Jakə 2:1 - Dɔnɔn kə̂ Siki: Tar kə̂ aw arə təbbə

¹ Ngakɔnʼmje, unnje məse arəje Əbbəjeje Jeju-Kristə kə̂ piti to laa mban. Maji karə ɔruje kəm dəw ang ngaa.

Jakə 2:1 ပူးပေါင်းရင်းမြစ်များ

Matiye 22:16

Dulaje marə njê-njaje gode tə̂ kə dəwje kə̂ unnje go Erodə rɔ Jeju tə̂ le karə n̂-paje darɛ̂ nan: «Nje-nɛ̂n-tɔju, n-gərə to aw pa tar kə̂ tɔkɔrɔ, aw tɔju ddəw lə Lubba tokə tɔkɔrɔ njaa ddəm aw bbəəl kəm dəw ang ddəm. Dəw kə̂ bo wase dəw kə̂ tɛn kara osoi tə̂ ang.

Kulaje 10:34

Piyɛr ila tə̂ nan: «Bbasinɛn m-gərə ngaa to tɔkɔrɔ njaa Lubba ɔru kəm dəw ang.

Kulaje 20:21

Mila mbər marə Jiipije kə Gɛrɛkəje karə n̂-turuje məde nyɔm ta n̂-təlje rɔ Lubba tə̂ ngaâ ta karə dundaje məde kə dɔ Əbbə-dəwje Jeju tə̂.

Kulaje 24:24

Dda ndɔ ngaji goe tə̂ a, Peliksə de kə dɛnɛ̂n laa Durusil kə̂ to Jiipi n̂-ddeeje. Peliksə le ula bbar Pɔl ngaâ noo tar kə̂ naw tɔju dɔ kunn-mə karə Jeju-Kristə tə̂.

Kulaje 7:2

Etiyɛnn ila tə̂ nan: «Ngakɔnʼmje, bɔydede, ooje tar nəənn. Kete bba karə bɔjeje Abaraham ddee dda bbe Karan le, Lubba kə̂ to nje-piti tee ingɛ̂ kar tə̂ kə̂ nisi nɛ̂n nangə tə̂ kə̂ Mejopotami

Rɔmɛnje 1:11

Mba maal koose ddam nya, ta kaw karə ingaje marə gusuje kə̂ Ndil-mə-nda aw arə bba karə ingaje singa.

1 Kɔrɛntinyɛje 2:8

Dəw kâra horo njê-kɔn-bbeje tə̂ kə̂ nangə̂ nəənn gərə kəm-karɛ le ang. Bbo n̂-gərəje kəm-karɛ le a, dâ tɔlje Əbbə-dəwje kə̂ piti to laa le kakə-dəsə tə̂ ang.

Kolosinyɛje 1:4

Joo tar məse kə̂ unnje arəje Jeju-Kristə kə tar ndiki kə̂ aw ndikije dəwje lə Lubba tɔyn le.

1 Timɔte 1:19

ddəw kunda məi dɔ Lubba tə̂ kə ddəw ngəm kəjə kə̂ maji tə̂. Marə dəwje kə̂ ooje məde tə̂ mban ngaâ eeje kə kəjə kə̂ maji le təlje inyaje kəjə kə̂ maji le ngaâ dosoje ddəw mə-kunn tə̂ ləde.

1 Timɔte 5:21

M-duji nya kəm Lubba tə̂ kə kəm Jeju-Kristə tə̂ kə kəm anjəje tə̂ kə̂ n̂-mbərəde, karə ə-dda nɛ̂n kə turu nduje kə̂ mari. Ɔru kəm dəw ang, ə-dda kə dəwje tɔyn ddəw kâra baa.

Titə 1:1

Əman Pɔl, m-to bbərə-kula lə Lubba ddəm nje-kaw-kula lə Jeju-Kristə ddəm. Lubba unnum to nje-dda karə dəwje kə̂ Lubba mbərəde unnje məde arɛ̂ ngaâ karə n̂-gərəje tar kə̂ tɔkɔrɔ bba ta n̂-ngəmje rɔde mba Lubba.

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

Ebərəje 1:3

Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Jakə 1:16

Ngakɔnʼmje kə̂ m-ndikise nya, ərəje rɔse ang.

Jakə 1:19

Ngakɔnʼmje kə̂ m-ndikise nya, maji karə ə-gərəje nɛ̂n nəənn: Maji karə dəw kâra kâra tuka mbia kə ngɔru oo nɛ̂n tar. A, n̂-pa tar kə ngɔru baa ang ddəm n̂-dda wungu kə ngɔru baa ang ddəm

Jakə 2:3

Bbo undaje kəmse tɔyn kə dɔ dəw tə̂ kə̂ ula kubbu kə̂ kura le ngaâ ə-paje nan: «Əi, ə-ddee isi lo tə̂ kə̂ maji nəənn», a ə-paje arəje nje-ndoo le nan: «Əi, ar lo tə̂ nəənn» wase ə-paje nan: «Əi isi nangə̂ mbɔr nɛ̂n kungu gɔl tə̂ ləm nəənn» a,

Jakə 2:9

A bbo aw ɔruje kəm naan a, ə-ddaje majang ngaâ sariya to dɔse tə̂ mban, ə-ddaje kula kə turu ndu ang.

Jakə 3:17

A kete njaa kara, kəm-karɛ kə̂ in darâ to nɛ̂n-yərəw ang, to kəm-karɛ kə̂ aw dda arə mə-wul-lɔm to horo dəwje tə̂, aw dda arə dəwje wulje pee, dəwje ooje ta naan, dəwje ddaje kula kə̂ maji. Kəm-karɛ le dda arə dəwje ɔruje kəm naan ang, dəwje ooje kəm-to-ndoo lə naan ddəm n̂-ddaje nɛ̂n mba kəm dəwje ang ddəm.

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.

Judə 1:16

Dede le, n̂-toje to dəwje kə̂ rɔde nəəlde ndɔ kâra ang. Daw dəmje rɔde kə ndɔ tɔyn. Bbo nɛ̂n kə̂ to məde tə̂ dɔrɔ â n̂-ddaje. Tam-tɔnde to ngəm dɔrɔ. Daw dɔsuje gaji dəwje mba kinga nɛ̂n nɛ̂n jide tə̂.

Apokalisi 14:12

Lo tə̂ nəənn to ta karə dəwje lə Lubba kə̂ aw ngəmje nduje laa ngaâ naynje ddəw məde tə̂ kə̂ dunnje darə Jeju le duwaje darə ngəng.