Jakə 2:14 - Dɔnɔn kə̂ Siki: Tar kə̂ aw arə təbbə

¹⁴ Ngakɔnʼmje, bbo marə dəw pa nan: «Mə-kunn ləm to», â bbo n̂-dda kulɛ̂ ang a, ddi â mə-kunn le a dda karɛ̂ wa? Mə-kunn kə̂ baann asə ta kaji dəw wa?

Jakə 2:14 ပူးပေါင်းရင်းမြစ်များ

Matiye 5:20

M-pa marəse: Bbo ə-ddaje nɛ̂n kə̂ gatə gatə uta njê-gərəje-Ndu wase Parijinyɛje ang a, a kandəje Bbe-kɔn tə̂ kə̂ darâ ang.»

Luku 3:11

Nilade tə̂ nan: «Maji karə dəw kə̂ kubbu laa kə̂ taar ee joo a, unn kâra arə dəw kə̂ kubbu due, dəw kə̂ nɛ̂n-kusa laa to a, dda tokə baann tɔ.»

Luku 6:49

A dəw kə̂ oo tar ləm, a dda nɛ̂n kula ang to kâra baa kə dəw kə̂ ɔsu kəy laa dɔ nangə tə̂ baa bbo ungu gɔlɛ̂ dɔ ər tə̂ ang. Maann ula unda kar kəy le a, kəm naan tə̂ nəənn njaa kəy le oso ngaâ guru njuku njuku.»

Kulaje 15:9

Nɔru kəmde dang kə jeje ang. Lubba toko məde mba mə-kunn ləde.

Kulaje 8:13

Simɔn njaa kara oo məɛ̂ tə̂ tɔ ngaâ n̂-ddɛɛ̂ batɛm. Ninya go Pilipi ang ngaa. Noo tɔkə nɛ̂n-mɔrije kə nɛ̂nje kə̂ dum dɔ koo kə̂ Pilipi aw dda le a, dɔɛ̂ ayn.

Kulaje 8:21

Marə nɛ̂n kə̂ to mbai wase nɛ̂n kə̂ osoi tə̂ kâra to nəənn ang. Mba kəjə ləi to gatə gatə kəm Lubba tə̂ ang.

Rɔmɛnje 2:25

Tɔkɔrɔ, bbo əi Jiipi aw dda nɛ̂n kə̂ Ndu duju a, ganja kə̂ dujai to nɛ̂n kə̂ maji. A bbo dujai ganja bba ə-dda nɛ̂n kə̂ Ndu duju ang a, ə-to ddəw kâra baa kə dəw kə̂ dujɛ̂ ganja ang.

1 Kɔrɛntinyɛje 15:2

Bbo ə-ngəmje Tar kə̂ Maji le kə ddəwe kə̂ m-tɔju nɛ̂n se a, Tar le a kajise. Baann ang a, mə-kunn ləse a to nɛ̂n kə̂ baa.

1 Kɔrɛntinyɛje 16:22

Bbo marə dəw to nam Əbbə-dəwje ang a, maji karə ndu-ndɔɔl to dɔɛ̂ tə̂! Maranata.

Galatəje 5:13

See ngakɔnʼmje, Lubba bbarse karə ə-teeje kɔ bbərə tə̂ kə ddang. A maji karə tee ləse kɔ bbərə tə̂ le to ddəw â ɔru arəse karə ə-ddaje nɛ̂n nɛ̂n ddəw bboje tə̂ kə̂ da-rɔ tə̂ ang. Maji karə ə-ndikije naan ta ə-ddaje kula arəje

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

1 Tesalonisinyɛje 1:3

Kəm Lubba tə̂ kə̂ to Bɔjeje, jaw jole məje dɔ kulaje tə̂ kə̂ aw ddaje ddəw mə-kunn tə̂ ləse kə dɔ ndiki tə̂ ləse kə̂ aw dda kula. Jole məje dɔ məse tə̂ kə̂ aw undaje dɔ Əbbəjeje Jeju-Kristə tə̂ arəje ngəng le tɔ.

1 Timɔte 1:5

Nɛ̂n kə̂ maw sangə ddəw ndu tə̂ kə̂ munn nəənn to karə ə-ndikije naan kə mə kə̂ nda, karə eeje kə kəjə kə̂ maji, karə ooje məse tə̂ tɔkɔrɔ kə Lubba.

1 Timɔte 4:8

Kunn rɔ kila ndam-singa tə̂ to nɛ̂n kə̂ dda maji njaa, a dda maji ddəw nɛ̂nje tə̂ nya ang. A kunn rɔ karə Lubba to nɛ̂n kə̂ dda maji ddəw nɛ̂nje tə̂ tɔyn. Kunn rɔ karə Lubba le ndu-kunn mba kisi nɛ̂n kə təbbə kə̂ to ndɔ tə̂ kə̂ bbokonɛn ddəm ndɔ tə̂ kə̂ aw ddee ddəm to tə̂.

Titə 1:16

N̂-paje nan n̂-gərəje Lubba, a kula-ddade tɔju to n̂-gərəje Lubba ang. N̂-majije ang, n̂-toje to njê-dɔ-ngəngje, dasəje ta dda kula kə̂ maji kâra ang.

Titə 3:8

Tar nəənn to tar kə̂ asə karə dəw unda məɛ̂ dɔɛ tə̂. M-ndiki ta karə ar dɔɛ tə̂ nya, mba karə dəwje tɔyn kə̂ undaje məde dɔ Lubba tə̂ unnje rɔde mba dda kulaje kə̂ maji uta. Yeenn to nɛ̂n kə̂ kura ngaâ aw dda maji kə dəwje.

Ebərəje 11:17

Ddəw mə-kunn tə̂ â Abaraham unn Ijakə arə Lubba to nɛ̂n-polo kar tə̂ kə̂ Lubba nɛɛ̂n nɛ̂n. To ngonnɛ̂ kə̂ kâra baa â nunn ta karə Lubba kə̂ unn ndue arɛ̂ pa nan:

Ebərəje 13:9

Maji karə inyaje arə nɛ̂n-tɔjuje kə̂ dang dang ddaje arə ə-ndəəmje ddəw ang. Maji karə ingaje singa ddəw mə-maji tə̂ lə Lubba bbo ddəw nduje tə̂ kə̂ dɔ nɛ̂n-kusaje tə̂ ang. Mba dəwje kə̂ aw ngəmje ndujeenn le ingaje marə nɛ̂n kâra ddəwe tə̂ ang.

Jakə 1:16

Ngakɔnʼmje kə̂ m-ndikise nya, ərəje rɔse ang.

Jakə 2:16

ngaâ marə dəw kâra horose tə̂ pa arəde nan: «Awje kə majɛ̂, ə-kirije rɔse kə kubbu arəje rɔse tunga ta usaje nɛ̂n arəje məse ndann», a bbo narəde marə nɛ̂n kə̂ asə ta kumande ang a, maji ddi â tar laa le a dda kə dəwje le wa?

Jakə 2:18

Marə dəw a pa nan: «Əi, mə-kunn ləi to, a əman kulaje kə̂ m-dda to. Ə-tɔjum mə-kunn ləi kə̂ kulɛ̂ goto le, a əman mâ tɔji mə-kunn ləm ddəw kulaje tə̂ kə̂ m-dda.»

Jakə 2:26

Ddəw kâra baa kə da-rɔ dəw kə̂ bbo kəwn laa tee a, oy le, mə-kunn kə̂ kulɛ̂ goto oy tɔ.

2 Piyɛr 1:5

Mba yeenn bba, maji karə ə-ddaje singa mba kila nɛ̂n-dda kə̂ maji dɔ mə-kunn tə̂ ləse. Nɛ̂n-dda kə̂ maji le, ilaje nɛ̂n-gərə dɔɛ tə̂.