Jakə 1:4 - Dɔnɔn kə̂ Siki: Tar kə̂ aw arə təbbə

⁴ A maji karə kore-wur ləse dda kula kə̂ maji tɔyn, bba karə ə-ddeeje to dəwje kə̂ maji tɔyn ddəm karə marə nɛ̂n duse ang ddəm.

Jakə 1:4 ပူးပေါင်းရင်းမြစ်များ

Matiye 10:22

Dəwje tɔyn a mbətəjese mbam. A dəw kə̂ uwa arə ngəng ndərəng ddutu ndɔ tə̂ a, a kinga kaji.

Matiye 19:20

Basan le ilɛ̂ tə̂ nan: «M-ngəm ndujeenn tɔyn mban. Ddi â dum bbay wa?»

Matiye 5:48

Yeenn a, maji karə ə-ddeeje to dəwje kə̂ maji tɔyn tokə Bɔsese kə̂ isi darâ kə̂ maji tɔyn le.»

Marke 10:21

Jeju ɛɛ̂ a, ndike ngaâ pa arɛ̂ nan: «Nɛ̂n kâra ngaa â dui: Aw labbə nɛ̂nje tɔyn kə̂ inga ta ə-kayn narɛ̂ dangətəje a, â kinga marə dam narɛ darâ. Goe tə̂ a, ə-ddee unn gom.»

Luku 18:22

Jeju oo tar laa le a, pa arɛ̂ nan: «Marə nɛ̂n kâra dui bbay. Ə-labbə nɛ̂nje tɔyn kə̂ inga ta ə-kayn narɛ̂ dangətəje a, â kinga nɛ̂n darâ. Goe tə̂ a, ə-ddee unn gom.»

Luku 21:19

Uwaje arəje ngəng mba təbbə ləse.»

Luku 8:15

Kandə-ko kə̂ gayn dɔ nangə tə̂ kə̂ maji le tɔju njê kə̂ ooje tar lə Lubba kə mə kə̂ maji kə mə kə̂ gatə gatə, a n̂-ngəmje tar le, duwaje darə ngəng ngaâ n̂-naynje daw dandəje kandə.»

Tar kə̂ Maji kə̂ Jan dda makəturu tə̂ 17:23

M-dda mə-kâra kə de ngaâ əi ə-dda mə-kâra səm. Baann bba dâ ddeeje kâra baa tokə tɔkɔrɔ, bba karə dəwje kə̂ duninya tə̂ gərəje to əi â ulam. Ngaâ, ə-ndikide tokə ə-ndikim.

1 Kɔrɛntinyɛje 2:6

Ta koo a, to kəm-karɛ njaa â jaw tɔju njê-mə-kunnje kə̂ sangəje. Kəm-karɛ le to kəm-karɛ kə̂ nangə̂ nəənn ang ddəm kəm-karɛ lə njê-kɔn-bbeje kə̂ dɔ nangə tə̂ nəənn ang ddəm, mba Lubba a tujude kə ddang.

Galatəje 6:9

Maji karə n-ddaje maji, jarə rɔje nyaje tə̂ ang. Mba bbo juwa jarə ngəng ngaâ karɛ̂ asə a, ja kuja kandɛ̂.

Kolosinyɛje 4:12

Epaparas kə̂ to dəw kə̂ bbeê ləse ddase lapiya. Ne kə̂ n̂-to bbərə-kula lə Jeju-Kristə le naw dda ddɔ mba tar ləse kə ndɔ tɔyn, ddəw duju Lubba tə̂ bba karə uwaje arəje ngəng, karə ə-ddeeje maji tɔyn, bba karə unnje rɔse tɔyn ta dda nɛ̂n tɔyn kə̂ mə Lubba ndiki.

1 Tesalonisinyɛje 5:23

Maji karə Lubba njaa kə̂ to nje-karə mə-wul-lɔm dda arə ə-ddeeje maji tɔyn. Maji karə n̂-ngəm da-rɔse tɔyn, kəjə ləse, kəwn ləse kə rɔse, narə ndɔ ddee lə Əbbə-dəwje Jeju-Kristə a, tar kâra to dɔse tə̂ ang.

2 Timɔte 3:17

Baann bba karə dəw lə Lubba to ngɔsi ngaâ asə ta dda kulaje tɔyn kə̂ maji.

Ebərəje 13:21

Maji karə ne Lubba le narə ingaje singa ta dda nɛ̂n nɛ̂nje tɔyn kə̂ maji, bba karə ə-ddaje nɛ̂n nɛ̂n kə̂ məɛ̂ ndiki. Nɛ̂n kə̂ nəəl kəmɛ̂ tə̂ â maji karə n̂-dda məje tə̂ ddəw tə̂ lə Jeju-Kristə. Ne Jeju kə̂ piti to laa kə ndɔ kə ndɔ. Amɛnn!

Jakə 1:5

Bbo kəm-karɛ du marə dəw horose tə̂ a, maji karə n̂-duju Lubba. Lubba a karɛ̂ kəm-karɛ le. Mba Lubba aw arə nɛ̂n dəw kə mə-maji laa bbo kɔl kə dəw bba arɛ̂ nɛ̂n ang.

Jakə 3:2

Mba jeje tɔyn njaa jaw ndəəmje ddəw nya. A bbo marə dəw aw pa tar uru nɛ̂n muû ang a, n̂-to dəw kə̂ maji tɔyn, n̂-to dəw kə̂ nasə ta ngəm da-rɔɛ̂ tɔyn kə majɛ̂.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.

2 Piyɛr 1:9

A dəw kə̂ nɛ̂njeenn le goto məɛ̂ tə̂ to tokə lə nje-kəm-tɔ kə̂ aw mam lo to mam. Məɛ̂ oy dɔ toko kə̂ Lubba toko majangje laa kə̂ ləw le.