Jakə 1:22 - Dɔnɔn kə̂ Siki: Tar kə̂ aw arə təbbə

²² Ərəje rɔse ang. Ə-ddaje kula kə tar lə Lubba bbo ooje kə mbise baa ang.

Jakə 1:22 ပူးပေါင်းရင်းမြစ်များ

Matiye 12:50

Bbo dəw dda nɛ̂n kə̂ mə Bɔmje kə̂ darâ ndiki a, dəw le to ngokɔnʼm, to kɔn-nannəm wase kɔnʼmje.»

Matiye 28:20

Ə-tɔjujede arəje n̂-ddaje nɛ̂n kə turu nduje tɔyn kə̂ munn marəse. Ooje, mâ nayn kə se kə ndɔ tɔyn ndərəng ddutu ndɔ tə̂.»

Luku 11:28

A Jeju ilɛ̂ tə̂ nan: «Uta tɔyn, maji arə dede kə̂ dooje tar lə Lubba a, ngəmje.»

Tar kə̂ Maji kə̂ Jan dda makəturu tə̂ 13:17

Bbasinɛn, ə-gərəje nɛ̂ɛnn le ngaa. Bbo ə-ddaje nɛ̂ɛnn le a rɔ-nəəl to ləse.

Rɔmɛnje 2:13

Mba dəwje kə̂ ooje Ndu lə Mɔyijə kə mbide to koo baa toje gatə gatə kəm Lubba tə̂ ang. Njê kə̂ ddaje nɛ̂n kə turu Ndu le bba Lubba a karə n̂-ddeeje gatə gatə kəmɛ̂ tə̂.

1 Kɔrɛntinyɛje 15:33

Ərəje rɔse ang: «Dəw kə̂ uwa go nje-nɛ̂n-dda kə̂ maji ang, a ddee to nje-nɛ̂n-dda kə̂ maji ang tɔ.»

1 Kɔrɛntinyɛje 3:18

Maji karə dəw kâra ərə rɔɛ̂ ang. Bbo marə dəw horose tə̂ oo rɔɛ̂ to nje-kəm-karɛ ddəw nɛ̂nje tə̂ kə̂ dɔ nangə tə̂ nəənn a, maji karə noo rɔɛ̂ to mbə bba nâ ddee to nje-kəm-karɛ kə̂ tɔkɔrɔ.

1 Kɔrɛntinyɛje 6:9

Ə-gərəje ang wa? Dəwje kə̂ toje gatə gatə ang, lo ləde goto Bbe-kɔn tə̂ lə Lubba. Ərəje rɔse ang! Njê-kayaje wase njê-poloje kɔrje, njê-ddaje lo-to-majang wase dingawje kə̂ aw toje kə dingaw marədeje,

Galatəje 6:3

Bbo dəw kə̂ to marə nɛ̂n ang oo rɔɛ̂ bo nya a, ne njaa naw nərə rɔɛ̂.

Galatəje 6:7

Ərəje rɔse ang: Dəw asə koko Lubba ang, nɛ̂n kə̂ dəw dubbu a, a kuja kandɛ̂.

Pilipinyɛje 4:8

Ngakɔnʼmje, tar kə̂ mâ kutu nɛ̂n dɔɛ̂ â nəənn: undaje kəjə ləse kə dɔ nɛ̂nje tə̂ kə̂ tɔkɔrɔ, nɛ̂n kə̂ asə karə dəwje ooje to nɛ̂n kə̂ ngəng kəmde tə̂, nɛ̂n kə̂ gatə gatə, nɛ̂n kə̂ to nɛ̂n-yərəw ang, nɛ̂n kə̂ asə karə dəw ndiki, nɛ̂n kə̂ maji kə̂ dəwje asəje ta piti, nɛ̂n tɔyn kə̂ maji, nɛ̂n kə̂ asə ta kɔsu gajɛ̂.

Kolosinyɛje 3:17

Nɛ̂n tɔyn kə̂ aw ddaje wase aw paje, maji karə ə-ddaje kə ri Əbbə-dəwje Jeju ngaâ arəje wooyo Lubba kə̂ Bɔ ddəw tə̂ laa.

2 Timɔte 3:13

A dəwje kə̂ məde maji ang kə njê-kərə dəwje, dâ ddaje majang kə kete kete, dâ kərəje dəwje ngaâ dede njaa kara dəwje a kərəjede tɔ.

Titə 3:3

Mba jeje njaa kara, ləw toje to mbəje, n-toje to njê-dɔ-ngəngje, n-ndəəmje ddəw, bbo nɛ̂nje kə rɔ-nəəlje dang dang uta dɔje. Jaw ddaje majang ngaâ məje aw maji ang dɔ njê-marəjeje tə̂, n-nəəl kəm dəwje tə̂ ang ngaâ n-mbətəje naan tɔ.

Jakə 1:26

Bbo marə dəw oo rɔɛ̂ to nje-polo Lubba, â bbo n̂-ngəm tɛɛ̂ ang a, naw nərə rɔɛ̂, polo Lubba laa to nɛ̂n kə̂ baa.

Jakə 4:11

Ngakɔnʼmje, maji karə ə-paje tar kə̂ maji ang kə ri naan ang. Bbo dəw pa tar kə ri ngokɔɛ̂n maji ang wase gangə sariya dɔ ngokɔɛ̂n tə̂ a, n̂-pa tar dɔ ndu tə̂ maji ang ddəm n̂-gangə sariya dɔ ndu tə̂ ddəm. A bbo ə-gangə sariya dɔ ndu tə̂ a, ə-to nje-ngəm ndu le ang, ə-to nje-gangə sariya dɔ ndu tə̂ le.

Jakə 4:17

Yeenn a, dəw kə̂ gərə ddəw dda nɛ̂n kə̂ maji bba dda ang, dda majang.

2 Piyɛr 2:13

Baann njaa â dâ kingaje nɛ̂n kuka nɛ̂n-ddaje ləde kə̂ gatə gatə ang le. Rɔde nəəlde nya ta dda nɛ̂n-yərəw dann karâ. N̂-toje tokə yərəw kə̂ ratə kubbu arə to nɛ̂n-rɔ-kul. Bbo daw dusaje nɛ̂n kə se a, rɔde aw nəəlde ta kərəse.

1 Jan 1:8

Bbo n-paje nan n-ddaje majang ang a, jeje njaa jaw jərəje rɔje ngaâ tar kə̂ tɔkɔrɔ to məje tə̂ ang.

1 Jan 2:3

Bbo n-ngəmje ndu lə Lubba a, yeenn tɔju to n-gərəje Lubba.

1 Jan 3:7

Ngannje, arəje dəw ərəse ang. Dəw kə̂ dda kula kə̂ gatə gatə to gatə gatə tokə Jeju-Kristə to gatə gatə le.

3 Jan 1:11

Ngokɔnʼm kə̂ m-ndikii nya, kula-dda kə̂ maji â ə-ndaji bbo kula-dda kə̂ maji ang â ə-ndaji ang. Dəw kə̂ dda maji to dəw lə Lubba. Dəw kə̂ dda maji ang gərə Lubba ang.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 22:7

Jeju pa nan: «Oo, maw ddee ngɔsi baa ngaa. Rɔ-nəəl to lə dəwje kə̂ aw ngəmje tarje kə̂ dila mbəre makəturu tə̂ nəənn!»