɔɛ̂n maji ang wase gangə sariya dɔ ngokɔɛ̂n tə̂ a, n̂-pa tar dɔ ndu tə̂ maji ang ddəm n̂-gangə sariya dɔ ndu tə̂ ddəm. A bbo ə-gangə sariya dɔ ndu tə̂ a, ə-to nje-ngəm ndu le ang, ə-to nje-gangə sariya dɔ ndu tə̂ le.

1 Piyɛr 2:9

A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.