Jakə 1:21 - Dɔnɔn kə̂ Siki: Tar kə̂ aw arə təbbə

²¹ Mba yeenn bba, maji karə inyaje nɛ̂n-yərəw tɔyn kə mə-majangje tɔyn, ə-taaje tar kə̂ Lubba dubbu məse tə̂ kə mə ngonn-kasə. Tar le a kasə ta kajise.

Jakə 1:21 ပူးပေါင်းရင်းမြစ်များ

Matiye 5:5

Maji arəse, see dəwje kə̂ ə-wulje pee, mba Lubba a karəse nangə nəənn to ləse.

Tar kə̂ Maji kə̂ Jan dda makəturu tə̂ 6:63

Ndil lə Lubba â aw arə təbbə dəw, bbo da-rɔ dəw asə dda marə nɛ̂n kâra ang. Tarje kə̂ m-pa marəse le toje to Ndil ddəm təbbə ddəm.

Tar kə̂ Maji kə̂ Jan dda makəturu tə̂ 6:68

Simɔn Piyɛr ilɛ̂ tə̂ nan: «Əbbə-dəwje, nân bba ja kaw rɔɛ̂ tə̂ wa? Əi â, tar kə̂ aw arə təbbə kə̂ to kə ndɔ kə ndɔ to tai tə̂.

Kulaje 10:33

Kar tə̂ənn njaa mula mari, a ə-ndiki tə̂ â ə-ddee nəənn. Bbasinɛn, jeje tɔyn jee nɔn Lubba tə̂ ta koo tar kə̂ Əbbə-dəwje unda tai tə̂ karə ə-pa arəje.»

Kulaje 13:26

Ngakɔnʼmje, sese kə̂ gəl Abaraham tə̂ kə see kəseje kə̂ aw bbəəlje Lubba, maji karə ə-gərəje to Lubba ula kə tar kaji nəənn ɔju dɔje.

Rɔmɛnje 1:16

Rɔ-kul kila mbər Tar kə̂ Maji le ddam ang. Mba to singa-mɔngu lə Lubba kə̂ aw aji nɛ̂n dəwje tɔyn kə̂ ooje məde tə̂, Jiipije dɔngɔr, goe tə̂ a, Gɛrɛkəje.

Rɔmɛnje 11:17

Ngann Ijarayɛlje toje tokə kakə olibə kə̂ maji kə̂ n̂-dubbu ndɔɔ̂, kə̂ n̂-tuka marə barkəmɛ̂je. A əi, ə-to tokə barkəm olibə kə̂ muû, kə̂ dunn dɔsu turu ye tə̂ kə̂ maji le. Bbasinɛn, nɛ̂nje kə̂ maji kə̂ ngann Ijarayɛlje aw ingaje, əi aw inga tɔ, tokə barkəm kakə kə̂ dɔsu kar marɛ̂ tə̂ aw inga singa ddəw ngira kakə tə̂ le.

Rɔmɛnje 6:17

A wooyo arə Lubba, mba sese kə̂ ləw ə-toje to bbərəje lə majang le bbasinɛn ə-ddaje kula kə mə-kâra ddəw nɛ̂n-tɔju tə̂ kə̂ maji kə̂ n̂-tɔjuse.

1 Kɔrɛntinyɛje 15:2

Bbo ə-ngəmje Tar kə̂ Maji le kə ddəwe kə̂ m-tɔju nɛ̂n se a, Tar le a kajise. Baann ang a, mə-kunn ləse a to nɛ̂n kə̂ baa.

2 Kɔrɛntinyɛje 7:1

See ngakɔnʼmje kə̂ m-ndikise nya, Lubba unn ndue ta dda nɛ̂njeenn tɔyn mba tar ləje. Yeenn a, maji karə jeje njaa jɔru nɛ̂n-yərəwje tɔyn da-rɔje tə̂ kə kəjə tə̂ ləje kə ddang. Maji karə n-ddaje singa ta ddee maji tɔyn ddəw bbəəl Lubba tə̂.

Epɛjinyɛje 1:13

Ddəw tə̂ lə Kristə le tɔ a, sese kara ooje nɛ̂n tar kə̂ tɔkɔrɔ, Tar kə̂ Maji kə̂ ajise, ooje məse tə̂ kə Kristə ngaâ Lubba uja əndaji rɔse tə̂. Əndaji le to Ndil-mə-nda kə̂ nunn ndue ta karə le.

Epɛjinyɛje 4:22

maji karə inyaje pa-nja ləse kə̂ ləw. Inyaje da-rɔ kə ləw kə̂ bbo kə̂ to tə̂ aw dda arə aw tuju.

Epɛjinyɛje 4:25

Yeenn a, maji karə inyaje ngəm, ta dəw kâra kâra pa tar kə̂ tɔkɔrɔ arə nje-marɛ̂, mba jeje tɔyn njaa n-toje da-rɔ kə̂ kâra baa.

Epɛjinyɛje 5:4

Maji karə tar mbəje wase tar kə̂ asə pa ang kə tar rɔ-kul tee tase tə̂ ang. To nɛ̂nje kə̂ karə ə-ddaje ang. A wooyo â ta arəje Lubba.

1 Tesalonisinyɛje 1:5

mba Tar kə̂ Maji kə̂ jila mbəre bbeê ləse le, to tarje kə̂ baa ang. Jila mbər le kə singa-mɔngu kə̂ Ndil-mə-nda arəje ngaâ n-gərə to tar kə̂ jaw pa jarəse le to tar kə̂ tɔkɔrɔ. Ə-gərəje ddəw kə̂ jisi nɛ̂n horose tə̂ le kə majɛ̂, n-dda baann mba maji ləse.

1 Tesalonisinyɛje 2:13

Jaw jarə wooyo Lubba kə ndɔ tɔyn mba kar kə̂ jila mbər tar lə Lubba jarəse le, ooje ngaâ ə-taaje to tar lə Lubba njaa, bbo to tar lə dəwje ang. Tar le aw dda kula məse tə̂, see njê-mə-kunnje.

Titə 2:11

Mba Lubba tɔju mə-maji laa kə̂ to ddəw kə̂ dəwje tɔyn asəje ta kinga nɛ̂n kaji.

Ebərəje 12:1

Jeje, dəwje nya kə̂ ddaje nɛ̂n ddəw mə-kunn tə̂ le gukujeje. Yeenn a, maji karə n-mbətəje nɛ̂nje tɔyn kə̂ aw ɔɔyjeje, uta tɔyn majang kə̂ aw unguje mə bandə tə̂ laa kə ngɔru baa, ta jaynje ngɔru kə̂ Lubba dujuje karə jaynje le bbo jinyaje ddəwe ang.

Ebərəje 2:3

Yeenn a, bbo jooje kaji kə̂ ngəng be nəənn le to nɛ̂n ang a, jeje ja teeje ta kunda tə̂ tokə baânn wa? Kaji nəənn le, Əbbə-dəwje â unn kutu kila mbəre. Goe tə̂ a, dəwje kə̂ ooje tam kaji nəənn le təlje ddee paje tarɛ̂ arəje nan to tar kə̂ tɔkɔrɔ.

Ebərəje 4:2

Mba ndu Lubba kə̂ unn ngaâ dila mbəre darə kajejedede le dila mbəre darəje tɔ. A Tar kə̂ Maji nəənn kə̂ dooje le dda marə nɛ̂n kâra rɔde tə̂ ang, mba dəwje kə̂ ooje tar le ooje nɛ̂n məde tə̂ ang ddəm.

Jakə 4:8

Ə-ddeeje ngɔsi kə Lubba a, nâ ddee ngɔsi kə se tɔ. Ə-tokoje jise, see njê-nɛ̂n-ddaje kə̂ maji ang, arəje məse nda kayn, see dəwje kə̂ kəjə ləse to lo kâra ang.

Jakə 5:20

maji karə ə-gərəje to dəw kə̂ təl kə ngokɔɛ̂n kə ndəəm ddəw tar kə̂ tɔkɔrɔ le taa ngokɔɛ̂n le ta yo tə̂ ngaâ Lubba a kɔru majangje tokə banya dɔ ngokɔɛ̂n tə̂ le.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Piyɛr 1:9

Rɔse nəəlse mba ingaje kaji to kuka ləse mba məse kə̂ unnje le.

1 Piyɛr 2:1

Maji karə inyaje nɛ̂n-ddaje kə̂ maji ang tɔyn kə nɛ̂n-dda kə̂ kə gusu tɔyn. Maji karə tar kə̂ tase tə̂ to dang kə ye kə̂ məse tə̂ ang, ə-ddaje bbo nɛ̂n lə dəw ang ddəm ə-nanɛnje kə dəw ang ddəm.

1 Piyɛr 2:11

See ngakɔnʼmje kə̂ m-ndikise nya, ə-toje to njê-mbaje ddəm dəwje kə̂ aw ndayje to nday dɔ nangə tə̂ nəənn ddəm. Mba yeenn bba, m-ndəjəse karə ə-ngəmje rɔse ddəw bboje tə̂ kə̂ da-rɔ tə̂ kə̂ aw ddaje ddɔ kə se.