Jakə 1:27 - Dɔnɔn kə̂ Siki: Tar kə̂ aw arə təbbə

²⁷ Kə̂ kəm Lubba tə̂ kə̂ to Bɔjeje, dda kə Lubba tɔkɔrɔ tə̂ kə̂ nɛ̂n-yərəw ɔru ang, to kaw koo ngann-ndubbaje kə dɛnɛ̂n-ndubbaje lo-kisi ndoo tə̂ ləde ngaâ ta ngəm-rɔ ddəw kula yərəwje tə̂ kə̂ dɔ nangə tə̂ tɔ.

Jakə 1:27 ပူးပေါင်းရင်းမြစ်များ

Matiye 12:32

Bbo dəw pa tar kə̂ mbətə Ngonn lə dəw a, Lubba a kɔru tar dɔɛ̂ tə̂. A dəw kə̂ pa tar kə̂ mbətə Ndil-mə-nda, Lubba a kɔru tarɛ̂ dɔɛ̂ tə̂ bbokənɛn nəənn ang ddəm ndɔ kə̂ bara ang ddəm.»

Matiye 5:8

Maji arəse, see dəwje kə̂ məse nda kayn, mba â kooje Lubba.

Luku 1:6

Dede joo kəm n̂-toje gatə gatə kəm Lubba tə̂ ddəm n̂-njaje kə turu ndu lə Əbbə-dəwje ddəm tar to dɔde tə̂ ang.

Rɔmɛnje 12:2

Maji karə ə-ndajije nɛ̂n-ddaje lə dəwje kə̂ duninya tə̂ nəənn ang, a inyaje ddəw arəje Lubba turu kəjə ləse. Baann bba â kasəje ta gərə nɛ̂n kə̂ Lubba ndiki, nɛ̂n kə̂ maji, nɛ̂n kə̂ nəəl kəmɛ̂ tə̂ kə nɛ̂n kə̂ maji tɔyn.

Rɔmɛnje 2:13

Mba dəwje kə̂ ooje Ndu lə Mɔyijə kə mbide to koo baa toje gatə gatə kəm Lubba tə̂ ang. Njê kə̂ ddaje nɛ̂n kə turu Ndu le bba Lubba a karə n̂-ddeeje gatə gatə kəmɛ̂ tə̂.

Galatəje 1:4

Jeju njaa unn rɔɛ̂ arə yo mba majangje ləje, mba tee nɛ̂n kə je mə karje tə̂ kə̂ maji ang nəənn kə ddang, tokə ye kə̂ mə Lubba kə̂ to Bɔjeje ndiki.

Galatəje 3:11

Tɔkɔrɔ njaa, dəw a kasə ddee gatə gatə kəm Lubba tə̂ ddəw ngəm Ndu tə̂ ang. Mba Makəturu lə Lubba pa nan: «Dəw kə̂ ddee gatə gatə ddəw mə-kunn tə̂ a kisi kə təbbə.»

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

Galatəje 6:14

A əman, bbayɛ̂ njaa koy lə Əbbəjeje Jeju-Kristə kakə-dəsə tə̂ njaa mâ kunda nɛ̂n gum. Ddəw koy tə̂ laa le moo nɛ̂nje kə̂ duninya tə̂ nəənn tokə nɛ̂nje kə̂ oy ngaâ nɛ̂nje kə̂ duninya tə̂ oomje tokə dəw kə̂ oy tɔ.

Epɛjinyɛje 2:2

Aw unnje go kula-dda lə dəwje kə̂ duninya tə̂ nəənn. Aw ooje ta mbay le ndilje kə̂ maji ang kə̂ eeje mə ləl tə̂. Ne mbay le â n̂-to ndil kə̂ maji ang kə̂ aw dda kula rɔ dəwje tə̂ kə̂ aw mbətəje ta Lubba.

1 Timɔte 1:5

Nɛ̂n kə̂ maw sangə ddəw ndu tə̂ kə̂ munn nəənn to karə ə-ndikije naan kə mə kə̂ nda, karə eeje kə kəjə kə̂ maji, karə ooje məse tə̂ tɔkɔrɔ kə Lubba.

1 Timɔte 5:4

A bbo marə dɛnɛ̂n-ndubba kə̂ ngannɛ̂ wase ngakɛɛ̂ toje a, dɔngɔr nɛ̂n kə̂ ta dda â to karə n̂-tɔjuje kula mə-kunn ləde horo nujuje tə̂ ngaâ n̂-təlje kə nɛ̂n kə̂ njê-kujudeje ngəm nɛ̂n de darəde. Lubba ndiki nɛ̂n kə̂ baann nya.

Titə 2:12

Mə-maji laa le tɔjuje karə jinyaje pa-nja ləje kə̂ maji ang kə bbo nɛ̂nje kə̂ nangə̂ nəənn, mba karə kisi ləje to kə dɔgɔlɛ̂ ddəm gatə gatə ddəm ngaâ karə juwaje tar lə Lubba jarəje ngəng.

Jakə 3:17

A kete njaa kara, kəm-karɛ kə̂ in darâ to nɛ̂n-yərəw ang, to kəm-karɛ kə̂ aw dda arə mə-wul-lɔm to horo dəwje tə̂, aw dda arə dəwje wulje pee, dəwje ooje ta naan, dəwje ddaje kula kə̂ maji. Kəm-karɛ le dda arə dəwje ɔruje kəm naan ang, dəwje ooje kəm-to-ndoo lə naan ddəm n̂-ddaje nɛ̂n mba kəm dəwje ang ddəm.

Jakə 3:9

Ndɔnje le â jaw jɔsuje nɛ̂n gaji Əbbə-dəwje kə̂ to Bɔjeje, a ndɔnje le tɔ â jaw jɔruje nɛ̂n kə dəwje kə̂ Lubba njaa ddade arə dundaje rɔɛ̂.

Jakə 4:4

See njê kə̂ aw ulaje pa-nja ləse naan tə̂! Ə-gərəje to dəwje kə̂ ndikije nɛ̂n kə̂ dɔ nangə tə̂ nəənn toje to njê-baanje lə Lubba ang wa? Yeenn a, dəw kə̂ ndiki kuwa buwa-kura kə nɛ̂n kə̂ dɔ nangə tə̂ nəənn to nje-baan lə Lubba.

2 Piyɛr 1:4

Ddəw nɛ̂nje tə̂ənn le bba jingaje nɛ̂n nɛ̂nje kə̂ ngəng nya kə̂ Lubba unn ndue ta karəje le. Yeenn bba karə ddəw nɛ̂nje tə̂ənn le, ə-ddeeje tokə lə Lubba, mba aynje bbo nɛ̂nje kə̂ maji ang kə̂ dɔ nangə tə̂ nəənn kə̂ aw tuju dəwje.

2 Piyɛr 2:20

Dəwje kə̂ gərəje Jeju-Kristə kə̂ to Əbbəjeje ddəm Nje-kajije ddəm teeje mə nɛ̂n-yərəwje tə̂ kə̂ duninya tə̂ nəənn kə ddang ngaa. A bbo n̂-təlje dulaje rɔde mə nɛ̂n-yərəw tə̂ le bbay darə taa singade a, kisi ləde kə̂ guku a maji ang kuta ye kə̂ kete bbay.

2 Piyɛr 3:14

Mba yeenn bba, ngakɔnʼmje kə̂ m-ndikise nya, kar tə̂ kə̂ aw nginanje ndɔ le bbay le, maji karə ə-ddaje singa karə marə nɛ̂n-yərəw ɔruse ang ddəm karə marə tar to dɔse tə̂ ang ddəm ngaâ ta ə-naynje kə mə-wul-lɔm kə Lubba.

1 Jan 5:18

Jeje, n-gərəje to dəwje kə̂ Lubba ujude ddaje majang ang ngaa. Jeju kə̂ Lubba uje ngəm dəwje le arə Nje-mə-majang inga ddəw ləde ang.