Jakə 1:25 - Dɔnɔn kə̂ Siki: Tar kə̂ aw arə təbbə

²⁵ A dəw kə̂ unda məɛ̂ ta kuru gəl ndu kə̂ maji tɔyn kə̂ aw ɔru dəw kɔ bbərə tə̂, bbo n̂-nayn ddəwe tə̂, noo tar le a, narə məɛ̂ oy dɔɛ̂ ang ngaâ n̂-dda nɛ̂n kula a, nâ kisi kə rɔ-nəəl mə kula tə̂ laa kə̂ naw dda.

Jakə 1:25 ပူးပေါင်းရင်းမြစ်များ

Luku 11:28

A Jeju ilɛ̂ tə̂ nan: «Uta tɔyn, maji arə dede kə̂ dooje tar lə Lubba a, ngəmje.»

Tar kə̂ Maji kə̂ Jan dda makəturu tə̂ 13:17

Bbasinɛn, ə-gərəje nɛ̂ɛnn le ngaa. Bbo ə-ddaje nɛ̂ɛnn le a rɔ-nəəl to ləse.

Tar kə̂ Maji kə̂ Jan dda makəturu tə̂ 8:36

Yeenn bba bbo, Ngonn ɔruse bbərə tə̂ a, â teeje bbərə tə̂ kə ddang tɔkɔrɔ njaa.

Kulaje 13:43

Dəwje kə̂ mbɔnje naan le sanrɛje naan a, marə Jiipije nya kə dəwje kə̂ toje to Jiipije ang kə̂ aw poloje Lubba unnje go Pɔl de kə Barnabas. Pɔl de kə Barnabas le n̂-paje tar darəde ngaâ n̂-ndəjəjede karə n̂-naynje kə ndɔ tɔyn ddəw mə-maji tə̂ kə̂ Lubba dda kə de.

Kulaje 2:42

Njê-mə-kunnje le unnje rɔde tɔyn mba kaw koo nɛ̂n-tɔju lə njê-kaw-kulaje kə ndɔ tɔyn. Daw dulaje nuju naan tə̂, daw ddaje mə-kâra ddəw muru mə-kâra tə̂ ngaâ daw dujuje Lubba.

Kulaje 26:22

A Lubba njaa ngəməm ndərəng bbokənɛn karə mɔru gəle nɔn dəwje tə̂ tɔyn, njê kə̂ tɛn wase njê kə̂ bo kara m-nayn maw pa tar-naji laa bbay. Nɛ̂n kə̂ a ta ddee kə̂ njê-kilaje mbər tar lə Lubba kə Mɔyijə n̂-paje tarɛ̂ le njaa maw pa tarɛ̂. Mila marə nɛ̂n dɔɛ̂ tə̂ ang.

Rɔmɛnje 11:22

Maji karə ə-gərə to Lubba to nje-dda maji ddəm nje-gangə sariya kə̂ ngəng ddəm. N̂-gangə sariya kə̂ ngəng dɔ dəwje tə̂ kə̂ mbətəje ta koo məde tə̂ ngaâ n̂-dda səi mə-maji. Bbo ə-nayn ddəw mə-maji tə̂ le ang a, nâ kɔri kə guku tɔ.

Rɔmɛnje 2:13

Mba dəwje kə̂ ooje Ndu lə Mɔyijə kə mbide to koo baa toje gatə gatə kəm Lubba tə̂ ang. Njê kə̂ ddaje nɛ̂n kə turu Ndu le bba Lubba a karə n̂-ddeeje gatə gatə kəmɛ̂ tə̂.

Rɔmɛnje 7:12

Tɔkɔrɔ, Ndu maji tɔyn. Ndu lə Lubba maji tɔyn, to gatə gatə ddəm maji ddəm.

Rɔmɛnje 8:15

Mba Ndil kə̂ Lubba arəse le to Ndil kə̂ aw ddase bbərə tə̂ ang ddəm aw ula bbəəl məse tə̂ ang ddəm. To Ndil-mə-nda kə̂ ddase to ngannje lə Lubba ngaâ arəje ddəw karə juru əkii kə rɔ Lubba tə̂ nan: «Aba! Bɔy!»

Rɔmɛnje 8:2

Mba Ndu lə Ndil kə̂ aw arə təbbə dəw ddəw mə-kâra tə̂ n̂-dda kə Jeju-Kristə le ɔrɛ̂ ji Ndu tə̂ lə majang ddəm yo tə̂ ddəm mban.

1 Kɔrɛntinyɛje 15:58

Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.

2 Kɔrɛntinyɛje 13:5

Maji karə sese njaa ə-tənnje rɔse ooje se ə-naynje ddəw mə-kunn tə̂ ləse wa? Ə-gərəje kə majɛ̂ to Jeju-Kristə to məse tə̂ ang wa? Baann ang a, yeenn tɔju to rɔse kə̂ ə-tənnje le tɔjuse to ə-naynje ddəw mə-kunn tə̂ ləse ang.

Galatəje 2:4

A marə ngakɔnje kə̂ tɔkɔrɔ ang dujuje karə nuja ganja bba. To dede kə̂ dandəje horoje tə̂ hɔy baa. N̂-ddeeje horoje tə̂ ta tənn kisi ləje go bbərə tə̂ kə̂ n-tee kɔɛ tə̂ kə ddang ddəw tə̂ lə Jeju-Kristə le koo. N̂-ndikije ta təl kə je kɔ bbərə tə̂ le guku.

Galatəje 5:1

Kristə ɔruje kɔ bbərə tə̂ karə jisi to bbərəje ang ngaa. Yeenn a, uwaje arə ngəng bbo arəje n̂-təl kə se kɔ bbərə tə̂ ang.

Galatəje 6:2

Maji karə otoje nɛ̂n-koto kə naan, yeenn â to dda kula kə ndu Kristə.

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.

1 Timɔte 2:15

A Lubba a kaji dɛnɛ̂n ddəw kuju ngonn tə̂, tokə n̂-nayn ddəw mə-kunn tə̂, ddəw n̂-ndiki dəwje tə̂, ddəw sangə-rɔ tə̂ kə ddəw dda rɔ ngaji tə̂.

1 Timɔte 4:16

Ə-ngəm rɔi kə majɛ̂, unda kəmi dɔ nɛ̂n-tɔju tə̂ ləi. Ə-nayn ddəwe tə̂ kə ndɔ tɔyn, mba bbo ə-dda tokə baann a, əi njaa â kaji rɔi ddəm â kaji dəwje kə̂ aw ooje tar ləi ddəm.

Ebərəje 12:15

Aaje kə majɛ̂ arəje marə dəw dda arə mə-maji lə Lubba due ang, bba karə dəw kâra ddee tokə marə kam kə̂ atə kə̂ aw ndu horo dəwje tə̂ ang. Dəw kə̂ baann le aw ddee kə tar horo dəwje tə̂ ddəm aw tuju dəwje ddəm.

Jakə 2:12

Maji karə ə-paje tar ta ə-ddaje nɛ̂n tokə dəwje kə̂ Lubba asə gangə sariya dɔde tə̂ ddəw ndu tə̂ kə̂ aw ɔru dəw kɔ bbərə tə̂.

1 Piyɛr 2:16

Maji karə ə-ddaje nɛ̂n tokə dəwje kə̂ teeje kɔ bbərə tə̂ mban, a maji karə tee kə̂ ə-teeje kɔ bbərə tə̂ le təl to marə nɛ̂n kə̂ ta kɔnn nɛ̂n dɔ majang ang. Maji karə ə-ddaje nɛ̂n tokə bbərəje lə Lubba ngaa.

1 Jan 2:24

A sese, maji karə tar kə̂ ooje kunn-kute tə̂ njaa nayn məse tə̂. Bbo tar kə̂ ooje kunn-kute tə̂ le nayn məse tə̂ a, yeenn pa nan ə-naynje ddəw mə-kâra tə̂ kə Ngonn ddəm kə Bɔ ddəm.

Apokalisi 14:13

Moo marə ndu kə̂ in darâ pa arəm nan: «Uja tar nəənn makəturu tə̂: ‹Maji arəde, de dəwje kə̂ n̂-naynje ddəw tə̂ lə Əbbə-dəwje ndərəng doyje nɛ̂n bbasinɛn nəənn.› Ndil-mə-nda pa nan: ‹Tɔkɔrɔ njaa, maji karə duwaje rɔde go kula tə̂ kə̂ ngəng kə̂ n̂-ddaje, mba kulaje kə̂ n̂-ddaje a kunn gode.› »

Apokalisi 22:14

Maji arəde, de dəwje kə̂ daw tokoje kubbuje ləde, ta kinga ddəw kusa kandə kakə kə̂ aw arə dəw təbbə ddəm ta kandə kə ta-ndoko mə bbe tə̂ le ddəm.