Jakə 2:5 - Dɔnɔn kə̂ Siki: Tar kə̂ aw arə təbbə

⁵ Ngakɔnʼmje kə̂ m-ndikise nya, ooje tar nəənn: Lubba mbərə dəwje kə̂ dəwje kə̂ duninya tə̂ nəənn oojede to njê-ndooje, ta karə n̂-ddeeje to njê-nɛ̂n-kingaje ddəw mə-kunn tə̂ ddəm ta karə Bbe-kɔn kə̂ Lubba unn ndue ta karə dəwje kə̂ ndikeje le ddee to ləde ddəm.

Jakə 2:5 ပူးပေါင်းရင်းမြစ်များ

Matiye 11:5

Ə-paje nan: ‹Njê-kəm-tɔje ooje lo, njê-gɔl-gotoje njaje, banji lə dəwje goto rɔde tə̂ kə ddang, njê-mbi-kutuje ooje tar, dəwje kə̂ oyje ndolje ngaâ njê-ndooje ooje Tar kə̂ Maji.›

Matiye 25:34

Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le.

Matiye 5:3

«Maji arəse, see dəwje kə̂ ə-gərəje to nɛ̂n ndil duse, mba Bbe-kɔn kə̂ darâ to ləse.

Marke 7:14

Goe tə̂ a, Jeju bbar dəwje kə̂ banya le ngaâ pa arəde nan: «Əsese tɔyn, ooje tar ləm kə majɛ̂ ta ə-gərəje kandɛ̂.

Luku 12:21

Dəw kə̂ mbɔn nɛ̂n-kingaje mba tar dɔɛ̂ njaa bbo mba Lubba ang, dəw le to tokə lə mbə le tɔ.»

Luku 12:32

Sese kə̂ ə-toje tokə lə nɛ̂n-kuulje kə̂ banya ang le ə-bbəəlje ang, mba Bɔsese oo maji ta karəse Bbe-kɔn le.»

Luku 16:22

Marə ndɔ nje-ndoo le oy ngaâ anjəje unnɛ̂je awje saa mbɔr Abaraham tə̂. Nje-nɛ̂n-kinga le oy tɔ ngaâ n̂-dubbe.

Luku 16:25

Abaraham ilɛ̂ tə̂ nan: ‹Ngonnəm, ole məi, ndɔ kə̂ isi kəm baa bbay le ubba maji, a Lajar tuju â ubba. Bbasinɛn Lubba bɔru maann-nɔn kəmɛ̂ tə̂ lo tə̂ nəənn, a əi, aw oo ndoo.

Luku 22:29

Mba yeenn bba, mâ karəse Bbe-kɔn le tokə Bɔmje arəm le,

Luku 6:20

Jeju unn kəmɛ̂ aa nɛ̂n njê-njaje goe tə̂ ngaâ pa nan: «Maji arəse, see dangətəje, mba Bbe-kɔn lə Lubba to ləse!

Tar kə̂ Maji kə̂ Jan dda makəturu tə̂ 7:48

Marə nje-kɔn dɔje wase marə Parijinyɛ kə̂ unn məɛ̂ arə dingaw nəənn to wa?

Kulaje 7:2

Etiyɛnn ila tə̂ nan: «Ngakɔnʼmje, bɔydede, ooje tar nəənn. Kete bba karə bɔjeje Abaraham ddee dda bbe Karan le, Lubba kə̂ to nje-piti tee ingɛ̂ kar tə̂ kə̂ nisi nɛ̂n nangə tə̂ kə̂ Mejopotami

Rɔmɛnje 8:17

Yeenn a, bbo n-toje to ngannɛ̂ a, ja kingaje nɛ̂nje kə̂ maji kə̂ Lubba unn ndue ta karə dəwje laa. Ja kingaje nɛ̂nje le naan tə̂ kâra baa kə Kristə. Mba bbo jaw jooje ndoo saa a, ja kingaje piti saa tɔ.

1 Kɔrɛntinyɛje 2:9

Ddəw kâra baa tokə Makəturu lə Lubba pa tarɛ̂ nan: «Nɛ̂n kə̂ kəm dəw oo ang ddəm mbi dəw oo ang ddəm Nɛ̂n kə̂ dəw əjə ndɔ kâra ang, Lubba gɔl mba dəwje kə̂ ndikeje.»

2 Kɔrɛntinyɛje 4:15

Nɛ̂nje tɔyn kə̂ aw ingajeje, ingajeje mbase. Baann bba karə bbo Lubba aw dda mə-maji nya nya kə dəwje a, dəwje arəje wooyo Lubba nya tɔ ngaâ piteje.

2 Kɔrɛntinyɛje 6:10

Dəwje aw ddaje arə rɔje nəəlje ang, a jaw jisi kə rɔ-nəəl kə ndɔ tɔyn. Dəwje aw oojeje to njê-ndooje, a jaw dda jarə dəwje nya aw ddeeje to njê-nɛ̂n-kingaje. Dəwje oojeje to marə nɛ̂n ləje goto, a jee kə nɛ̂n tɔyn.

2 Kɔrɛntinyɛje 8:9

Mba ə-gərəje mə-maji lə Əbbəjeje Jeju-Kristə kə̂ to nje-nɛ̂n-kinga, bba təl dda rɔɛ̂ to nje-ndoo mba tar ləse, bba karə ndoo laa dda arə ə-ddeeje to njê-nɛ̂n-kingaje.

Epɛjinyɛje 1:18

M-duju karə Lubba ɔru kəmse arə ə-gərəje nɛ̂n kə̂ aw undaje məse dɔɛ tə̂, kə̂ n̂-bbarse mbɛɛ̂ le karə ə-gərəje nɛ̂n-kingaje kə̂ to nɛ̂n piti kə̂ narə dəwje laa ingaje, sese ddəm njê-mə-kunnje ddəm.

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

1 Tesalonisinyɛje 2:12

N-ndəjəse, n-dda jarə ubbaje singa ngaâ n-dujuse nya karə pa-nja ləse to tokə ye kə̂ Lubba ndiki, ne kə̂ n̂-bbarse karə andəje mə Bbe-kɔn tə̂ laa, karə ingaje Piti laa saa.

2 Tesalonisinyɛje 1:5

Nɛ̂njeenn aw tɔjuje to sariya lə Lubba to gatə gatə ngaâ toje to nɛ̂nje kə̂ a ddaje karə ə-ddeeje to dəwje kə̂ asəje ta kandə mə Bbe-kɔn tə̂ lə Lubba kə̂ aw ooje ndoo mbɛɛ̂ le.

1 Timɔte 6:18

Maji karə ə-pa arə n̂-ddaje maji, n̂-ddaje kula kə̂ maji nya, arə dɔsuje ngar kə mə-kâra ngaâ n̂-kaynje dəwje dəbbə nɛ̂n-kingaje ləde.

2 Timɔte 4:18

Əbbə-dəwje a kɔrum ta nɛ̂nje tə̂ kə̂ maji ang tɔyn ngaâ nâ kajim karə mandə mə Bbe-kɔn tə̂ laa darâ. Maji karə piti to laa kə ndɔ kə ndɔ. Amɛnn.

2 Timɔte 4:8

Bbasinɛn, Lubba ngəm nɛ̂n kə̂ maji mbam to kuka ləm, nɛ̂n kə̂ maji kə̂ to mba dəwje kə̂ gatə gatə. Əbbə-dəwje kə̂ to nje-gangə sariya kə̂ gatə gatə a karəm nɛ̂n kə̂ maji le ndɔ gangə sariya tə̂. Nâ karəm kə karəm baa ang, nâ karə dəwje tɔyn kə̂ aw ndikije tar ddee laa le tɔ.

Ebərəje 11:26

Noo a, kə̂ ta karə dəwje tajɛ̂je tokə n̂-tajije Kristə to nɛ̂n-kinga kə̂ ngəng uta nɛ̂n-kingaje kə̂ Ejipitə. Mba nunda kəmɛ̂ njaa nyɔm kə dɔ kuka tə̂ kə̂ Lubba a kukɛ̂ ndɔ tə̂ kə̂ bara.

Jakə 1:12

Maji arə dəw kə̂ ore wure mə nɛ̂n-nanje tə̂ dang dang, mba bbo n̂-nɛɛ̂n doo ngaâ nasə a, nâ kinga kuka. Kuka le kə̂ to təbbə kə̂ Əbbə-dəwje unn ndue ta karə dəwje kə̂ ndikeje.

Jakə 1:16

Ngakɔnʼmje kə̂ m-ndikise nya, ərəje rɔse ang.

Jakə 1:19

Ngakɔnʼmje kə̂ m-ndikise nya, maji karə ə-gərəje nɛ̂n nəənn: Maji karə dəw kâra kâra tuka mbia kə ngɔru oo nɛ̂n tar. A, n̂-pa tar kə ngɔru baa ang ddəm n̂-dda wungu kə ngɔru baa ang ddəm

Jakə 1:9

Maji karə ngokɔnje kə̂ dəwje ooeje to nɛ̂n ang dda rɔ-nəəl, mba Lubba a kundɛ̂ lo tə̂ kə̂ bo.

1 Piyɛr 1:4

ta kinga nɛ̂nje kə̂ Lubba ngəm mba dəwje laa. To nɛ̂nje kə̂ a tujuje ang ddəm nɛ̂n-yərəw a kɔru ang ddəm ndoko ləde a goto ang ddəm. Lubba ngəm nɛ̂nje le arəse darâ,

2 Piyɛr 1:11

Baann bba Lubba a kɔru ddəw karə tatə karə andəje nɛ̂n mə Bbe-kɔn tə̂ kə̂ a to kə bbal kə bbal, kə̂ to Bbe-kɔn lə Jeju-Kristə kə̂ to Əbbəjeje ddəm Nje-kajije ddəm.

Apokalisi 2:9

M-gərə nɛ̂n-singaje kə̂ aw ingai kə ndoo kə̂ ə-ndoo. A kə̂ tɔkɔrɔ tə̂, ə-to nje-nɛ̂n-kinga. M-gərə tarje kə̂ maji ang kə̂ dəwje kə̂ toje to Jiipije ang, a aw ddaje rɔde to Jiipije aw paje dɔi tə̂. N̂-toje to dəwje kə̂ mə mbɔn-naan tə̂ lə Satan.

Apokalisi 21:7

Dəw kə̂ tətə ddɔ a, mâ karə nɛ̂njeenn le ddeeje to laa. Mâ to Lubba laa ngaâ nâ to ngonnəm.

Apokalisi 3:18

Mba yeenn bba, m-pa mari karə ə-ndoko andə kə̂ n̂-ləkə purô darə yərəw goto tə̂ jim tə̂, karə ə-ddee to nje-nɛ̂n-kinga kə̂ tɔkɔrɔ. Ə-ndoko kubbuje kə̂ nda ula, mba bbo rɔi to baa a, rɔ-kul a ddai. Ə-ndoko kuman kə̂ to maannɛ̂ ila kəmi tə̂ ta ə-təl oo lo.